ਜ਼ਿਲਾ ਸੈਂਸਸ ਸੈੱਲ ਵੱਲੋਂ ਸੰਗਤ ਵਿਖੇ ਕਰਵਾਇਆ ਗਿਆ ਸਵੈ-ਗਨਣਾ ਜਾਗਰੂਕਤਾ*
ਨਾਨਕ ਸਿੰਘ ਖੁਰਮੀ,ਬਠਿੰਡਾ 19 ਨਵੰਬਰ
ਭਾਰਤ ਸਰਕਾਰ ਵੱਲੋਂ ਜਨਗਨਣਾ-2027 ਦੇ ਚੱਲ ਰਹੇ ਦੂਜੇ ਪੜਾਅ ਤਹਿਤ ਪ੍ਰਿੰਸੀਪਲ ਸੈਂਸਜ ਅਫਸਰ- ਕਮ-ਡਿਪਟੀ ਕਮਿਸ਼ਨਰ ਬਠਿੰਡਾ ਸ਼੍ਰੀ ਰਾਜੇਸ਼ ਧੀਮਾਨ ਦੇ ਦਿਸ਼ਾਂ-ਨਿਰਦੇਸ਼ਾ ਅਨੁਸਾਰ ਸੰਗਤ ਮੰਡੀ ਵਿਖੇ ਵਿਸ਼ੇਸ ਸਵੈ- ਗਣਨਾ ਪ੍ਰੋਗਰਾਮ ਕਰਵਾਇਆ ਗਿਆ। ਇਸ ਪ੍ਰੋਗਰਾਮ ਵਿੱਚ ਜਿਲ੍ਹੇ ਬਠਿੰਡਾ ਤੇ ਨਗਰ ਨਿਗਮ ਬਠਿੰਡਾ ਤੋਂ ਵੱਖ-ਵੱਖ ਚਾਰਜਾਂ ਤੋਂ ਗਿਣਤੀਕਾਰਾਂ ਤੇ ਸੁਪਵਾਇਜਰਾਂ, ਵਿਸ਼ੇਸ ਤੌਰ ਫੀਲਡ ਟ੍ਰੇਨਰ ਤੇ ਮਾਸਟਰ ਟ੍ਰੇਨਰਾਂ ਨੇ ਭਾਗ ਲਿਆ।
ਇਸ ਮੌਕੇ ਵਧੀਕ ਡਿਪਟੀ ਕਮਿਸ਼ਨਰ (ਜ) ਮੈਡਮ ਪੂਨਮ ਸਿੰਘ ਵੱਲੋਂ ਸ਼ਿਰਕਤ ਕੀਤੀ ਗਈ। ਉਨ੍ਹਾਂ ਦੱਸਿਆ ਕਿ ਇਸ ਸਵੈ-ਗਣਨਾ ਪ੍ਰੋਗਰਾਮ ਵਿੱਚ ਸਾਰੇ ਗਿਣਤੀਕਾਰਾਂ, ਸੁਪਵਾਇਜਰਾਂ, ਫੀਲਡ ਟ੍ਰੇਨਰ ਤੇ ਮਾਸਟਰ ਟ੍ਰੇਨਰਾਂ ਦੇ ਸਹਿਯੋਗ ਨਾਲ ਘਰੋ-ਘਰੋਂ ਜਾ ਕੇ ਸਾਰੇ ਸੰਗਤ ਮੰਡੀ ਏਰੀਆਂ ਦੇ ਨਾਗਰਿਕਾ ਨੂੰ ਸਵੈ-ਗਣਨਾ ਕਰਨ ਲਈ ਪਿਛਲੇ 15 ਦਿਨਾਂ ਤੋਂ ਨਗਰ ਨਿਵਾਸੀਆਂ ਨੂੰ ਸਵੈ-ਗਣਨਾ ਆਪਣੇ ਮੋਬਾਇਲ ਫੋਨਾਂ ਤੋਂ ਆਪ ਕਰਨ ਆਦਿ ਲਈ ਜਾਗਰੂਕ ਕੀਤਾ ਜਾ ਰਿਹਾ ਸੀ।
ਉਨ੍ਹਾਂ ਜ਼ਿਲ੍ਹਾ ਵਾਸੀਆਂ ਨੂੰ ਅਪੀਲ ਕਰਦਿਆਂ ਕਿਹਾ ਕਿ ਸਵੈ-ਗਣਨਾ ਦੀ ਪ੍ਰਕਿਰਿਆ ਵਿੱਚ ਵੱਧ-ਚੜ੍ਹ ਕੇ ਹਿੱਸਾ ਲੈਣ ਅਤੇ ਆਪਣੇ ਪਰਿਵਾਰ ਦੀ ਸਹੀ ਜਾਣਕਾਰੀ ਆਨਲਾਈਨ ਦਰਜ ਕਰਨ। ਉਨ੍ਹਾਂ ਦੱਸਿਆ ਕਿ ਸੈਂਸਜ ਰਾਹੀਂ ਪ੍ਰਾਪਤ ਹੋਣ ਵਾਲੇ ਅੰਕੜੇ ਭਵਿੱਖ ਦੀਆਂ ਵਿਕਾਸ ਯੋਜਨਾਵਾਂ, ਸ਼ਹਿਰੀ ਬੁਨਿਆਦੀ ਢਾਂਚੇ ਅਤੇ ਲੋਕ ਭਲਾਈ ਦੀਆਂ ਸਕੀਮਾਂ ਦੀ ਯੋਜਨਾਬੰਦੀ ਲਈ ਮਹੱਤਵਪੂਰਨ ਆਧਾਰ ਬਣਦੇ ਹਨ। ਇਸ ਦੌਰਾਨ 80 ਪ੍ਰਤੀਸ਼ਤ ਨਗਰ ਨਿਵਾਸੀਆਂ ਵੱਲੋਂ ਆਪਣੇ ਫੋਨਾਂ ਤੋਂ ਕੀਤੀ ਗਈ ਸਵੈ ਗਨਣਾ ਸਬੰਧੀ ਪ੍ਰਸੰਸਾ ਵੀ ਕੀਤੀ ਗਈ।
ਇਸ ਮੌਕੇ ਸ਼੍ਰੀਮਤੀ ਨਗਰ ਕੌਸ਼ਲ ਦੇ ਪ੍ਰਧਾਨ ਰਾਹੁਲ ਕੁਮਾਰ, ਸ਼੍ਰੀ ਸੁਸ਼ੀਲ ਕੁਮਾਰ ਗੋਲਡੀ, ਚਰਨਜੀਤ ਕੌਰ ਉਪ ਅਰਥ ਤੇ ਅੰਕੜਾ ਸਲਾਹਕਾਰ ਬਠਿੰਡਾ, ਸਿੱਖਿਆ ਵਿਭਾਗ ਤੋਂ ਡਿਪਟੀ ਡੀ.ਈ.ਓ ਸ਼੍ਰੀ ਚਮਕੌਰ ਸਿੰਘ, ਜਿਲ੍ਹਾ ਸ਼ੈਸਜ ਸੈੱਲ ਬਠਿੰਡਾ ਦੇ ਇੰਚਾਰਜ ਸ਼੍ਰੀ ਹਰਵਿੰਦਰ ਸਿੰਘ, ਮਾਸਟਰ ਟ੍ਰੇਨਰ ਮੁਕੇਸ਼ ਬਾਂਸਲ, ਫੀਲਡ ਟ੍ਰੇਨਰ ਮੋਤੀ ਰਾਮ, ਕੁਲਵੀਰ ਸਿੰਘ, ਸੁਰੇਸ਼ ਬਾਂਸਲ ਡਾ. ਰਣਜੋਧ ਸਿੰਘ, ਲਖਵਿੰਦਰ ਸਿੰਘ, ਦੀਪਕ ਗੋਨਿਆਣਾ ਆਦਿ ਮੌਜੂਦ ਸਨ।
