ਸਰਦੂਲਗੜ੍ਹ/ਝੁਨੀਰ 31 ਅਕਤੂਬਰ (ਬਲਜੀਤ ਪਾਲ/ਵਿਨੋਦ ਜੈਨ):
ਯੂਨਾਈਟਡ ਮੀਡੀਆ ਕਲੱਬ ਸਰਦੂਲਗੜ੍ਹ ਵੱਲੋਂ ਡੇਰਾ ਬਾਬਾ ਧਿਆਨ ਦਾਸ ਝੁਨੀਰ ਵਿਖੇ ਖੂਨਦਾਨ ਕੈੰਪ ਲਗਾਇਆ ਗਿਆ। ਕੈੰਪ ਦਾ ਉਦਘਾਟਨ ਗੁਨੇਸਵਰ ਕੁਮਾਰ ਥਾਨਾ ਮੁੱਖੀ ਝੁਨੀਰ ਵੱਲੋਂ ਕੀਤਾ ਗਿਆ। ਕੈੰਪ ਦੌਰਾਨ ਖੂਨ ਇਕਤੱਰ ਕਰਨ ਲਈ ਹਰਦੇਵ ਸਿੰਘ ਸਰਾਂ ਬਲੱਡ ਬੈੰਕ ਮਾਨਸਾ ਦੀ ਟੀਮ ਗੁਰਪ੍ਰੀਤ ਸਿੰਘ ਦੀ ਅਗਵਾਈ ਚ ਪਹੁੰਚੀ। ਖੂਨਦਾਨੀਆਂ ਨੂੰ ਸਰਟੀਫਿਕੇਟ ਦਿੰਦਿਆਂ ਥਾਨਾ ਮੁੱਖੀ ਗੁਨੇਸਵਰ ਕੁਮਾਰ ਨੇ ਕਿਹਾ ਕਿ ਖੂਨਦਾਨ ਸਭ ਤੋਂ ਉੱਤਮ ਦਾਨ ਹੈ। ਖੂਨਦਾਨੀ ਤੇ ਇਸ ਲਹਿਰ ਨਾਲ ਜੁੜੀਆਂ ਸੰਸਥਾਵਾਂ ਵਧਾਈ ਦੀਆਂ ਪਾਤਰ ਹਨ। ਕਿਉਂਕਿ ਖੂਨ ਦੀ ਪੂਰਤੀ ਸਿਰਫ ਇਨਸਾਨੀ ਖੂਨ ਨਾਲ ਹੀ ਕੀਤੀ ਜਾ ਸਕਦੀ ਹੈ। ਇਸ ਮੌਕੇ ਪ੍ਰਧਾਨ ਲਛਮਣ ਸਿੱਧੂ, ਖੂਨਦਾਨੀ ਗੁਰਪ੍ਰੀਤ ਭੰਮਾਂ, ਜਤਿੰਦਰ ਸਿੰਘ ਸੋਢੀ, ਬੂਟਾ ਸਿੰਘ ਅੱਕਾਂਵਾਲੀ, ਸਾਹਿਲ ਚੌਧਰੀ, ਵਿਨੋਦ ਝੁਨੀਰ, ਪ੍ਰਕਾਸ ਸਿੰਘ ਜੈਲਦਾਰ, ਬਿੰਦਰ ਬਾਸੀ, ਅਮਨਦੀਪ ਸਿੰਘ , ਨਰਿੰਦਰ ਸ਼ਰਮਾ, ਕਸਮੀਰ ਸਿੰਘ ਅੱਕਾਂਵਾਲੀ ਆਦਿ ਹਾਜਰ ਸਨ।