ਦਿ ਰੌਇਲ ਗਰੁੱਪ ਆਫ਼ ਕਾਲਜਿਜ਼ ਬੌੜਾਵਾਲ ਦੇ ਫਿਜ਼ੀਕਲ ਐਜ਼ੂਕੇਸਨ ਵਿਭਾਗ ਦੇ ਮੁਖੀ
ਅਸਿ.ਪ੍ਰੋ.ਹਰਵਿੰਦਰ ਸਿੰਘ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ 06/08/2023 ਨੂੰ ਦਿ ਰੌਇਲ
ਗਰੁੱਪ ਆਫ਼ ਕਾਲਜਿਜ਼, ਬੌੜਾਵਾਲ ਵਿਖੇ ਜ਼ਿਲ੍ਹਾ ਕਰਾਟੇ ਚੈਂਪੀਅਨਸ਼ਿਪ ਕਰਵਾਈ ਗਈ। ਇਸ
ਚੈਪੀਅਨਸ਼ਿਪ ਵਿੱਚ ਪੂਰੇ ਜ਼ਿਲ੍ਹੇ ਦੇ ਖਿਡਾਰੀਆਂ ਨੇ ਭਾਗ ਲਿਆ। ਇਹ ਚੈਂਪੀਅਨਸ਼ਿਪ (Amateur
Karate-do Association Mansa) ਪ੍ਰਧਾਨ ਐਮ ਐਸ ਪਾਇਲ, ਜਰਨਲ ਸਕੱਤਰ ਅਕਾਸਦੀਪ ਸਿੰਘ,
ਵਾਈਸ ਪ੍ਰਧਾਨ ਲਖਵਿੰਦਰ ਸਿੰਘ ਲਖਨਪਾਲ, ਵਾਈਸ ਸੈਕਟਰੀ ਹਰਦੀਪ ਕੌਰ ਕਰਾਟੇ ਕੋਚ ਦੁਆਰਾ ਅਯੋਜਿਤ
ਕਰਵਾਈ ਗਈ। ਇਸ ਟੂਰਨਾਮੈਂਟ ਦਾ ਉਦਘਾਟਨ ਸ.ਪ੍ਰਿਤਪਾਲ ਸਿੰਘ ਡੀ.ਐਸ.ਪੀ, ਬੁਢਲਾਡਾ ਨੇ ਕੀਤਾ ਅਤੇ
ਇਸ ਟੂਰਨਾਮੈਂਟ ਦੇ ਇਨਾਮ ਵੰਡ ਸਮਾਰੋਹ ਵਿੱਚ ਸਬ ਇੰਸਪੈਕਟਰ ਮੈਡਮ ਪਰਮਜੀਤ ਕੌਰ ਸ਼ਾਮਲ ਹੋਏ, ਜਿਨ੍ਹਾਂ ਨੇ
ਖਿਡਾਰੀਆਂ ਦਾ ਮਾਣ ਵਧਾਇਆ। ਇਸ ਟੂਰਨਾਮੈਂਟ ਵਿੱਚ ਦਿ ਰੌਇਲ ਗਰੁੱਪ ਆਫ਼ ਕਾਲਜਿਜ਼ ਦੇ
ਵਿਦਿਆਰਥੀਆਂ ਜੋਤੀ ਦੁੱਲਟ, ਮਨਪ੍ਰੀਤ ਕੌਰ ਅਤੇ ਸਰਬਜੀਤ ਸਿੰਘ ਨੇ ਵੱਖ-ਵੱਖ ਵੇਟ ਕੈਟਾਗਿਰੀ ਅੰਦਰ
ਕ੍ਰਮਵਾਰ ਗੋਲਡ ਮੈਡਲ ਹਾਸਲ ਕਰਕੇ ਕਾਲਜ ਦੇ ਮਾਣ ਅਤੇ ਸਨਮਾਨ ਵਿੱਚ ਵਾਧਾ ਕੀਤਾ । ਕਾਲਜ ਪ੍ਰਿੰਸੀਪਲ
ਡਾ.ਕੁਲਵਿੰਦਰ ਸਿੰਘ ਸਰਾਂ ਨੇ ਇਨ੍ਹਾਂ ਮੁਕਾਬਲਿਆਂ ਵਿੱਚ ਸ਼ਾਨਦਾਰ ਪ੍ਰਾਪਤੀ ਲਈ ਵਿਦਿਆਰਥੀਆਂ
ਅਤੇ ਉਹਨਾਂ ਦੇ ਮਾਪਿਆਂ ਨੂੰ ਵਧਾਈ ਦਿੰਦੇ ਹੋਏ ਕਿਹਾ ਕਿ ਵਿਦਿਆਰਥੀਆਂ ਦੀ ਲਗਨ ਅਤੇ ਸਖ਼ਤ
ਮਿਹਨਤ ਸਦਕਾ ਇਹ ਪ੍ਰਾਪਤੀ ਸੰਭਵ ਹੋਈ ਹੈ। ਕਾਲਜ ਦੇ ਡੀਨ ਉਪਰੇਸ਼ਨਜ਼ ਪ੍ਰੋ.ਸੁਰਜਨ ਸਿੰਘ ਨੇ
ਫਿਜ਼ੀਕਲ ਵਿਭਾਗ ਨੂੰ ਵਧਾਈ ਦਿੱਤੀ। ਕਾਲਜ ਦੇ ਚੇਅਰਮੈਨ ਏਕਮਜੀਤ ਸਿੰਘ ਸੋਹਲ ਨੇ ਫਿਜ਼ੀਕਲ
ਐਜ਼ੂਕੇਸਨ ਵਿਭਾਗ ਦੇ ਮੁਖੀ ਅਸਿ.ਪ੍ਰੋ.ਹਰਵਿੰਦਰ ਸਿੰਘ ਅਤੇ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ।