ਜੀਵਨ ਕ੍ਰਾਂਤੀ
ਅਗਸਤ,2023-ਸਰਕਾਰੀ ਪ੍ਰਾਇਮਰੀ ਸਕੂਲ ਟਿੱਬੀ ਹਰੀ ਸਿੰਘ ਵਿਖੇ ਤੀਆਂ ਦਾ ਤਿਉਹਾਰ ਬੜੀ ਧੁਮ-ਧਾਮ ਨਾਲ ਮਨਾਇਆ ਗਿਆ।ਜਿਸ ਵਿੱਚ ਸਕੂਲ ਦੇ ਨੰਨ੍ਹੇ ਮੁੰਨੇ ਬੱਚਿਆਂ ਨੇ ਸੱਭਿਆਚਾਰਕ ਪ੍ਰੋਗਰਾਮ ਪੇਸ਼ ਕੀਤਾ।ਬੱਚਿਆਂ ਦਾ ਸਮੁੱਚਾ ਪ੍ਰੋਗਰਾਮ ਬਹੁਤ ਹੀ ਦਿਲਖਿੱਚਵਾਂ ਅਤੇ ਸਲਾਹੁਣਯੋਗ ਸੀ ।ਇਸ ਮੌਕੇ ਬੱਚਿਆਂ ਵਿੱਚੋਂ ਵਧੀਆ ਪ੍ਰਫਾਰਮਰ ਵਜੋਂ ਗੁਰਕੀਰਤਨ ਕੌਰ,ਮਿਸ ਪੰਜਾਬਣ ਹਰਨੂਰ ਕੌਰ, ਕਿਊਟ ਸਰਦਾਰਨੀ ਸੁਖਮਨ ਕੌਰ,ਮਿਸਟਰ ਪੰਜਾਬ ਕਰਨ ਸਿੰਘ ਨੂੰ ਚੁਣਿਆ ਗਿਆ।ਬੱਚਿਆਂ ਲਈ ਸਾਵਣ ਮਹੀਨੇ ਦੀ ਵਿਸ਼ੇਸ ਡਿਸ਼ ਗੁਲਗੁਲੇ ਖੀਰ ਆਦਿ ਤਿਆਰ ਕਰਵਾਈ ਗਈ।ਇਸ ਮੌਕੇ ਬੱਚਿਆਂ ਤੋਂ ਇਲਾਵਾ ਬੱਚਿਆਂ ਦੀਆਂ ਮਾਂਵਾਂ ਅਤੇ ਦਾਦੀਆਂ ਨੇ ਵੀ ਪੀਘਾਂ ਝੂਟਕੇ,ਲੋਕ ਗੀਤ ਗਾ ਕੇ ਅਤੇ ਗਿੱਧਾ ਪਾ ਕੇ ਤੀਆਂ ਦਾ ਖੂਬ ਆਨੰਦ ਮਾਣਿਆ।ਇਸ ਮੌਕੇ ਸਕੂਲ ਦੇ ਮੁੱਖ ਅਧਿਆਪਕਾ ਸ੍ਰੀਮਤੀ ਬਿੰਦਰ ਕੌਰ ਨੇ ਸਭ ਨੂੰ ਜੀ ਆਇਆਂ ਕਿਹਾ ਅਤੇ ਧੰਨਵਾਦ ਕੀਤਾ।ਇਸ ਸਮੇਂ ਸਕੂਲ ਦੇ ਅਧਿਆਪਕ ਜਤਿੰਦਰ ਸਿੰਘ,ਮੈਡਮ ਕਰਮਜੀਤ ਕੌਰ ਸਰਦੂਲਗੜ੍ਹ,ਗਗਨਦੀਪ ਕੌਰ,ਅਮਰਜੀਤ ਕੌਰ, ਕਰਮਜੀਤ ਫੱਗੂ ਅਤੇ ਸਕੂਲ ਪ੍ਰਬੰਧਕ ਕਮੇਟੀ ਦੀਆਂ ਇਸਤਰੀ ਮੈਂਬਰ ਵੀ ਹਾਜ਼ਰ ਸਨ।
