21 ਮੈਂਬਰੀ ਸੰਘਰਸ਼ ਕਮੇਟੀ ਦੇ ਸੰਘਰਸ਼ ਤੋਂ ਬਾਅਦ ਪ੍ਰਸ਼ਾਸਨ ਐਕਸ਼ਨ ਮੋਡ ਵਿੱਚ, 2 ਨਵੀਆਂ ਸਬ-ਕਮੇਟੀਆਂ ਦਾ ਗਠਨ

ਮਾਨਸਾ 2 ਮਈ

21 ਮੈਂਬਰੀ ਸੰਘਰਸ਼ ਕਮੇਟੀ, ਮਾਨਸਾ ਦੀ ਅਹਿਮ ਮੀਟਿੰਗ ਡਾ. ਜਨਕ ਰਾਜ ਸਿੰਗਲਾ ਦੀ ਪ੍ਰਧਾਨਗੀ ਹੇਠ ਹੋਈ, ਜਿਸ ਵਿੱਚ ਸ਼ਹਿਰ ਦੀਆਂ ਵੱਖ-ਵੱਖ ਸਮੱਸਿਆਵਾਂ ਤੇ ਪਿਛਲੇ ਕਾਰਜਾਂ ਦਾ ਰੀਵਿਊ ਕੀਤਾ ਗਿਆ। ਕਮੇਟੀ ਨੂੰ ਖੁਸ਼ੀ ਹੈ ਕਿ ਡਿਪਟੀ ਕਮਿਸ਼ਨਰ, ਏ ਡੀ ਸੀ ਤੇ ਐਸ ਡੀ ਐਮ ਮਾਨਸਾ ਸਮੇਤ ਸੰਬੰਧਿਤ ਅਧਿਕਾਰੀਆਂ ਨਾਲ ਲਗਾਤਾਰ ਮੀਟਿੰਗਾਂ ਦੇ ਸਿੱਟੇ ਵਜੋਂ ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ ਸਾਰੇ ਮੁੱਦਿਆਂ ਤੇ ਸਕਾਰਾਤਮਕ ਤੇ ਤੁਰੰਤ ਕਾਰਵਾਈ ਦਾ ਭਰੋਸਾ ਦਿੱਤਾ ਗਿਆ ਹੈ।
ਮਾਸਟਰ ਪਲਾਨ ਸਬੰਧੀ ਟਾਸਕ ਫੋਰਸ ਗਠਿਤ ਕੀਤੀ ਗਈ ਹੈ ਕਮੇਟੀ ਦੀ ਮੰਗ ਤੇ ਡੀਸੀ ਮਾਨਸਾ ਨੇ ਏਡੀਸੀ ਦੀ ਅਗਵਾਈ ਹੇਠ ਮਾਸਟਰ ਪਲਾਨ ਟਾਸਕ ਫੋਰਸ ਬਣਾਉਣ ਦੇ ਹੁਕਮ ਦਿੱਤੇ ਹਨ। ਨੋਟੀਫਾਈਡ ਮਾਸਟਰ ਪਲਾਨ ਦੀ ਉਲੰਘਣਾ ਕਰਕੇ ਪਾਸ ਹੋ ਰਹੇ ਮੈਪ ਤੁਰੰਤ ਰੋਕੇ ਜਾਣਗੇ। 15 ਦਿਨਾਂ ਵਿੱਚ ਸਾਰੀਆਂ ਮੁੱਖ ਸੜਕਾਂ ਦੀ ਨਿਸ਼ਾਨਦੇਹੀ ਸ਼ੁਰੂ ਹੋਵੇਗੀ ਤੇ ਗੈਰ-ਕਾਨੂੰਨੀ ਉਸਾਰੀਆਂ ਖਿਲਾਫ ਕਾਰਵਾਈ ਹੋਵੇਗੀ ਵੀ ਆਈ ਪੀ ਰੋਡ 700 ਫੁੱਟ ਆਰ ਸੀ ਸੀ ਸੜਕ ਦੇ ਫੇਲ੍ਹ ਹੋਏ ਸੈਂਪਲਾਂ ਸਬੰਧੀ ਡਿਪਟੀ ਕਮਿਸ਼ਨਰ ਮਾਨਸਾ ਨੇ ਡਾਇਰੈਕਟਰ ਲੋਕਲ ਬਾਡੀਜ਼ , ਪੰਜਾਬ ਸਰਕਾਰ ਨੂੰ ਅਗਲੇਰੀ ਕਾਰਵਾਈ ਹਿੱਤ ਰਿਪੋਰਟ ਬਣਾ ਕੇ ਭੇਜਿਆ ਹੈ ਜ਼ਿੰਮੇਵਾਰ ਅਧਿਕਾਰੀਆਂ ਅਤੇ ਠੇਕੇਦਾਰ ਖਿਲਾਫ ਬਣਦੀ ਕਾਰਵਾਈ ਅਤੇ ਸੜਕ ਮੁੜ ਬਨਾਉਣ ਦਾ ਵੀ ਭਰੋਸਾ ਦਿਵਾਇਆ ਹੈ। ਨਾਲ ਹੀ ਮਾਨਸਾ ਦੇ ਪਿਛਲੇ 1 ਸਾਲ ਦੇ ਸਾਰੇ ਆਰ ਸੀ ਸੀ ਦੇ ਕੰਮਾਂ ਦੀ ਤੀਜੀ ਧਿਰ ਤੋਂ ਸੈਂਪਲਿੰਗ ਕਰਵਾਈ ਜਾਵੇਗੀ।
ਕਚਹਿਰੀ ਰੋਡ 7 ਦਿਨਾਂ ਵਿੱਚ ਕਬਜ਼ਾ-ਮੁਕਤ ਕਰਵਾਉਣ ਦੇ ਨਿਰਦੇਸ਼ ਵੀ ਦਿੱਤੇ ਗਏ ਹਨ ਕਮੇਟੀ ਨੇ ਦੱਸਿਆ ਕਿ 60% ਕਬਜ਼ੇ ਲੋਕਾਂ ਨੇ ਖੁਦ ਹਟਾ ਦਿੱਤੇ ਹਨ। ਬਾਕੀ 40% ਲਈ ਡੀਸੀ ਸਾਹਿਬ ਨੇ 7 ਦਿਨਾਂ ਵਿੱਚ ਐਸ ਡੀ ਐਮ ਦੀ ਅਗਵਾਈ ਹੇਠ ਸਾਂਝੀ ਟੀਮ – ਤਹਿਸੀਲਦਾਰ, ਐਕਸਨ ਨਹਿਰੀ, ਈੳ ਨਗਰ ਕੌਂਸਲ – ਤੋਂ 49 ਫੁੱਟ ਕਚਹਿਰੀ ਰੋਡ ਪੱਟੀ ਤੇ ਕੇਸਰ ਵਕੀਲ ਵਾਲੀ ਗਲੀ ਤੋਂ ਮੇਨ ਰੋਡ ਤੱਕ ਪਹੀ ਦੀ ਨਿਸ਼ਾਨਦੇਹੀ ਕਰਵਾ ਕੇ ਕਬਜ਼ਾ-ਮੁਕਤ ਕਰਨ ਦੇ ਆਦੇਸ਼ ਦਿੱਤੇ ਹਨ। ਪੱਕੇ ਠੱਡੇ (ਬੁਰਜੀ ਪੱਥਰ) ਵੀ ਲੱਗਣਗੇ।
ਨਵੀਂ ਬਣੀ ਰੇਲਵੇ ਸਟੇਸ਼ਨ ਦੀ ਬਿਲਡਿੰਗ ਦੀਆਂ ਤਰੁਟੀਆਂ ਅਤੇ ਭਵਿੱਖ ਵਿੱਚ ਆਉਣ ਵਾਲੀਆਂ ਸਮੱਸਿਆਵਾਂ ਨੂੰ ਹੱਲ ਕਰਵਾਉਣ ਲਈ ਬੇਸ਼ੱਕ ਰੇਲਵੇ ਪ੍ਰਸ਼ਾਸਨ ਨਾਲ ਮਿਲ ਕੇ ਲਗਾਤਾਰ ਸਰਗਰਮ ਯਤਨ ਜਾਰੀ ਹਨ ਪ੍ਰੰਤੂ ਪੇਚੀਦਾ ਸਮੱਸਿਆਵਾਂ ਰੇਲਵੇ ਪੁਲੀ, ਅੰਡਰ ਬ੍ਰਿਜ ਅਤੇ ਟਿਕਟ ਖਿੜਕੀ-2, ਪੀਣ ਵਾਲੇ , ਲਾਂਘੇ ਪਬਲਿਕ ਵਾਸਰੂਮ ਆਦਿ ਨੂੰ ਧਿਆਨ ਵਿੱਚ ਰੱਖਦਿਆਂ ਸਬ-ਕਮੇਟੀ ਦਾ ਗਠਨ ਕੀਤਾ ਗਿਆ ਤਾਂ ਜ਼ੋ ਹੋਰ ਸੁਚਾਰੂ ਢੰਗ ਨਾਲ ਹੱਲ ਕਰਵਾਇਆ ਜਾ ਸਕੇ ਇਸ ਸਬ ਕਮੇਟੀ ਵਿੱਚ ਜਤਿੰਦਰ ਕੁਮਾਰ ਆਗਰਾ, ਹਰਵਿੰਦਰ ਭਾਰਦਵਾਜ, ਸੁਰੇਸ਼ ਕੁਮਾਰ ਨੰਦਗੜੀਆ, ਸਤੀਸ਼ ਗੋਇਲ, ਸੁਮੀਰ ਛਾਬੜਾ ਅਤੇ ਅੰਕੁਸ਼ ਜਿੰਦਲ ਸ਼ਾਮਲ ਹਨਜੋ ਇਸ ਕਾਰਜ਼ ਦੀ ਨਿਗਰਾਨੀ ਕਰਨਗੇ ।
ਕੂੜਾ ਪ੍ਰਬੰਧਨ , ਸੀਵਰੇਜ਼ ਤੇ ਵਾਤਾਵਰਨ ਸਬੰਧੀ ਨਜ਼ਰਸਾਨੀ ਲਈ ਕਮੇਟੀ ਕੂੜੇ ਦੇ ਢੇਰਾਂ ਤੋਂ ਰਾਹਤ ਦਿਵਾਉਣ, ਬੱਜਟ ਦੇ ਲੇਖੇ-ਜੋਖੇ ਦੀ ਪੜਤਾਲ ਤੇ ਦੂਸ਼ਿਤ ਵਾਤਾਵਰਨ ਕਾਰਨ ਫੈਲ ਰਹੀਆਂ ਬੀਮਾਰੀਆਂ ਤੋਂ ਨਿਜਾਤ ਦਿਵਾਉਣ ਲਈ ਸਬ-ਕਮੇਟੀ ਦਾ ਗਠਨ ਕੀਤਾ ਗਿਆ ਜਿਸ ਵਿੱਚ ਸਾਬਕਾ ਵਿਧਾਇਕ ਨਾਜ਼ਰ ਸਿੰਘ ਮਾਨਸ਼ਾਹੀਆ, ਕ੍ਰਿਸ਼ਨ ਚੌਹਾਨ, ਮਨਦੀਪ ਗੋਰਾ, ਮਾਨਿਕ ਗੋਇਲ , ਹਰਿੰਦਰ ਮਾਨਸ਼ਾਹੀਆ ਹੋਣਗੇ।
ਤਿੰਨਕੋਨੀ ਤੇ ਬਾਰਸ਼ਾਂ ਅਤੇ ਸੀਵਰੇਜ਼ ਓਵਰਫਲੋ ਕਾਰਨ ਵਾਰ ਵਾਰ ਇਕੱਠੇ ਹੋ ਰਹੇ ਗੰਦੇ ਪਾਣੀ ਕਾਰਨ ਰਾਹਗੀਰਾਂ ਨੂੰ ਆਵਾਜਾਈ ਵਿੱਚ ਵਿਘਨ ਕਾਰਨ ਹੋ ਰਹੇ ਆਰਥਿਕ ਤੇ ਜਾਨੀ ਨੁਕਸਾਨ ਦੇ ਖਤਰੇ ਨੂੰ ਲੈ ਕੇ ਵੀ ਜਲਦੀ ਸੰਬੰਧਿਤ ਅਧਿਕਾਰੀਆਂ ਨੂੰ ਮਿਲ ਕੇ ਹੱਲ ਕਰਵਾਉਣ ਦੇ ਉਪਰਾਲੇ ਕੀਤੇ ਜਾਣਗੇ। ਕਿਉਂਕਿ ਬਰਸਾਤ ਦੇ ਮੌਸਮ ਵਿੱਚ ਫੌਰੀ ਹੱਲ ਬਹੁਤ ਮੁਸ਼ਕਿਲ ਹੋ ਜਾਂਦਾ ਹੈ।
ਵੀਆਈਪੀ ਰੋਡ ਸਮੇਤ ਸ਼ਹਿਰ ਵਿੱਚ ਚੱਲ ਰਹੇ ਵੱਖ-ਵੱਖ ਕੰਮਾਂ ਵਿੱਚ ਵਰਤੇ ਜਾਣ ਵਾਲੇ ਮਟੀਰੀਅਲ ਦਾ ਨਿਰੀਖਣ ਅਤੇ ਕੰਮ ਸਮਾਂਬੱਧ ਕਰਨ ਦੀ ਮੰਗ ਤੇ ਵੀ ਪ੍ਰਸ਼ਾਸਨ ਨੇ ਸਾਰਥਕ ਧਿਆਨ ਦਿੰਦਿਆਂ ਜ਼ਿੰਮੇਵਾਰ ਅਧਿਕਾਰੀਆਂ ਦੀ ਡਿਊਟੀ ਲਗਾ ਦਿੱਤੀ ਗਈ ਹੈ।
21 ਮੈਂਬਰੀ ਸੰਘਰਸ਼ ਕਮੇਟੀ ਵੱਲੋਂ ਪ੍ਰਸ਼ਾਸਨ ਦੇ ਲੋਕ-ਪੱਖੀ ਰਵੱਈਏ ਦਾ ਧੰਨਵਾਦ ਕੀਤਾ ਗਿਆ। ਕਮੇਟੀ ਨੇ ਮੰਗ ਕੀਤੀ ਕਿ ਕਾਰਜਾਂ ਨੂੰ ਸਮਾਬੱਧ ਸਿਰੇ ਚਾੜ੍ਹਨ ਲਈ ਜ਼ਮੀਨੀ ਪੱਧਰ ਤੇ ਜਾਂਚ ਕਰਕੇ ਰਿਪੋਰਟ ਜਨਤਕ ਕੀਤੀ ਜਾਵੇ। ਕਮੇਟੀ ਨੇ ਪ੍ਰਸ਼ਾਸਨ ਨੂੰ ਹਰ ਸੰਭਵ ਸਹਿਯੋਗ ਦੀ ਪੇਸ਼ਕਸ਼ ਵੀ ਕੀਤੀ ਹੈ। ਕਾਰਜਕੁਸ਼ਲਤਾ ਨੂੰ ਹੋਰ ਬੇਹਤਰ ਬਣਾਉਣ ਲਈ ਹਰ ਮਹੀਨੇ ਦੇ ਆਖਰੀ ਹਫਤੇ ਕਮੇਟੀ ਦੀ ਰਿਵਿਊ ਮੀਟਿੰਗ ਕੀਤੀ ਜਾਇਆ ਕਰੇਗੀ।ਨਗਰ ਕੌਂਸਿਲ ਚੋਣਾਂ ਸਬੰਧੀ ਸ਼ਹਿਰ ਨਿਵਾਸੀਆਂ ਨੂੰ ਅਪੀਲ ਕੀਤੀ ਕਿ ਆਪਣੇ ਆਪਣੇ ਵਾਰਡਾਂ ਵਿੱਚ ਜੋ ਵੀ ਉਮੀਦਵਾਰ ਉਹਨਾਂ ਨੂੰ ਚੰਗਾ ਲੱਗੇ ਦੀ ਚੋਣ ਕਰਨ 21 ਮੈਂਬਰੀ ਕਮੇਟੀ ਨਿਰਪੱਖ ਅਤੇ ਸ਼ਾਂਤੀਪੂਰਨ ਚੋਣਾਂ ਕਰਾਉਣ ਲਈ ਹੀ ਪ੍ਰਸ਼ਾਸਨ ਨਾਲ ਤਾਲਮੇਲ ਕਰੇਗੀ । 21 ਮੈਂਬਰ ਕਮੇਟੀ ਦੇ ਮੈਂਬਰ ਆਪਣੇ ਤੌਰ ਤੇ ਆਪਣੇ ਵਾਰਡ ਵਿੱਚ ਅਜਾਦਾਨਾ ਕੰਮ ਕਰ ਸਕਦੇ ਹਨ 21 ਮੈਂਬਰੀ ਕਮੇਟੀ ਕਿਸੇ ਧਿਰ ਵਜੋਂ ਨਹੀਂ ਵਿਚਰੇਗੀ ਸਗੋਂ ਸਮੂਹਿਕ ਅਪੀਲ ਕਰਦਿਆਂ ਕਿਹਾ ਕਿ ਭਾਈਚਾਰੇ ਨੂੰ ਕਾਇਮ ਰੱਖਦਿਆਂ ਨਸਿਆਂ ਦੀ ਵੰਡ ਅਤੇ ਵੋਟਾਂ ਦੀ ਖ਼ਰੀਦੋ ਫਰੋਖ਼ਤ ਰਹਿਤ ਸਾਫ ਸੁਥਰੇ ਅਕਸ਼ ਵਾਲੇ ਮਿਹਨਤੀ ਉਮੀਦਵਾਰਾਂ ਦੀ ਚੋਣ ਕਰਨ ਤਾਂ ਸ਼ਹਿਰ ਦਾ ਬਹੁਪੱਖੀ ਵਿਕਾਸ ਹੋ ਸਕੇ।
ਇਸ ਮੌਕੇ ਐਡਵੋਕੇਟ ਗੁਰਲਾਭ ਸਿੰਘ ਮਾਹਲ , ਧੰਨਾ ਮੱਲ ਗੋਇਲ ਅਤੇ ਚਮਕੌਰ ਸਿੰਘ ਸਿੱਧੂ ਮੂਸਾ ਨੇ ਪ੍ਰੈਸ ਨੋਟ ਜਾਰੀ ਕਰਦਿਆਂ ਸ਼ਹਿਰ ਨਿਵਾਸੀਆਂ ਨੂੰ ਵੀ ਇਸ ਕਾਰਜ ਵਿੱਚ ਸਹਿਯੋਗ ਦੀ ਅਪੀਲ ਕਰਦਿਆਂ ਕਿਹਾ ਕਿ ਲੰਮੇ ਸਮੇਂ ਤੋਂ ਨਰਕ ਭਰੀ ਜ਼ਿੰਦਗੀ ਬਤੀਤ ਕਰ ਰਹੇ ਸ਼ਹਿਰੀਆਂ ਨੂੰ ਸਾਫ-ਸੁਥਰਾ ਵਾਤਾਵਰਨ ਦੇਣ ਲਈ ਕਮੇਟੀ ਹਰ ਸੰਭਵ ਕੋਸ਼ਿਸ਼ ਕਰੇਗੀ।