ਮੂਨਕ 02 ਮਈ(ਬੂਟਾ ਸਿੰਘ ਭੂਟਾਲ) ਪਿਛਲੇ ਦੋ ਮਹੀਨਿਆਂ ਤੋਂ ਚੱਲ ਰਹੀ ਖਾੜੀ ਦੇਸ਼ਾਂ ਦੀ ਜੰਗ ਨੇ ਹਰ ਖੇਤਰ ਵਿੱਚ ਆਪਣਾ ਰੰਗ ਦਿਖਾਇਆ ਹੈ ਮਹਿੰਗਾਈ ਸਿਖਰਾਂ ਨੂੰ ਛੂਹ ਰਹੀ ਹੈ ਹਰ ਪਾਸੇ ਮਹਿੰਗਾਈ ਪ੍ਰਤੀ ਹਾਹਾਕਾਰ ਮੱਚੀ ਹੋਈ ਹੈ ਹਰ ਪਾਸੇ ਅਸਥਿਰਤਾ ਦਾ ਮਾਹੌਲ ਬਣਨ ਕਾਰਨ ਹਰ ਕੋਈ ਚਿੰਤਾ ਵਿੱਚ ਹੈ ਕਿ ਅੱਗੇ ਕੀ ਬਣੇਗਾ। ਖਾੜੀ ਦੇਸ਼ਾਂ ਦੀਆਂ ਜੰਗਾਂ ਦਾ ਬਹਾਨਾ ਬਣਾ ਕੇ ਹਰ ਖੇਤਰ ਦਾ ਵਪਾਰੀ ਡੇਢ ਗੁਣਾ ਹਰ ਚੀਜ਼ ਦਾ ਰੇਟ ਮੰਗ ਰਿਹਾ ਹੈ। ਇਸੇ ਲੜੀ ਵਿੱਚ ਹਰ ਕਿਸੇ ਲਈ ਮਕਾਨ ਬਣਾਉਣਾ ਬਹੁਤ ਹੀ ਜੋਖਮ ਭਰਿਆ ਕੰਮ ਬਣ ਗਿਆ ਹੈ । ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਅਸ਼ਵਨੀ ਕੁਮਾਰ ਉਰਫ ਆਸ਼ੂ ਬਾਬੂ ਪ੍ਰਧਾਨ ਭੱਠਾ ਐਸੋਸੀਏਸ਼ਨ ਲਹਿਰਾ ਗਾਗਾ ਦੇ ਕਹਿਣ ਮੁਤਾਬਿਕ ਕੋਲੇ ਦੇ ਰੇਟ ਦੁੱਗਣੇ ਹੋ ਗਏ ਹਨ ਜਿਸ ਕਾਰਨ ਇੱਟਾਂ 8500 ਤੋਂ 9000 ਪ੍ਰਤੀ ਹਜਾਰ ਬੋਲੀਆਂ ਜਾ ਰਹੀਆਂ ਹਨ ਇਸੇ ਤਰ੍ਹਾਂ ਸਮਿੰਟ,ਸਰੀਆ, ਰੇਤਾ, ਬਜਰੀ ਵੀ ਮਹਿੰਗਾਈ ਦੀ ਜਦ ਵਿੱਚ ਆ ਚੁੱਕਿਆ ਹੈ ਅਤੇ ਆਮ ਆਦਮੀ ਦੀ ਪਹੁੰਚ ਤੋਂ ਬਹੁਤ ਦੂਰ ਹੋ ਚੁੱਕਿਆ ਹੈ। ਖਾੜੀ ਦੇ ਦੇਸ਼ਾਂ ਦੀ ਜੰਗ ਕਾਰਨ ਹਰ ਕੋਈ ਦੋ ਚਿੱਤੀ ਵਿੱਚ ਹੈ ਕੀ ਪਤਾ ਨਹੀਂ ਕਿਹੜੇ ਵੇਲੇ ਕੀ ਹੋ ਜਾਵੇ। ਇਸ ਲਈ ਲੋਕ ਪੈਸਾ ਖਰਚਣ ਤੋਂ ਗੁਰੇਜ ਕਰ ਰਹੇ ਹਨ ਖਾੜੀ ਦੀ ਦੇਸ਼ਾਂ ਦੇ ਜੰਗ ਤੋਂ ਪਹਿਲਾਂ ਪ੍ਰੋਪਰਟੀ ਦੇ ਰੇਟ ਥੋੜੇ ਵਧਣ ਲੱਗੇ ਸਨ ਪਰੰਤੂ ਜੰਗ ਨੇ ਇਹਨਾਂ ਤੇ ਵੀ ਵਿਸ਼ਰਾਮ ਲਗਾ ਦਿੱਤਾ ਹੈ ਇਹਦੇ ਬਦਲ ਵਜੋਂ ਕੁਝ ਪ੍ਰੋਪਰਟੀ ਡੀਲਰਾਂ ਨੇ ਆਪਣੇ ਆਪਣੇ ਗਰੁੱਪ ਬਣਾਏ ਹੋਏ ਹਨ ਜੋ ਜੰਗ ਦਾ ਬਹਾਨਾ ਬਣਾ ਕੇ ਜਰੂਰਤ ਬੰਦ ਲੋਕਾਂ ਤੋਂ ਸਸਤੇ ਰੇਟਾਂ ਤੇ ਪਲਾਟ ਖਰੀਦ ਕਰ ਲੈਂਦੇ ਹਨ ਕੀ ਰੇਟ ਬਹੁਤ ਜਿਆਦਾ ਘੱਟ ਗਏ ਹਨ ਅਤੇ ਬਾਅਦ ਵਿੱਚ ਉਹ ਲੋਕ ਆਪਸ ਵਿੱਚ ਇੱਕ ਦੂਜੇ ਤੇ ਨਾਮ ਤੇ ਜਾਹਲੀ ਬਿਆਨੇ ਵੱਧ ਰਕਮ ਦੇ ਲਿਖਵਾ ਲੈਂਦੇ ਹਨ ਅਤੇ ਬਾਅਦ ਵਿੱਚ ਭੋਲੇ ਭਾਲੇ ਲੋਕਾਂ ਨੂੰ ਆਪਣੇ ਜਾਲ ਵਿੱਚ ਫਸਾ ਕੇ ਡਬਲ ਹੋਣ ਦੇ ਸੁਪਨੇ ਦਿਖਾ ਦਿੰਦੇ ਹਨ ਅਗਰ ਅਜਿਹੀ ਲੁੱਟ ਦਾ ਪਰਦਾ ਫਾਸ਼ ਨਾ ਕੀਤਾ ਗਿਆ ਤਾਂ ਇਸ ਦੇ ਇੱਕ ਦਿਨ ਗੰਭੀਰ ਸਿੱਟੇ ਨਿਕਲਣਗੇ।,,,
ਕੀ ਕਹਿੰਦੇ ਹਨ, ਕਿਸਾਨ ਯੂਨੀਅਨ ਦੇ ਆਗੂ ਸਹਿਬਾਨ, ਭਾਰਤੀ ਕਿਸਾਨ ਯੂਨੀਅਨ ਉਗਰਾਹਾਂ ਦੇ ਬਲਾਕ ਪ੍ਰਧਾਨ ਰਿੰਕੂ ਸੈਣੀ ਮੂਨਕ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਸਾਮਰਾਜੀ ਮੁਲਕ ਅਪਣੀਆਂ ਲੁੱਟਾਂ ਵਧਾਉਣ ਲਈ ਅਤੇ ਮਜੂਦਾ ਰਾਜ ਕਰਦੇ ਹਾਕਮ ਲੋਕਾਂ ਚ ਦੇਸ਼ ਭਗਤੀ ਦਾ ਝੂਠਾ ਜਜ਼ਬਾ ਜਗਾ ਜਗਾਉਂਦੇ ਹਨ ਤਾਂ ਕਿ ਲੋਕਾਂ ਤੇ ਲੰਮਾ ਸਮਾਂ ਰਾਜ ਕੀਤਾ ਜਾ ਸਕੇ ਪਰ ਆਮ ਲੋਕਾਂ ਨੂੰ ਇਹਨਾਂ ਜੰਗਾਂ ਦਾ ਕੋਈ ਫਾਇਦਾ ਨਹੀਂ ਉਲਟਾ ਮਹਿੰਗਾਈ ਦੀ ਮਾਰ ਝੱਲਣੀ ਪੈਂਦੀ ਹੈ