ਕਿੰਨੇ ‘ਚ ਵਿਕਿਆ ਸ਼ਹਿਰ ਦਾ ਕੂੜਾ ,ਤੇ ਕਿੱਥੇ ਵਰਤਿਆ ਰੁਪਏ..

ਸਮਾਜ ਸੇਵੀ ਆਗੂ ਪ੍ਰਦੀਪ ਗੁਰੂ ਨੇ ਮੰਗਿਆ ਨਗਰ ਕੌਂਸਲ ਤੋ ਜਵਾਬ ।

ਨਾਨਕ ਸਿੰਘ ਖੁਰਮੀ
ਮਾਨਸਾ :-11ਨਵੰਬਰ

 ਮਾਨਸਾ ਸ਼ਹਿਰ ਵਿੱਚ ਬਾਬਾ ਭਾਈ ਗੁਰਦਾਸ ਜੀ ਦੇ ਡੇਰੇ ਕੋਲ ਜੋ (ਸਟੇਡੀਅਮ ਦੀ ਜਗ੍ਹਾ) ਬਣੇ ਟੋਭੇ ਤੇ ਪੂਰੇ ਸ਼ਹਿਰ ਦਾ ਕੂੜਾ ਸੁੱਟਿਆ ਜਾਂਦਾ ਸੀ, ਜਿਸਨੇ ਹੌਲੀ-ਹੌਲੀ ਕੂੜਾ ਡੰਪ ਦਾ ਰੂਪ ਧਾਰਨ ਕਰ ਲਿਆ।

ਮਜ਼ਦੂਰ ਮੁਕਤੀ ਮੋਰਚਾ ਪੰਜਾਬ ਆਜ਼ਾਦ ਦੇ ਜਿਲ੍ਹਾ ਸ਼ੋਸ਼ਲ ਮੀਡੀਆ ਇੰਚਾਰਜ਼ ਪ੍ਰਦੀਪ ਗੁਰੂ ਨੇ ਨਗਰ ਕੌਂਸਲ ਮਾਨਸਾ ਤੋ ਜਵਾਬ ਮੰਗਦਿਆਂ ਪ੍ਰੈਸ ਬਿਆਨ ਜਾਰੀ ਕੀਤਾ ਹੈ ਕਿ ਕੁੱਝ ਸਾਲ ਪਹਿਲਾਂ ਇੱਥੇ ਵੱਡੇ-ਵੱਡੇ ਕੂੜੇ ਦੇ ਢੇਰ ਸਨ,ਅਤੇ ਇਸ ਜਗ੍ਹਾ ਪੂਰੇ ਸ਼ਹਿਰ ਦਾ ਕੂੜਾ ਇੱਕਠਾ ਕੀਤਾ ਜਾਂਦਾ ਸੀ।ਜਿਸ ਕਰਕੇ ਇਥੇ ਕੂੜੇ ਦੇ ਵੱਡੇ-ਵੱਡੇ ਢੇਰ ਬਣਨੇ ਸ਼ੁਰੂ ਹੋ ਗਏ।ਇਸ ਕੂੜੇ ਦੇ ਢੇਰਾ ਕਰਕੇ ਇਥੋਂ ਲੰਘਣ ਵਾਲੀ ਸੜਕ ਵੀ ਵਿੱਚ ਹੀ ਗਾਇਬ ਹੋ ਗਈ ਅਤੇ ਸ਼ਹਿਰ ਵਾਸੀ ਨੂੰ ਕਾਫ਼ੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ,ਉਹਨਾਂ ਦੱਸਿਆਂ ਆਸੇ-ਪਾਸੇ ਦੇ ਰਿਹਾਇਸ਼ੀ ਇਲਾਕਿਆਂ ਵਿੱਚ ਕੂੜੇ ਦੀ ਮੁਸ਼ਕ ਮਾਰਨ ਲੱਗ ਗਈ,ਜਿਸਦਾ ਸ਼ਹਿਰ ਵਾਸੀਆਂ ਨੇ ਕਾਫ਼ੀ ਵਿਰੋਧ ਕੀਤਾ ਅਤੇ ਕਾਫ਼ੀ ਮੁਸੱਕਤ ਤੋਂ ਬਾਅਦ ਨਗਰ ਕੌਂਸ਼ਲ ਦਾ ਧਿਆਨ ਇਸ ਵੱਲ ਗਿਆ। ਜਿਕਰਯੋਗ ਹੈ ਕਿ ਇਸ ਕੂੜੇ ਦੇ ਢੇਰਾ ਨੂੰ ਇੱਥੋਂ ਚੁੱਕਣ ਦਾ ਕਰੋੜਾਂ ਰੁਪਾਇਆਂ ਦਾ ਕੰਟਰੈਕਟ ਹੋਇਆ ਅਤੇ ਹੌਲੀ-ਹੌਲੀ ਕੂੜੇ ਦੇ ਢੇਰ ਘੱਟਦੇ ਰਹੇ ਅਤੇ ਜਗ੍ਹਾ ਸਾਫ਼ ਹੁੰਦੀ ਗਈ ਪਰ ਪਤਾ ਨਹੀਂ ਜੋ ਕਰੋੜਾਂ ਦਾ ਠੇਕਾ ਹੋਇਆ ਕੌਣ ਠੇਕੇਦਾਰ ਹੈ, ਕਿਸਨੇ ਕਿਸਨੂੰ ਕੂੜਾ ਵਿਕਾਇਆ,ਉਸਤੋਂ ਹੋਈ ਆਮਦਨ ਕਿੱਥੇ ਹੈ। ਇਸਦਾ ਕੋਈ ਜਵਾਬ ਨਹੀਂ।

ਉਹਨਾਂ ਕਿਹਾ ਕਿ ਇਸ ਬਾਰੇ ਅਜੇ ਤੱਕ ਨਗਰ ਕੌਂਸਲ ਕਮੇਟੀ ਵੱਲੋਂ ਕੋਈ ਵੀ ਚਾਣਨਾ ਨਹੀਂ ਪਾਇਆ ਗਿਆ ਕਿ ਇਹ ਰੁਪਏ ਕਿਥੇ ਵਰਤੇ ਹਨ, ਇਸਤੋਂ ਇਲਾਵਾ ਕਿ ਕਮੇਟੀ ਵੱਲੋਂ ਕੂੜੇ ਦਾ ਕੋਈ ਪੱਕਾ ਹੱਲ ਸ਼ਹਿਰ ਤੋਂ ਬਾਹਰ ਕਿਉਂ ਨਹੀਂ ਲੱਭਿਆ ਗਿਆ। ਉਹਨਾਂ ਕਿਹਾ ਕਿ ਪਹਿਲਾਂ ਇਸ ਜਗ੍ਹਾ ਤੋਂ ਕੂੜੇ ਦੇ ਢੇਰਾ ਨੂੰ ਹਟਾਇਆ ਗਿਆ,ਪਰ ਹੁਣ ਫਿਰ ਤੋਂ ਇਸੇ ਜਗ੍ਹਾ ਤੇ ਕੂੜੇ ਦੇ ਢੇਰ ਫਿਰ ਤੋਂ ਲੱਗਣੇ ਸ਼ੁਰੂ ਹੋ ਗਏ ਹਨ।ਉਹਨਾਂ ਮੰਗ ਕੀਤੀ ਕਿ ਕਮੇਟੀ ਵੱਲੋਂ ਦੱਸਿਆ ਜਾਵੇ ਕਿ ਫਿਰ ਤੋਂ ਇਹ ਜਗ੍ਹਾ ਕੂੜੇ ਦੇ ਢੇਰਾਂ ਦਾ ਰੂਪ ਧਾਰ ਕਰ ਰਿਹਾ ਹੈ ਕਿਉਂ।ਜੋ ਇਹ ਪਹਿਲਾ ਕੂੜਾ ਚੁਕਵਾਉਣ ਦਾ ਕੰਟਰੈਕਟ ਹੋਇਆ ਸੀ ਉਹ ਰੁਪਏ ਕਿੱਥੇ ਵਰਤੇ ਕਿਸਨੇ ਵਰਤੇ,ਇਸ ਬਾਰੇ ਦੱਸਿਆ ਜਾਵੇ। ਜੇਕਰ ਇਸ ਸੰਬੰਧੀ ਕਮੇਟੀ ਵੱਲੋਂ ਕੋਈ ਜਾਣਕਾਰੀ ਨਹੀਂ ਦਿੱਤੀ ਤਾਂ ਜਲਦੀ ਸ਼ਹਿਰ ਵਾਸੀਆਂ ਦੇ ਸਹਿਯੋਗ ਨਾਲ ਸੰਘਰਸ਼ ਉਲੀਕਿਆ ਜਾਵੇਗਾ।

ਫੋਟੋ 02 ਕੈਪਸ਼ਨ-ਸ਼ਹਿਰ ਦੇ ਕੂੜੇ ਵਾਲੀ ਜਗਾ ਜੋ ਹੁਣ ਖਾਲੀ ਦਿਖਾਈ ਦੇ ਰਹੀ ਹੈ।