ਮਹਿਲ ਕਲਾਂ, 12 ਜੂਨ (ਡਾ. ਮਿੱਠੂ ਮੁਹੰਮਦ) – ਮੈਡੀਕਲ ਪ੍ਰੈਕਟੀਸ਼ਨਰਜ਼ ਐਸੋਸੀਏਸ਼ਨ ਪੰਜਾਬ (ਰਜਿ. ਨੰ. 295) ਦੀ ਬਰਨਾਲਾ ਵਿਖੇ 25 ਅਪ੍ਰੈਲ 2026 ਨੂੰ ਹੋਈ ਨਵੀਂ ਸੂਬਾ ਕਮੇਟੀ ਦੀ ਚੋਣ ਤੋਂ ਬਾਅਦ ਪਹਿਲੀ ਸੂਬਾ ਪੱਧਰੀ ਮੀਟਿੰਗ 14 ਜੂਨ ਨੂੰ ਮੁਕਤਿਆਂ ਦੀ ਪਵਿੱਤਰ ਧਰਤੀ ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਹੋਣ ਜਾ ਰਹੀ ਹੈ। ਇਸ ਮਹੱਤਵਪੂਰਨ ਮੀਟਿੰਗ ਵਿੱਚ ਪੰਜਾਬ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਤੋਂ ਸੂਬੇ ਅਤੇ ਜ਼ਿਲ੍ਹਾ ਦੇ ਆਗੂ ਵੱਡੀ ਗਿਣਤੀ ਵਿੱਚ ਸ਼ਮੂਲੀਅਤ ਕਰਨਗੇ।
ਜਥੇਬੰਦੀ ਦੇ ਸੂਬਾ ਪ੍ਰਧਾਨ ਡਾ. ਜਸਵਿੰਦਰ ਸਿੰਘ ਕਾਲਖ ਦੀ ਅਗਵਾਈ ਹੇਠ ਹੋ ਰਹੀ ਇਸ ਮੀਟਿੰਗ ਨੂੰ ਐਸੋਸੀਏਸ਼ਨ ਦੇ ਭਵਿੱਖ ਲਈ ਬਹੁਤ ਹੀ ਅਹਿਮ ਮੰਨਿਆ ਜਾ ਰਿਹਾ ਹੈ। ਮੀਟਿੰਗ ਦੌਰਾਨ ਮੈਡੀਕਲ ਪ੍ਰੈਕਟੀਸ਼ਨਰਜ਼ ਦੇ ਹੱਕਾਂ, ਪੇਸ਼ੇ ਨਾਲ ਜੁੜੀਆਂ ਸਮੱਸਿਆਵਾਂ, ਸਰਕਾਰੀ ਨੀਤੀਆਂ, ਸੰਗਠਨਾਤਮਕ ਮਜ਼ਬੂਤੀ ਅਤੇ ਆਉਣ ਵਾਲੀਆਂ ਸੰਘਰਸ਼ੀਲ ਰਣਨੀਤੀਆਂ ਬਾਰੇ ਵਿਸਥਾਰ ਨਾਲ ਵਿਚਾਰ-ਵਟਾਂਦਰਾ ਕੀਤਾ ਜਾਵੇਗਾ।
ਮੀਟਿੰਗ ਵਿੱਚ ਸੂਬਾ ਸਰਪ੍ਰਸਤ ਡਾ. ਬਲਕਾਰ ਸਿੰਘ ਪਟਿਆਲਾ, ਮੁੱਖ ਸਲਾਹਕਾਰ ਡਾ. ਜਗਬੀਰ ਸਿੰਘ ਸ੍ਰੀ ਮੁਕਤਸਰ ਸਾਹਿਬ ਅਤੇ ਡਾ. ਗੁਰਮੁੱਖ ਸਿੰਘ ਮੋਹਾਲੀ, ਸੂਬਾ ਫਾਊਂਡਰ ਮੈਂਬਰ ਡਾ. ਸਤਨਾਮ ਸਿੰਘ ਦਿਓ ਤਰਨਤਾਰਨ, ਸੂਬਾ ਚੇਅਰਮੈਨ ਡਾ. ਪ੍ਰੇਮ ਕੁਮਾਰ ਸਲੋਹ ਨਵਾਂਸ਼ਹਿਰ, ਸੂਬਾ ਵਿੱਤ ਸਕੱਤਰ ਡਾ. ਧਰਮਪਾਲ ਸਿੰਘ ਸੰਗਰੂਰ, ਸੂਬਾ ਪ੍ਰੈੱਸ ਮੀਡੀਆ ਇੰਚਾਰਜ ਪੰਜਾਬ ਡਾ. ਮਿੱਠੂ ਮੁਹੰਮਦ ਮਹਿਲ ਕਲਾਂ, ਸੂਬਾ ਜਨਰਲ ਸਕੱਤਰ ਡਾ. ਦੀਦਾਰ ਸਿੰਘ, ਸੂਬਾ ਲੀਗਲ ਐਡਵਾਈਜ਼ਰ ਡਾ. ਜਗਦੇਵ ਸਿੰਘ ਚਹਿਲ, ਪੰਜਾਬ ਕੋਆਰਡੀਨੇਟਰ ਡਾ. ਸਤਵੀਰ ਸਿੰਘ ਮਿਰਜੇ ਕੇ, ਸੂਬਾ ਜੁਆਇੰਟ ਸਕੱਤਰ ਡਾ. ਸੁਖਚਰਨ ਸਿੰਘ ਬਰਾੜ ਅਤੇ ਡਾ. ਪ੍ਰਗਟ ਸਿੰਘ, ਸੂਬਾ ਵਾਈਸ ਵਿੱਤ ਸਕੱਤਰ ਡਾ. ਹਰਮੇਸ ਸਿੰਘ ਕਾਲੀਆ, ਸੂਬਾ ਪ੍ਰੈੱਸ ਸਕੱਤਰ ਡਾ. ਰਜੇਸ਼ ਕੁਮਾਰ ਸ਼ਰਮਾ ਰਾਜੂ ਸਮੇਤ ਸਮੂਹ ਸੂਬਾ ਅਹੁਦੇਦਾਰ ਹਾਜ਼ਰ ਰਹਿਣਗੇ।
ਇਸ ਤੋਂ ਇਲਾਵਾ ਸੀਨੀਅਰ ਸੂਬਾ ਮੀਤ ਪ੍ਰਧਾਨ ਡਾ. ਸਰਬਜੀਤ ਸਿੰਘ ਅੰਮ੍ਰਿਤਸਰ, ਡਾ. ਅਮਰਜੀਤ ਸਿੰਘ ਕੁੱਕੂ ਬਰਨਾਲਾ, ਡਾ. ਬਲਜੀਤ ਸਿੰਘ ਛਾਪਾ ਤਰਨਤਾਰਨ, ਸੂਬਾ ਮੀਤ ਪ੍ਰਧਾਨ ਡਾ. ਉਤਮ ਸਿੰਘ ਮਾਲੇਰਕੋਟਲਾ, ਡਾ. ਜਸਬੀਰ ਸਿੰਘ ਗੁੜਦੀ ਮਾਨਸਾ, ਡਾ. ਮਲਕੀਤ ਸਿੰਘ, ਡਾ. ਕਰਨੈਲ ਸਿੰਘ ਬਠਿੰਡਾ, ਡਾ. ਹਾਕਮ ਸਿੰਘ ਧਬਲਾਨ ਪਟਿਆਲਾ, ਡਾ. ਵੇਦ ਪ੍ਰਕਾਸ਼ ਰੋਪੜ, ਡਾ. ਰਿੰਕੂ ਕੁਮਾਰ ਫਤਿਹਗੜ ਸਾਹਿਬ, ਡਾ. ਬਲਵੀਰ ਸਿੰਘ ਗਰਚਾ ਨਵਾਂ ਸ਼ਹਿਰ, ਡਾ. ਆੰਗਰੇਜ ਸਿੰਘ ਫਾਜ਼ਿਲਕਾ ਅਤੇ ਡਾ. ਕਸ਼ਮੀਰ ਸਿੰਘ ਜੈਤੋ ਫਰੀਦਕੋਟ ਵੀ ਵਿਸ਼ੇਸ਼ ਤੌਰ ‘ਤੇ ਸ਼ਮੂਲੀਅਤ ਕਰਨਗੇ।
ਆਲ ਇੰਡੀਆ ਮੈਡੀਕਲ ਫੈਡਰੇਸ਼ਨ ਦੇ ਮੀਤ ਪ੍ਰਧਾਨ ਡਾ. ਜਗਦੀਸ਼ ਲਾਲ ਸਮੇਤ ਸੂਬਾ ਕਮੇਟੀ ਮੈਂਬਰ ਡਾ. ਪਰਮਜੀਤ ਸਿੰਘ ਸੰਘਾ, ਡਾ. ਸੁਰਜੀਤ ਰਾਮ ਮੋਰਿੰਡਾ, ਡਾ. ਕੁਲਬੀਰ ਸਿੰਘ ਮੋਹਾਲੀ, ਡਾ. ਬਿਕਰਮ ਸਿੰਘ, ਡਾ. ਪਰਮੇਸ਼ਰ ਸਿੰਘ ਬਰਨਾਲਾ, ਡਾ. ਉਸਮਾਨ ਮਾਲੇਰਕੋਟਲਾ, ਡਾ. ਸੁਖਜਿੰਦਰ ਸਿੰਘ ਨਾਗੋਕੇ, ਡਾ. ਪ੍ਰਦੀਪ ਸਿੰਘ ਪੰਡੋਰੀ, ਡਾ. ਸਵਰਨਜੀਤ ਸਿੰਘ ਲੋਪੋ, ਡਾ. ਜਸਬੀਰ ਸਿੰਘ ਚੀਮਾ ਬਰਨਾਲਾ, ਡਾ. ਹਰਬੰਸ ਅਟਵਾਲ ਅਤੇ ਡਾ. ਬਲਜਿੰਦਰ ਸਿੰਘ ਵੀ ਆਪਣੇ ਵਿਚਾਰ ਰੱਖਣਗੇ।
ਜ਼ਿਲ੍ਹਾ ਪ੍ਰਧਾਨਾਂ ਵਿੱਚ ਡਾ. ਸੁਖਵਿੰਦਰ ਸਿੰਘ ਅਟਵਾਲ ਲੁਧਿਆਣਾ, ਡਾ. ਰਛਪਾਲ ਸਿੰਘ ਸੰਧੂ ਫਰੀਦਕੋਟ, ਡਾ. ਲਾਭ ਸਿੰਘ ਮੰਡੇਰ ਬਰਨਾਲਾ, ਡਾ. ਬਲਕਾਰ ਕਟਾਰੀਆ ਨਵਾਂ ਸ਼ਹਿਰ, ਡਾ. ਅਨਵਰ ਭਸੌੜ ਸੰਗਰੂਰ, ਡਾ. ਬਲਜਿੰਦਰ ਸਿੰਘ ਚੱਕ ਮਲੇਰਕੋਟਲਾ, ਡਾ. ਹਰਦੀਪ ਸਿੰਘ ਬਰੇ ਮਾਨਸਾ, ਡਾ. ਗਿਆਨ ਚੰਦ ਸ਼ਰਮਾ ਬਠਿੰਡਾ, ਡਾ. ਸੁਭਾਸ਼ ਰਾਣਾ, ਡਾ. ਸੁਖਚੈਨ ਸਿੰਘ ਸਮਾਲਸਰ ਮੋਗਾ, ਡਾ. ਬਲਜਿੰਦਰ ਸਿੰਘ ਬੱਬਾ ਅੰਮ੍ਰਿਤਸਰ ਅਤੇ ਡਾ. ਨਿਸਾਨ ਸਿੰਘ ਤਰਨ ਤਾਰਨ ਸਮੇਤ ਕਈ ਹੋਰ ਆਗੂਆਂ ਦੀ ਹਾਜ਼ਰੀ ਹੋਵੇਗੀ।
ਸੂਬਾ ਪ੍ਰਧਾਨ ਡਾ. ਜਸਵਿੰਦਰ ਸਿੰਘ ਕਾਲਖ ਨੇ ਕਿਹਾ ਕਿ ਐਸੋਸੀਏਸ਼ਨ ਹਮੇਸ਼ਾ ਮੈਡੀਕਲ ਪ੍ਰੈਕਟੀਸ਼ਨਰ ਭਾਈਚਾਰੇ ਦੇ ਹੱਕਾਂ ਦੀ ਰੱਖਿਆ ਲਈ ਸੰਘਰਸ਼ਸ਼ੀਲ ਰਹੀ ਹੈ ਅਤੇ ਇਹ ਮੀਟਿੰਗ ਜਥੇਬੰਦੀ ਨੂੰ ਹੋਰ ਮਜ਼ਬੂਤ, ਇਕਜੁੱਟ ਅਤੇ ਸਰਗਰਮ ਬਣਾਉਣ ਵਿੱਚ ਮੀਲ ਪੱਥਰ ਸਾਬਤ ਹੋਵੇਗੀ।
ਮੀਟਿੰਗ ਦੌਰਾਨ ਜਥੇਬੰਦੀ ਦੇ ਵਿਸਥਾਰ, ਮੈਂਬਰਸ਼ਿਪ ਮੁਹਿੰਮ, ਕਾਨੂੰਨੀ ਲੜਾਈਆਂ, ਸਿਹਤ ਸੇਵਾਵਾਂ ਨਾਲ ਸਬੰਧਿਤ ਚੁਣੌਤੀਆਂ ਅਤੇ ਭਵਿੱਖ ਦੇ ਸੰਘਰਸ਼ਾਂ ਸਬੰਧੀ ਮਹੱਤਵਪੂਰਨ ਫ਼ੈਸਲੇ ਲਏ ਜਾਣ ਦੀ ਸੰਭਾਵਨਾ ਹੈ। ਸਮੂਹ ਆਗੂਆਂ ਨੇ ਵਿਸ਼ਵਾਸ ਜਤਾਇਆ ਕਿ ਸ੍ਰੀ ਮੁਕਤਸਰ ਸਾਹਿਬ ਦੀ ਇਹ ਇਤਿਹਾਸਕ ਮੀਟਿੰਗ ਪੰਜਾਬ ਦੇ ਮੈਡੀਕਲ ਪ੍ਰੈਕਟੀਸ਼ਨਰ ਭਾਈਚਾਰੇ ਨੂੰ ਇੱਕ ਨਵੀਂ ਦਿਸ਼ਾ ਅਤੇ ਨਵੀਂ ਤਾਕਤ ਪ੍ਰਦਾਨ ਕਰੇਗੀ।