ਮਾਨਸਾ 22 ਫਰਬਰੀ
ਪਿੰਡ ਖੀਵਾ ਦਿਆਲੂ ਵਾਲਾ ਵਿਖੇ ਡਾ. ਭੀਮ ਰਾਓ ਅੰਬੇਦਕਰ ਸਪੋਰਟਸ ਐੰਡ ਵੈਲਫੇਅਰ ਕਲੱਬ ਅਤੇ ਸ਼ਹੀਦ ਦੀਪ ਸਿੱਧੂ ਸਪੋਰਟਸ ਕਲੱਬ ਵੱਲੋਂ ਨੇਕੀ ਫਾਉਂਡੇਸ਼ਨ ਬੁਢਲਾਡਾ ਅਤੇ ਸਮੁੱਚੇ ਨਗਰ ਦੇ ਸਹਿਯੋਗ ਨਾਲ ਦਿਵਿਆਂਗ ਅਤੇ ਬਜ਼ੁਰਗਾਂ ਲਈ ਰਜਿਸਟ੍ਰੇਸ਼ਨ ਕੈਂਪ ਲਗਾਇਆ ਗਿਆ। ਜਿਸਦੇ ਵਿੱਚ ਕੁੱਲ 55 ਵਿਅਕਤੀਆਂ ਦੀ ਰਜਿਸਟ੍ਰੇਸ਼ਨ ਕੀਤੀ ਗਈ। ਇਸ ਕੈਂਪ ਵਿੱਚ ਦਿਵਿਆਂਗ ਵਿਅਕਤੀਆਂ ਲਈ ਮੋਟਰ ਟਰਾਈਸਾਇਕਲ (80% ਦਿਵਿਆਂਗ ਲਈ) , ਸਮਾਰਟ ਫੋਨ ( ਬਲਾਇੰਡ ਸਟੂਡੈਂਟ ਲਈ) , ਟਰਾਈ ਸਾਇਕਲ , ਵਹੀਲ ਚੇਅਰ, ਕੰਨਾਂ ਦੀ ਮਸ਼ੀਨ, ਫਹੁੜੀਆਂ, ਛੜੀ , ਕੈਲੀਪਰ ਆਦਿ ਅਤੇ ਬਜ਼ੁਰਗਾਂ ਲਈ ਕਮੋਡ ਵਾਲੀ ਕੁਰਸੀ, ਕੰਨਾਂ ਦੀ ਮਸ਼ੀਨ, ਸਰਵਾਇਕਲ ਕਾਲਰ, ਬੈਕ ਬੈਲਟ, ਗੋਡਿ‌ਆਂ ਦੇ ਕੈਪ ਅਤੇ ਬੈਠਣ ਵਾਲੀ ਛੜੀ ਆਦਿ ਦੇ ਫਾਰਮ ਭਰੇ ਗਏ। ਇਸ ਕੈਂਪ ਵਿੱਚ ਪਿੰਡ ਦੇ ਵਿਅਕਤੀਆਂ ਤੋਂ ਇਲਾਵਾ ਬਾਹਰਲੇ ਪਿੰਡਾਂ ਦੇ ਵਿਅਕਤੀਆਂ ਵੱਲੋਂ ਵੀ ਸ਼ਮੂਲੀਅਤ ਕੀਤੀ ਗਈ। ਕੈਂਪ ਦਾ ਸਮਾਂ ਸਵੇਰੇ 9 ਵਜੇ ਤੋਂ ਦੁਪਹਿਰ 3 ਵਜੇ ਤੱਕ ਰਿਹਾ। ਇਹ ਕੈਂਪ ਨੇਕੀ ਫਾਉਂਡੇਸ਼ਨ ਬੁਢਲਾਡਾ ਦੇ ਸਹਿਯੋਗ ਨਾਲ ਲਗਾਇਆ ਗਿਆ। ਇਸ ਦੌਰਾਨ ਨੇਕੀ ਫਾਉਂਡੇਸ਼ਨ ਦੇ ਮੈਂਬਰ ਕੁਲਵੀਰ ਸਿੰਘ , ਬਿੰਦਰ ਸਿੰਘ ਅਤੇ ਮੈਡਮ ਅਰਪਨਾ ਜੀ ਵੱਲੋਂ ਫਾਰਮ ਭਰੇ ਗਏ।
ਪਿੰਡ ਦੀ ਸਮੁੱਚੀ ਗ੍ਰਾਮ ਪੰਚਾਇਤ ਦੇ ਮੈਂਬਰ ਅਤੇ ਸਰਪੰਚ ਸਾਹਿਬਾਨ ਪੂਰਾ ਦਿਨ ਇਸ ਕੈਂਪ ਵਿੱਚ ਹਾਜ਼ਰ ਰਹੇ।
ਗੁਰੂਦੁਆਰਾ ਸਾਹਿਬ ਦੀ ਪ੍ਰਬੰਧਕ ਕਮੇਟੀ ਦਾ ਵਿਸ਼ੇਸ ਸਹਿਯੋਗ ਰਿਹਾ। ਇਸ ਕੈਂਪ ਦੇ ਪ੍ਰਬੰਧਕਾਂ ਵੱਲੋਂ ਜਾਣਕਾਰੀ ਦਿੱਤੀ ਗਈ ਕਿ ਜਿਹਨਾਂ ਵਿਅਕਤੀਆਂ ਦੇ ਫਾਰਮ ਇਸ ਕੈਂਪ ਵਿੱਚ ਭਰੇ ਗਏ ਓਹਨਾਂ ਵਿਅਕਤੀਆਂ ਨੂੰ ਕੁੱਝ ਦਿਨਾਂ ਬਾਅਦ ਇਹ ਉਪਕਰਣ ਵੰਡੇ ਦਿੱਤੇ ਜਾਣਗੇ ।