ਭੀਖੀ 09 ਅਗਸਤ (ਕਰਨ ਭੀਖੀ )- ਸ਼ਹੀਦ ਭਗਤ ਸਿੰਘ ਯਾਦਗਾਰੀ ਲਾਇਬਰੇਰੀ ਵਿਖੇ ਨਵਯੁਗ ਸਾਹਿਤ ਕਲਾ ਮੰਚ ਵੱਲੋਂ ਮਾ.ਗੁਰਪਿਆਰ ਸਿੰਘ ਕੋਟਲੀ ਦੀ ਪਲੇਠੀ ਕਿਤਾਬ “ ਗਿਆਨ ਦਾ ਦੀਵਾ ਬਲ਼ਦਾ ਰਹੇ” ਇਕਾਂਗੀ ਲੋਕ ਅਰਪਣ ਕੀਤੀ ਗਈ।ਮੰਚ ਪ੍ਰਧਾਨ ਕਹਾਣੀ ਕਾਰ ਭੁਪਿੰਦਰ ਫ਼ੌਜੀ ਨੇ ਕਿਹਾ ਗੁਰਪਿਆਰ ਕੋਟਲੀ ਦਾ ਇਕਾਂਗੀ ਲਿਖਣ ਦਾ ਬਹੁਤ ਖੁਬਸੂਰਤ ਉਪਰਾਲ ਹੈ।ਉਹ ਅਧਿਆਪਕ ਵਜੋਂ ਆਪਣਾ ਕਾਰਜ਼ ਕਰਦੇ ਹਨ ਅਤੇ ਅਕਸਰ ਹੀ ਬੱਚਿਆਂ ਦੇ ਬਾਲ਼ ਮਨ ਭਾਂਪਦੇ ਹਨ। ਇਹ ਵਿਚਾਰ ਵੀ ਉਸ ਨੂੰ ਬੱਚਿਆਂ ਨਾਲ਼ ਵਿਚਰਦਿਆਂ ਆਏ ਹਨ।ਜਿਸ ਨੇ ਇਹ ਕਿਤਾਬ ਦਾ ਰੂਪ ਧਾਰਨ ਕਰ ਲਿਆ।ਗੁਰਪਿਆਰ ਕੋਟਲੀ ਨੇ ਕਿਹਾ ਮੈਂ ਬੱਚਿਆਂ ਦੇ ਮਨੋਵਿਿਗਆਨ ਨੂੰ ਨੇੜੇ ਤੋਂ ਫ਼ੜਨ ਦੀ ਕੋਸ਼ਿਸ਼ ਕੀਤੀ ਹੈ।ਮੈਂ ਉਨ੍ਹਾਂ ਨਾਲ਼ ਬੱਚਿਆਂ ਵਾਂਗ ਹੀ ਵਿਚਰਦਾ ਹਾਂ ਤੇ ਉਹ ਆਪਣਾ ਸਾਰਾ ਕੁੱਝ ਖੋਲ੍ਹਕੇ ਰੱਖ ਦਿੰਦੇ ਹਨ।ਮੈਂ ਉਨ੍ਹਾਂ ਦੇ ਹਾਵਭਾਵ ਨੂੰ ਕਲਮ ਬੰਦ ਕਰ ਲਿਆ।ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਮੰਚ ਸਕੱਤਰ ਮਾ.ਅਮਰੀਕ ਭੀਖੀ,ਜਸਪਾਲ ਅਤਲਾ,ਐਡਵੋਕੇਟ ਮਨੋਜ਼ ਕੁਮਾਰ,ਅਵਤਾਰ ਡਿਜੀਟਲ,ਇੰਜ਼.ਲੱਖਾ ਸਿੰਘ,ਗੁਰਿੰਦਰ ਹੈਪੀ ਔਲਖ,ਹਰਮੇਸ਼ ਭੋਲਾ ਮੱਤੀ,ਹਰਵਿੰਦਰ ਭੀਖੀ,ਹਰਭਗਵਾਨ ਭੀਖੀ,ਹਰਸੁਖਮਨ ਕੌਰ,ਸਾਹਿਬਦੀਪ,ਗੁਰਬੀਰ ਸਿੰਘ ਹਾਜ਼ਰ ਸਨ।