16 ਅਪ੍ਰੈਲ ਨੂੰ ਡਿਪਟੀ ਕਮਿਸ਼ਨਰ ਲੁਧਿਆਣਾ ਦੇ ਦਫ਼ਤਰ ਅੱਗੇ ਵਫ਼ਦ ਵੱਲੋਂ ਪੇਸ਼ ਹੋਵੇਗੀ ਆਵਾਜ਼

ਪਰਚਾ ਦਰਜ ਹੋਣ ਦੇ ਬਾਵਜੂਦ ਦੋਸ਼ੀਆਂ ਦੀ ਗਿ੍ਰਫ਼ਤਾਰੀ ਨਾ ਹੋਣਾ ਪ੍ਰਸ਼ਾਸਨ ‘ਤੇ ਸਵਾਲ — ਆਗੂ

ਮਹਿਲ ਕਲਾਂ, 13 ਅਪ੍ਰੈਲ (ਸਟਾਫ ਰਿਪੋਰਟਰ):
ਸਥਾਨਕ ਕਸਬਾ ਮਹਿਲ ਕਲਾਂ ਦੇ ਪ੍ਰਸਿੱਧ ਕਬੱਡੀ ਖਿਡਾਰੀ ਅਲੀ ਮਹਿਲ ਕਲਾਂ ਦੀ ਧਰਮ ਪਤਨੀ ਮਰਹੂਮਾ ਨਾਜੀਆ ਪ੍ਰਵੀਨ ਦੀ ਸੰਦੇਹਜਨਕ ਮੌਤ ਮਾਮਲੇ ਵਿੱਚ ਇਨਸਾਫ਼ ਦੀ ਲੜਾਈ ਹੁਣ ਤੇਜ਼ ਹੋ ਗਈ ਹੈ। ਵੱਖ-ਵੱਖ ਜਥੇਬੰਦੀਆਂ ਅਤੇ ਸਮਾਜਿਕ, ਰਾਜਨੀਤਿਕ ਅਤੇ ਧਾਰਮਿਕ ਸੰਸਥਾਵਾਂ ਵੱਲੋਂ ਅੱਜ ਹੋਈ ਭਰਵੀਂ ਮੀਟਿੰਗ ਦੌਰਾਨ ਦੋਸ਼ੀਆਂ ਨੂੰ ਸਜ਼ਾ ਦਿਵਾਉਣ ਲਈ ਤਿੱਖੇ ਸੰਘਰਸ਼ ਦਾ ਐਲਾਨ ਕੀਤਾ ਗਿਆ।
ਹਜ਼ਾਰਾਂ ਦੀ ਤਾਦਾਦ ਵਿੱਚ ਇਕੱਤਰ ਹੋਏ ਲੋਕਾਂ ਨੂੰ ਸੰਬੋਧਨ ਕਰਦਿਆਂ ਮੈਡੀਕਲ ਪ੍ਰੈਕਟੀਸ਼ਨਰਜ਼ ਐਸੋਸੀਏਸ਼ਨ ਪੰਜਾਬ (ਰਜਿ. 295) ਦੇ ਸੂਬਾ ਪ੍ਰਧਾਨ ਡਾ. ਜਸਵਿੰਦਰ ਸਿੰਘ ਕਾਲਖ ਨੇ ਸਪੱਸ਼ਟ ਕਿਹਾ ਕਿ ਨਾਜੀਆ ਪ੍ਰਵੀਨ ਦੀ ਮੌਤ ਕਿਸੇ ਵੀ ਹਾਲਤ ਵਿੱਚ ਕੁਦਰਤੀ ਨਹੀਂ ਹੈ, ਬਲਕਿ ਇਹ ਲੁਧਿਆਣਾ ਦੇ ਇੱਕ ਡਾਕਟਰ ਦੀ ਘੋਰ ਲਾਪਰਵਾਹੀ ਦਾ ਨਤੀਜਾ ਹੈ। ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਇਹ ਸਿੱਧਾ-ਸਿੱਧਾ ਕਤਲ ਦਾ ਮਾਮਲਾ ਹੈ, ਪਰ ਹੈਰਾਨੀ ਦੀ ਗੱਲ ਹੈ ਕਿ ਦੋਸ਼ੀ ਡਾਕਟਰ ਅਤੇ ਉਸਦੇ ਸਾਥੀ ਅਜੇ ਵੀ ਖੁੱਲ੍ਹੇਆਮ ਘੁੰਮ ਰਹੇ ਹਨ ਅਤੇ ਹਸਪਤਾਲ ਆਮ ਦਿਨਾਂ ਵਾਂਗ ਚੱਲ ਰਿਹਾ ਹੈ।
ਵੱਖ-ਵੱਖ ਸੰਸਥਾਵਾਂ ਦੇ ਆਗੂਆਂ ਨੇ ਕਿਹਾ ਕਿ ਜਥੇਬੰਦੀਆਂ ਅਤੇ ਪਰਿਵਾਰ ਵੱਲੋਂ ਲਗਾਤਾਰ ਕੀਤੇ ਗਏ ਸੰਘਰਸ਼ ਤੋਂ ਬਾਅਦ ਭਾਵੇਂ ਕਿ ਪੁਲਿਸ ਵੱਲੋਂ ਮਾਮਲਾ ਦਰਜ ਕੀਤਾ ਗਿਆ ਹੈ, ਪਰ ਅਜੇ ਤੱਕ ਕਿਸੇ ਵੀ ਦੋਸ਼ੀ ਦੀ ਗਿ੍ਰਫ਼ਤਾਰੀ ਨਹੀਂ ਹੋਈ, ਜੋ ਕਿ ਪੰਜਾਬ ਪੁਲਿਸ ਦੀ ਢਿੱਲੀ ਕਾਰਗੁਜ਼ਾਰੀ ਨੂੰ ਬੇਨਕਾਬ ਕਰਦਾ ਹੈ।
ਇਸ ਸਬੰਧੀ ਫੈਸਲਾ ਕੀਤਾ ਗਿਆ ਕਿ 16 ਅਪ੍ਰੈਲ ਨੂੰ ਵੱਖ-ਵੱਖ ਜਥੇਬੰਦੀਆਂ ਦਾ ਇੱਕ ਵਫ਼ਦ ਲੁਧਿਆਣਾ ਦੇ ਡਿਪਟੀ ਕਮਿਸ਼ਨਰ ਨਾਲ ਮੁਲਾਕਾਤ ਕਰਕੇ ਲਾਪਰਵਾਹ ਡਾਕਟਰ ਅਤੇ ਮਾਮਲੇ ਵਿੱਚ ਸ਼ਾਮਲ ਹੋਰ ਦੋਸ਼ੀਆਂ ਦੀ ਤੁਰੰਤ ਗਿ੍ਰਫ਼ਤਾਰੀ ਲਈ ਮੰਗ ਪੱਤਰ ਸੌਂਪੇਗਾ। ਜੇਕਰ ਇਸ ਤੋਂ ਬਾਅਦ ਵੀ ਇਨਸਾਫ਼ ਨਾ ਮਿਲਿਆ ਤਾਂ ਵੱਡੇ ਪੱਧਰ ‘ਤੇ ਪੱਕਾ ਮੋਰਚਾ ਲਗਾਉਣ ਦੀ ਚੇਤਾਵਨੀ ਵੀ ਦਿੱਤੀ ਗਈ।
ਇਸ ਮੌਕੇ ਮਿ੍ਤਕ ਨਾਜੀਆ ਪ੍ਰਵੀਨ ਦੇ ਸਹੁਰਾ ਸੂਬਾ ਪ੍ਰੈੱਸ ਮੀਡੀਆ ਇੰਚਾਰਜ ਪੰਜਾਬ ਡਾ. ਮਿੱਠੂ ਮੁਹੰਮਦ ਮਹਿਲ ਕਲਾਂ ਨੇ ਭਰੇ ਮਨ ਨਾਲ ਦੱਸਿਆ ਕਿ ਲੁਧਿਆਣਾ ਦੇ ਡਾਕਟਰ ਦੀ ਅਣਗਹਿਲੀ ਕਾਰਨ ਉਹਨਾਂ ਦੀ ਧੀ ਵਰਗੀ ਨੂੰਹ ਦੀ ਜਾਨ ਚਲੀ ਗਈ। ਉਨ੍ਹਾਂ ਨੇ ਦੋਸ਼ ਲਾਇਆ ਕਿ ਡਾਕਟਰਾਂ ਨੇ ਪੇਕੇ ਪਰਿਵਾਰ ਨੂੰ ਡਰਾ-ਧਮਕਾ ਕੇ ਸਮੇਂ ਤੋਂ ਪਹਿਲਾਂ ਜ਼ਬਰਦਸਤੀ ਆਪਰੇਸ਼ਨ ਕੀਤਾ, ਜਿਸ ਕਾਰਨ ਵੱਧ ਖੂਨ ਵਹਿਣ ਨਾਲ ਨਾਜੀਆ ਪ੍ਰਵੀਨ ਦੀ ਮੌਤ ਹੋ ਗਈ।
ਉਨ੍ਹਾਂ ਕਿਹਾ ਕਿ ਭਾਵੇਂ ਪ੍ਰਸ਼ਾਸਨ ਵੱਲੋਂ ਡਾਕਟਰ ਅਤੇ ਹੋਰ ਦੋਸ਼ੀਆਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਗਿਆ ਹੈ, ਪਰ ਅਜੇ ਤੱਕ ਕੋਈ ਗਿ੍ਰਫ਼ਤਾਰੀ ਨਾ ਹੋਣਾ ਇਨਸਾਫ਼ ‘ਤੇ ਸਵਾਲ ਖੜ੍ਹੇ ਕਰਦਾ ਹੈ। ਉਨ੍ਹਾਂ ਭਾਵੁਕ ਹੋ ਕੇ ਕਿਹਾ ਕਿ “ਉਹ ਡਾਕਟਰ ਮੇਰੀ ਧੀ ਵਰਗੀ ਨੂੰਹ ਦਾ ਕਾਤਲ ਹੈ, ਅਸੀਂ ਉਸਨੂੰ ਸਜ਼ਾ ਦਿਵਾਉਣ ਲਈ ਹਰ ਦਰਵਾਜ਼ਾ ਖੜਕਾਵਾਂਗੇ।”
ਕਿਸਾਨ ਆਗੂ ਜਗਸੀਰ ਸਿੰਘ ਸੀਰਾ ਛੀਨੀਵਾਲ ਅਤੇ ਜਗਰਾਜ ਸਿੰਘ ਹਰਦਾਸਪੁਰਾ ਨੇ ਕਿਹਾ ਕਿ ਅਜਿਹੇ ਲਾਪਰਵਾਹ ਡਾਕਟਰ ਲੋਕਾਂ ਦੀਆਂ ਜਾਨਾਂ ਨਾਲ ਖੇਡ ਰਹੇ ਹਨ ਅਤੇ ਪ੍ਰਸ਼ਾਸਨ ਚੁੱਪ ਬੈਠਾ ਹੈ। ਉਨ੍ਹਾਂ ਨੇ ਚੇਤਾਵਨੀ ਦਿੱਤੀ ਕਿ ਜੇ ਦੋਸ਼ੀਆਂ ‘ਤੇ ਸਖ਼ਤ ਕਾਰਵਾਈ ਨਾ ਕੀਤੀ ਗਈ ਤਾਂ ਸੰਘਰਸ਼ ਨੂੰ ਹੋਰ ਤੇਜ਼ ਕੀਤਾ ਜਾਵੇਗਾ।

ਇਸ ਮੌਕੇ ਸਾਹੀ ਇਮਾਮ ਮੌਲਾਨਾ ਮੁਹੰਮਦ ਉਸਮਾਨ ਲੁਧਿਆਣਵੀ ਨੇ ਵੀ ਪਰਿਵਾਰ ਨਾਲ ਦੁੱਖ ਸਾਂਝਾ ਕਰਦੇ ਹੋਏ ਕਿਹਾ ਕਿ ਡਾਕਟਰੀ ਪੇਸ਼ਾ ਸੇਵਾ ਦਾ ਪੇਸ਼ਾ ਹੈ, ਪਰ ਕੁਝ ਲੋਕ ਇਸਨੂੰ ਵਪਾਰ ਬਣਾ ਰਹੇ ਹਨ, ਜਿਸ ਕਾਰਨ ਅਜਿਹੀਆਂ ਦੁਖਦਾਈ ਘਟਨਾਵਾਂ ਵਾਪਰ ਰਹੀਆਂ ਹਨ। ਉਨ੍ਹਾਂ ਕਿਹਾ ਕਿ ਪੂਰੇ ਪੰਜਾਬ ਦਾ ਸਮੁੱਚਾ ਮੁਸਲਿਮ ਭਾਈਚਾਰਾ ਪੀੜਤ ਪਰਿਵਾਰ ਦੇ ਨਾਲ ਖੜ੍ਹਾ ਹੈ ਅਤੇ ਸਰਕਾਰ ਨੂੰ ਅਜਿਹੇ ਡਾਕਟਰਾਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕਰਨੀ ਚਾਹੀਦੀ ਹੈ।
ਇਸ ਮੌਕੇ ਤੇ ਸਾਹੀ ਇਮਾਮ ਪੰਜਾਬ ਮੁਹੰਮਦ ਉਸਮਾਨ ਖਾਨ ਲੁਧਿਆਣਵੀ,ਮੁਸਤਕੀਮ ਸਾਹਿਬ ਲੁਧਿਆਣਵੀ ਤੋਂ ਇਲਾਵਾ ਪੰਜਾਬ ਵਕਫ਼ ਬੋਰਡ ਦੇ ਮੈਂਬਰ ਅਨਵਰ ਖਾਨ ਭਸੌੜ,ਹਾਸ਼ਮ ਸੂਫੀ ਅਹਿਮਦਗੜ ਅਤੇ ਯਾਕੂਬ ਖਾਨ ਪੰਜਗਰਾਹੀਆਂ, ਐਮਐਲਏ ਕੁਲਵੰਤ ਸਿੰਘ ਪੰਡੋਰੀ, ਐਮਐਲਏ ਕਾਲਾ ਢਿੱਲੋ ਬਰਨਾਲਾ, ਬਨੀ ਖਹਿਰਾ,ਕਿਸਾਨ ਆਗੂ ਜਗਸੀਰ ਸਿੰਘ ਸੀਰਾ ਛੀਨੀਵਾਲ,ਬੀਬੀ ਹਰਚੰਦ ਕੌਰ ਘਨੌਰੀ, ਅਰਸ਼ਦੀਪ ਸਿੰਘ ਬਿੱਟੂ ਪ੍ਰਧਾਨ ਟਰੱਕ ਯੂਨੀਅਨ, ਮੁਸਲਿਮ ਫਰੰਟ ਪੰਜਾਬ ਦੇ ਪ੍ਰਧਾਨ ਹੰਸਰਾਜ ਮੋਫਰ, ਫਕੀਰ ਮੁਹੰਮਦ ,ਨੂਰ ਮੁਹੰਮਦ, ਕਾਂਗਰਸੀ ਆਗੂ ਗੁਰਮੇਲ ਸਿੰਘ ਮੌੜ, ਬਾਬਾ ਰਾਜਵਿੰਦਰ ਸਿੰਘ, ਥਾਣੇਦਾਰ ਅਨਾਇਤ ਖਾਨ, ਬਾਬਾ ਗੁਰਚਰਨ ਸਿੰਘ ਮੂੰਮ, ਕਿਸਾਨ ਆਗੂ ਜ਼ਿਲ੍ਹਾ ਪ੍ਰਧਾਨ ਜਗਰਾਜ ਸਿੰਘ ਹਰਦਾਸਪੁਰਾ, ਅਕਾਲੀ ਆਗੂ ਕੁਲਵੰਤ ਸਿੰਘ ਟਿੱਬਾ, ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਦੇ ਹਲਕਾ ਇੰਚਾਰਜ ਨਾਥ ਸਿੰਘ ਹਮੀਦੀ, ਸ਼੍ਰੋਮਣੀ ਅਕਾਲੀ ਦਲ ਮਾਨ ਦੇ ਹਲਕਾ ਇੰਚਾਰਜ ਗੁਰਜੰਟ ਸਿੰਘ ਕੱਟੂ, ਸੁਖਵਿੰਦਰ ਸਿੰਘ ਪੱਪੂ, ਸਰਪੰਚ ਅਰੁਣ ਕੁਮਾਰ ਬਾਂਸਲ ਸਰਪੰਚ ਸਰਬਜੀਤ ਸਿੰਘ ਸੰਭੂ, ਪਰਮਜੀਤ ਸਿੰਘ ਦਰਦੀ ਸੀਪੀਆਈ ਪੰਜਾਬ, ਸੁਰਜੀਤ ਅਕਾਲੀ ਦਲ ਦੇ ਗੁਰਮੇਲ ਸਿੰਘ ਛੀਨੀਵਾਲ, ਬੀਜੇਪੀ ਆਗੂ ਸੁਰਿੰਦਰ ਕੁਮਾਰ ਕਾਲਾ, ਮਜ਼ਦੂਰ ਯੂਨੀਅਨ ਦੇ ਆਗੂ ਹਰਜੀਤ ਸਿੰਘ ਖਿਆਲੀ, ਮੁਸਲਿਮ ਮਹਾਂਸਭਾ ਪੰਜਾਬ ਦੇ ਸੂਬਾ ਚੇਅਰਮੈਨ ਅਜਮੀਲ ਖਾਨ ਭਾਦਸੋ, ਰਸੀਦ ਖਿਲਜੀ ਚੇਅਰਮੈਨ ਹੱਜ ਕਮੇਟੀ, ਸੂਬਾ ਜਨਰਲ ਸਕੱਤਰ ਮੁਕੱਰਮ ਸੈਫੀ, ਚੇਅਰਮੈਨ ਅਮਰਜੀਤ ਸਿੰਘ ਸਹਿਬਾਜਪੁਰਾ, ਭਾਜਪਾ ਸੂਬਾਈ ਆਗੂ ਬਹਾਦਰ ਖਾਨ ਧਬਲਾਨ ਪਟਿਆਲਾ, ਦੁਕਾਨਦਾਰ ਯੂਨੀਅਨ ਦੇ ਪ੍ਰਧਾਨ ਗਗਨ ਸਰਾਂ ਅਤੇ ਸਮੂਹ ਅਹੁਦੇਦਾਰ ਦੁਕਾਨਦਾਰ ਯੂਨੀਅਨ ਮਹਿਲ ਕਲਾਂ, ਪੱਤਰਕਾਰ ਭਾਈਚਾਰੇ ਦੇ ਜਿਲਾ ਬਰਨਾਲਾ ਦੇ ਪ੍ਰਧਾਨ ਪੱਤਰਕਾਰ ਜਗਸੀਰ ਸਿੰਘ, ਨਿਰਮਲ ਸਿੰਘ ਪਡੋਰੀ, ਅਜੀਤ ਦੇ ਪੱਤਰਕਾਰ ਅਵਤਾਰ ਸਿੰਘ ਅਣਖੀ, ਜੱਗਬਾਣੀ ਦੇ ਪੱਤਰਕਾਰ ਲਕਸ਼ ਗਿੱਲ, ਜਸਵੰਤ ਸਿੰਘ ਲਾਲੀ, ਰਜਿੰਦਰ ਸ਼ਰਮਾ ਬਰਨਾਲਾ, ਰਾਜਵਿੰਦਰ ਸਿੰਘ ਕਲਾਲ ਮਾਜਰਾ, ਪਾਲੀ ਵਜੀਦਕੇ, ਗੁਰਸੇਵਕ ਸਿੰਘ ਸਹੋਤਾ, ਗੁਰਮੁੱਖ ਹਮੀਦੀ, ਅਵਤਾਰ ਸਿੰਘ ਫਰਵਾਹੀ, ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਬਾਬਾ ਸ਼ੇਰ ਸਿੰਘ, ਸਰਪੰਚ ਬਚਿੱਤਰ ਸਿੰਘ ਰਾਇਸਰ, ਗੁਰਦੀਪ ਸਿੰਘ ਟਿਵਾਣਾ, ਚੇਅਰਮੈਨ ਸੁਖਪਾਲ ਸਿੰਘ ਮੂੰਮ, ਲਸਮਣ ਸਿੰਘ, ਕਾਂਗਰਸੀ ਆਗੂ ਕਮਲ ਚੱਕ ਸਰਬਜੀਤ ਸਿੰਘ ਸਰਬੀ , ਐਡਵੋਕੇਟ ਚੰਦਰ ਬਾਂਸਲ ਬਰਨਾਲਾ, ਮੰਦਰ ਕਮੇਟੀ ਦੇ ਪ੍ਰਧਾਨ ਵਿਜੇ ਬਾਂਸਲ ਅਤੇ ਸਮੂਹ ਕਮੇਟੀ, ਬਾਬਾ ਜਸਵੀਰ ਸਿੰਘ ਖਾਲਸਾ, ਮੈਡੀਕਲ ਐਸੋਸੀਏਸ਼ਨ ਦੇ ਸੂਬਾ ਸਰਪ੍ਰਸਤ ਡਾ. ਬਲਕਾਰ ਸਿੰਘ (ਪਟਿਆਲਾ),ਡਾ. ਸਤਨਾਮ ਸਿੰਘ ਦਿਓ (ਤਰਨਤਾਰਨ),ਸੂਬਾ ਐਕਟਿੰਗ ਪ੍ਰਧਾਨ: ਡਾ. ਪ੍ਰੇਮ ਸਲੋਹ (ਨਵਾਂ ਸ਼ਹਿਰ),ਸੂਬਾ ਚੇਅਰਮੈਨ ਡਾ. ਜਸਵਿੰਦਰ ਸਿੰਘ ਕਾਲਖ (ਲੁਧਿਆਣਾ), ਪ੍ਰਧਾਨ ਪੰਜਾਬ,ਸੂਬਾ ਵਿੱਤ ਸਕੱਤਰ: ਡਾ. ਧਰਮਪਾਲ ਸਿੰਘ (ਸੰਗਰੂਰ),ਮੀਡੀਆ ਇੰਚਾਰਜ ਪੰਜਾਬ: ਡਾ. ਮਿੱਠੂ ਮੁਹੰਮਦ (ਮਹਿਲ ਕਲਾਂ, ਬਰਨਾਲਾ),ਸਟੇਟ ਔਰਗੇਨਾਈਜ਼ਰ ਸਕੱਤਰ: ਡਾ. ਦੀਦਾਰ ਸਿੰਘ (ਸ੍ਰੀ ਮੁਕਤਸਰ ਸਾਹਿਬ),ਸੂਬਾ ਲੀਗਲ ਐਡਵਾਈਜ਼ਰ ਡਾ. ਜਗਦੇਵ ਸਿੰਘ ਚਹਿਲ (ਫਰੀਦਕੋਟ),ਪੰਜਾਬ ਕੋਆਰਡੀਨੇਟਰ ਡਾ. ਸਤਵੀਰ ਸਿੰਘ ਮਿਰਜੇ ਕੇ (ਫਿਰੋਜ਼ਪੁਰ),ਸੂਬਾ ਜੁਆਇੰਟ ਸਕੱਤਰ ਡਾ. ਸੁਖਚਰਨ ਸਿੰਘ ਬਰਾੜ (ਬਠਿੰਡਾ), ਡਾ. ਪ੍ਰਗਟ ਸਿੰਘ (ਮੋਗਾ),ਸੂਬਾ ਪ੍ਰੈੱਸ ਸਕੱਤਰ ਡਾ. ਰਜੇਸ਼ ਕੁਮਾਰ ਸ਼ਰਮਾ ਰਾਜੂ (ਲੁਧਿਆਣਾ),ਡਾ. ਅਮਰਜੀਤ ਸਿੰਘ ਕੁੱਕੂ (ਬਰਨਾਲਾ),ਸੂਬਾ ਮੀਤ ਪ੍ਰਧਾਨ ਡਾ. ਉਤਮ ਸਿੰਘ (ਮਲੇਰਕੋਟਲਾ), ਡਾ. ਜਸਬੀਰ ਸਿੰਘ ਗੁੜਦੀ (ਮਾਨਸਾ), ਡਾ. ਕਰਨੈਲ ਸਿੰਘ (ਬਠਿੰਡਾ), ,ਡਾ. ਵੇਦ ਪ੍ਰਕਾਸ਼ (ਰੂਪਨਗਰ), ਡਾ. ਰਿੰਕੂ ਕੁਮਾਰ (ਫਤਿਹਗੜ੍ਹ ਸਾਹਿਬ), ਡਾ. ਬਲਵੀਰ ਸਿੰਘ ਗਰਚਾ (ਨਵਾਂਸ਼ਹਿਰ), ਮੀਤ ਪ੍ਰਧਾਨ ਪੰਜਾਬ ਡਾਕਟਰ ਕਸ਼ਮੀਰ ਸਿੰਘ ਫਰੀਦਕੋਟ,ਡਾ ਪ੍ਰਗਟ ਸਿੰਘ ਮੋਗਾ,ਆਲ ਇੰਡੀਆ ਮੈਡੀਕਲ ਫੈਡਰੇਸ਼ਨ ਚੇਅਰਮੈਨ ਡਾ. ਗੁਰਮੁਖ ਸਿੰਘ (ਮੋਹਾਲੀ),ਡਾ. ਪਰਮਜੀਤ ਸਿੰਘ ਸੰਘਾ (ਮੋਗਾ) ਡਾ. ਰਾਜ ਕੁਮਾਰ ਮਾਜਰਾ (ਮੋਹਾਲੀ), ਡਾ ਰਘਵੀਰ ਸਿੰਘ ਮੋਹਾਲੀ, ਡਾ. ਬਿਕਰਮ ਸਿੰਘ (ਫਤਿਹਗੜ੍ਹ ਸਾਹਿਬ), ਡਾ. ਪਰਮੇਸ਼ਰ ਸਿੰਘ (ਬਰਨਾਲਾ), ਡਾ. ਉਸਮਾਨ (ਮਲੇਰਕੋਟਲਾ), ਡਾ. ਬਲਜੀਤ ਸਿੰਘ ਛਾਪਾ (ਤਰਨਤਾਰਨ) ਜ਼ਿਲ੍ਹਾ ਪ੍ਰਧਾਨ ਡਾ. ਸੁਖਵਿੰਦਰ ਸਿੰਘ ਅਟਵਾਲ (ਲੁਧਿਆਣਾ), ਡਾ. ਰਛਪਾਲ ਸਿੰਘ ਸੰਧੂ (ਫਰੀਦਕੋਟ), ਡਾ. ਲਾਭ ਸਿੰਘ ਮੰਡੇਰ (ਬਰਨਾਲਾ), ਡਾ. ਬਲਕਾਰ ਕਟਾਰੀਆ (ਨਵਾਂ ਸ਼ਹਿਰ), ਡਾ. ਅਨਵਰ ਭਸੌੜ (ਸੰਗਰੂਰ), ਡਾ. ਬਲਜਿੰਦਰ ਸਿੰਘ ਚੱਕ (ਮਲੇਰਕੋਟਲਾ), ਡਾ. ਹਰਦੀਪ ਸਿੰਘ ਬਰੇ (ਮਾਨਸਾ), ਡਾ. ਗਿਆਨ ਚੰਦ ਸ਼ਰਮਾ (ਬਠਿੰਡਾ), ਡਾ. ਪਾਲ ਸਿੰਘ (ਰੋਪੜ), ਡਾ. ਸੁਖਚੈਨ ਸਿੰਘ ਸਮਾਲਸਰ (ਮੋਗਾ), ਡਾ. ਬਲਜਿੰਦਰ ਸਿੰਘ ਬੱਬਾ (ਤਰਨਤਾਰਨ),ਜ਼ਿਲ੍ਹਾ ਚੇਅਰਮੈਨ: ਡਾ. ਕੇਸਰ ਖਾਨ ਮਾਂਗੇਵਾਲ (ਬਰਨਾਲਾ) ਡਾ ਨਿਸ਼ਾਨ ਸਿੰਘ ਫਿਰੋਜ਼ਪੁਰ, ਡਾ ਨਿਰਮਲਜੀਤ ਸਿੰਘ ਫਿਰੋਜ਼ਪੁਰ, ਡਾ ਕੇਸਰ ਸਿੰਘ ਧਾਂਦਰਾ ਜਨਰਲ ਸਕੱਤਰ ਲੁਧਿਆਣਾ,ਆਦਿ ਤੋਂ ਇਲਾਵਾ ਸਮਾਜਿਕ, ਰਾਜਨੀਤਿਕ ਜਨਤਕ ਜਥੇਬੰਦੀਆਂ ਦੇ ਆਗੂ ਸਾਹਿਬਾਨਾਂ ਸਮੇਤ ਹਜ਼ਾਰਾਂ ਲੋਕਾਂ ਨੇ ਸਵਰਗੀ ਨਾਜ਼ੀਆ ਪ੍ਰਵੀਨ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ।
ਅੰਤ ਵਿੱਚ ਸੂਬਾ ਪ੍ਰੈੱਸ ਮੀਡੀਆ ਇੰਚਾਰਜ ਪੰਜਾਬ ਡਾ. ਮਿੱਠੂ ਮੁਹੰਮਦ ਅਤੇ ਕਬੱਡੀ ਖਿਡਾਰੀ ਅਲੀ ਮਹਿਲ ਕਲਾਂ ਨੇ ਸਮੂਹ ਜਥੇਬੰਦੀਆਂ ਅਤੇ ਆਗੂਆਂ ਦਾ ਧੰਨਵਾਦ ਕੀਤਾ, ਜਿਨ੍ਹਾਂ ਨੇ ਇਸ ਦੁੱਖ ਦੀ ਘੜੀ ਵਿੱਚ ਪਰਿਵਾਰ ਦਾ ਸਾਥ ਦਿੱਤਾ ਅਤੇ ਇਨਸਾਫ਼ ਦੀ ਲੜਾਈ ਵਿੱਚ ਅੱਗੇ ਹੋ ਕੇ ਸੰਘਰਸ਼ ਲੜਨ ਵਿੱਚ ਮੋਹਰੀ ਰੋਲ ਅਦਾ ਕਰਨ ਦਾ ਪ੍ਰਣ ਕੀਤਾ।