ਸੀ.ਪੀ.ਆਈ. ਮਾਨਸਾ ਪੰਜਾਬ ਦੇ ਭਖਦੇ ਮਸਲਿਆਂ ਤੇ 15 ਮਈ ਨੂੰ ਕਰੇਗੀ ਵਿਸ਼ਾਲ ਕਨਵੈਨਸ਼ਨ ਅਤੇ ਮੁਜ਼ਾਹਰਾ -ਚੌਹਾਨ
ਮਹਾਨ ਕ੍ਰਾਂਤੀਕਾਰੀ, ਦਾਰਸ਼ਨਿਕ ਕਾਮਰੇਡ ਲੈਨਿਨ ਅਤੇ ਕਾਰਲ ਮਾਰਕਸ ਦੇ ਜਨਮਦਿਨ ਨੂੰ ਸਮਰਪਿਤ ਪੰਦਰਵਾੜਾ ਮਨਾਇਆ ਗਿਆ।
ਮਾਨਸਾ, 2 ਮਈ
ਸਥਾਨਕ ਤੇਜਾ ਸਿੰਘ ਸੁਤੰਤਰ ਭਵਨ ਵਿਖੇ ਜ਼ਿਲ੍ਹਾ ਸਕੱਤਰ ਕ੍ਰਿਸ਼ਨ ਚੌਹਾਨ ਦੀ ਅਗਵਾਈ ਹੇਠ ਕਾਮਰੇਡ ਵੇਦ ਪ੍ਰਕਾਸ਼ ਬੁਢਲਾਡਾ ਅਤੇ ਰੂਪ ਸਿੰਘ ਢਿੱਲੋਂ ਦੀ ਪ੍ਰਧਾਨਗੀ ਹੇਠ ਜ਼ਿਲ੍ਹਾ ਕੌਂਸਲ ਦੀ ਵਧਾਈ ਹੋਈ ਮੀਟਿੰਗ ਵਿੱਚ ਸੌ ਦੇ ਕਰੀਬ ਸਾਥੀ ਸ਼ਾਮਲ ਹੋਏ। ਮਹਾਨ ਕ੍ਰਾਂਤੀਕਾਰੀ, ਦਾਰਸ਼ਨਿਕ ਕਾਮਰੇਡ ਲੈਨਿਨ ਅਤੇ ਕਾਰਲ ਮਾਰਕਸ ਦੇ ਜਨਮ ਦਿਹਾੜੇ ਨੂੰ ਸਮਰਪਿਤ ਪੰਦਰਵਾੜਾ ਮਨਾਇਆ ਗਿਆ।ਇਸ ਮੌਕੇ ਸੀ.ਪੀ.ਆਈ.ਦੇ ਕੇਂਦਰੀ ਕੰਟਰੋਲ ਕਮਿਸ਼ਨ ਦੇ ਮੈਂਬਰ ਅਤੇ ਸਾਬਕਾ ਵਿਧਾਇਕ ਕਾਮਰੇਡ ਹਰਦੇਵ ਸਿੰਘ ਅਰਸ਼ੀ ਨੇ ਪੰਦਰਵਾੜੇ ਵਿੱਚ ਸ਼ਾਮਲ ਸਾਥੀਆਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਕਮਿਊਨਿਸਟ ਲਹਿਰ ਨੂੰ ਇਸ ਦੇ ਜਨਮ ਤੋਂ ਹੀ ਭੱਦੀ ਕਿਸਮ ਦਾ ਘਟੀਆ ਪ੍ਰਚਾਰ, ਤਸ਼ੱਦਦ ਅਤੇ ਹਰ ਦੇ ਜਬਰ ਦਾ ਸਾਹਮਣਾ ਕਰਨਾ ਪਿਆ ਪਰ ਇਸ ਦੇ ਬਾਵਜੂਦ ਵੀ ਕਮਿਊਨਿਸਟ ਅੰਦੋਲਨ ਮਜ਼ਬੂਤੀ ਨਾਲ ਅੱਗੇ ਵਧ ਰਿਹਾ ਹੈ। ਭਾਵੇਂ ਦਰਜਨਾਂ ਦੇਸਾਂ ਵਿੱਚ ਗੈਰ ਕਾਨੂੰਨੀ ਪ੍ਰਸਥਿਤੀਆਂ ਦਾ ਸਾਹਮਣਾ ਕਰਨਾ ਪਿਆ ਹੈ।ਭਾਰਤ ਦੇਸ ਵਿਚ ਵੀ ਉਹ ਲੋਕ ਗ਼ਲਤ -ਫ਼ਹਿਮੀ ਦਾ ਸ਼ਿਕਾਰ ਹਨ ਸੋ ਤਰੀਕਾਂ ਅਤੇ ਸਮਾਂ ਤਹਿ ਕਰਕੇ ਕਮਿਊਨਿਸਟ ਲਹਿਰ ਨੂੰ ਕੁਚਲਣ ਦੇ ਸੁਪਨੇ ਲੈ ਰਹੇ ਹਨ ਕਿਉਂਕਿ ਕਿ ਭਾਰਤ ਦੇ ਮਜ਼ਦੂਰਾਂ, ਕਿਸਾਨਾਂ, ਦੁਕਾਨਦਾਰਾਂ, ਛੋਟੇ ਕਾਰੋਬਾਰੀਆਂ, ਵਿਦਿਆਰਥੀਆਂ, ਬੁੱਧੀਜੀਵੀਆਂ ਤੇ ਦਰਮਿਆਨੇ ਵਰਗ ਦੀ ਆਸ ਸਿਰਫ਼ ਕਮਿਊਨਿਸਟ ਲਹਿਰ ਹੀ ਹੈ।ਜੋ ਦੇਸ਼ ਨੂੰ ਡੂੰਘੇ ਆਰਥਿਕ ਸੰਕਟ ਵਿੱਚੋਂ ਕੱਢ ਕੇ ਇਨਸਾਫ਼ ਪਸੰਦ ਸਮਾਜ ਸਿਰਜੇਗੀ, ਜਿੱਥੇ ਹਰ ਕਿਰਤੀ ਆਪਣੀ ਕਿਰਤ ਦਾ ਖ਼ੁਦ ਮਾਲਕ ਹੋਵੇਗਾ।ਲੋਕ ਸੰਘਰਸ਼ਾਂ ਦੀ ਅਗਵਾਈ ਕਰਨ ਲਈ ਸਿਧਾਂਤਕ ਤੌਰ ‘ਤੇ ਮਾਰਕਸ ਵਿਗਿਆਨ ਵਿੱਚ ਪਰਪੱਕ ਹੋਣਾ ਸਮੇਂ ਦੀ ਮੁੱਖ ਲੋੜ ਹੈ।ਇਸ ਮੌਕੇ ਇੱਕ ਵਿਸ਼ੇਸ਼ ਮਤੇ ਰਾਹੀਂ ਮਾਨ ਸਰਕਾਰ ਵੱਲੋਂ ਤੇਰਾਂ ਸਾਲਾਂ ਬਾਅਦ ਉਜ਼ਰਤਾਂ ਵਿਚ ਕੇਵਲ ਪੰਦਰਾਂ ਪ੍ਰਤੀਸ਼ਤ ਵਾਧੇ ਨੂੰ ਊਠ ਦੇ ਮੂੰਹ ਵਿੱਚ ਜ਼ੀਰੇ ਵਾਲ਼ੀ ਗੱਲ ਦਸਦਿਆਂ ਨਿਖੇਧੀ ਕੀਤੀ।
ਜ਼ਿਲ੍ਹਾ ਪਾਰਟੀ ਵੱਲੋਂ 15 ਮਈ ਨੂੰ ਐੱਸ.ਕੇ.ਐੱਮ. ਵੱਲੋਂ ਚੰਡੀਗੜ੍ਹ ਵਿਖੇ ਕੀਤੀ ਜਾਣ ਵਾਲੀ ਰੈਲੀ ਅਤੇ 19 ਮਈ ਨੂੰ ਪੰਜਾਬ ਏਟਕ ਵੱਲੋਂ ਕਿਰਤ ਦਫ਼ਤਰ ਮੋਹਾਲੀ ਵਿਖੇ ਕੀਤੀ ਜਾ ਰਹੀ ਰੈਲੀ ਦੀ ਹਮਾਇਤ ਕਰਦਿਆਂ ਸਾਥੀਆਂ ਨੂੰ ਸ਼ਾਮਲ ਹੋਣ ਦੀ ਅਪੀਲ ਕੀਤੀ ਗਈ। ਜ਼ਿਲ੍ਹਾ ਸਕੱਤਰ ਕ੍ਰਿਸ਼ਨ ਚੌਹਾਨ ਨੇ ਕਿਹਾ ਕਿ ਪੰਜਾਬ ਦੇ ਜਨਤਕ ਮੁੱਦਿਆਂ ਨੂੰ ਲੈ ਕੇ 24 ਮਈ ਨੂੰ ਮਾਨਸਾ ਵਿਖੇ ਵਿਸ਼ਾਲ ਕਨਵੈਨਸ਼ਨ ਤੇ ਮੁਜ਼ਾਹਰਾ ਕੀਤਾ ਜਾਵੇਗਾ ਇਸ ਮੌਕੇ ਸੂਬਾਈ ਅਤੇ ਜ਼ਿਲ੍ਹਾ ਲੀਡਰਸ਼ਿਪ ਵਿਸ਼ੇਸ਼ ਤੌਰ ‘ਤੇ ਸੰਬੋਧਨ ਕਰੇਗੀ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਸੀਤਾ ਰਾਮ ਗੋਬਿੰਦਪੁਰਾ, ਰਤਨ ਭੋਲਾ,ਮਲਕੀਤ ਮੰਦਰਾਂ,ਸੁਖਰਾਜ ਜੋਗਾ,ਰਾਜ ਕੁਮਾਰ ਸ਼ਰਮਾ,ਜੱਸੀ ਰਾਏਕੇ, ਕਿਰਨਾ ਰਾਣੀ, ਰਾਵਿੰਦਰ ਕੌਰ, ਹਰਮੀਤ ਸਿੰਘ ਬੋੜਾਵਾਲ, ਬਲਵੰਤ ਫ਼ੱਕਰ, ਮਨਪ੍ਰੀਤ ਫਰੀਦ ਕੇ ਗੋਰਾ ਟਾਹਲੀਆਂ, ਸੁਖਦੇਵ ਪੰਧੇਰ, ਮਲਕੀਤ ਬਖਸ਼ੀਵਾਲਾ,ਚਿਮਨ ਲਾਲ ਕਾਕਾ, ਬੂਟਾ ਸਿੰਘ ਬਰਨਾਲਾ, ਕਪੂਰ ਸਿੰਘ ਕੋਟਲੱਲੂ, ਭੁਪਿੰਦਰ ਗੁਰਨੇ, ਦਰਸ਼ਨ ਮਾਨਸ਼ਾਹੀਆ,ਪੱਪੀ ਮੂਲਾ ਸਿੰਘ ਵਾਲਾ, ਗੁਰਦਿਆਲ ਦਲੇਲ ਸਿੰਘ ਵਾਲਾ, ਗੁਰਦੇਵ ਸਿੰਘ, ਸੁਰਜੀਤ ਸਿੰਘ ਭੀਖੀ,ਅਮਰੀਕ ਮੰਦਰਾਂ ਅਤੇ ਲਾਭ ਸਿੰਘ ਮੰਢਾਲੀ ਆਦਿ ਹਾਜ਼ਰ ਸਨ।
