ਜੇਈਈ ਮੇਨ ਸੈਸ਼ਨ 1-2026 ਨਤੀਜਾ:
ਭਰਤ ਬਾਂਸਲ ਨੇ 99.9976982 ਫ਼ੀਸਦੀ ਸਕੋਰ ਪ੍ਰਾਪਤ ਕੀਤੇ
ਮਾਨਸਾ (ਬਰੇਟਾ), 17 ਫਰਵਰੀ, 2026: ਐਲਨ ਕਰੀਅਰ ਇੰਸਟੀਚਿਊਟ ਪ੍ਰਾਇਵੇਟ ਲਿਮਟਿਡ ਚੰਡੀਗੜ੍ਹ ਦੇ ਹੋਣਹਾਰ ਵਿਦਿਆਰਥੀ ਅਤੇ ਬਰੇਟਾ ਦੇ ਬੇਟੇ ਭਰਤ ਬੰਸਲ ਨੇ ਜੇਈਈ ਮੇਨ ਸੈਸ਼ਨ 1-2026 ਵਿੱਚ 99.9976982 ਫ਼ੀਸਦੀ ਅੰਕ ਪ੍ਰਾਪਤ ਕਰਕੇ ਪੰਜਾਬ ਵਿੱਚ ਟੌਪ ਕੀਤਾ ਹੈ। ਇਸ ਵੱਡੀ ਉਪਲੱਬਧੀ ਨਾਲ ਉਨ੍ਹਾਂ ਨੇ ਐਲਨ ਇੰਸਟੀਚਿਊਟ ਅਤੇ ਆਪਣੇ ਮਾਤਾ-ਪਿਤਾ ਦਾ ਨਾਮ ਪੂਰੇ ਦੇਸ਼ ਵਿੱਚ ਰੌਸ਼ਨ ਕੀਤਾ ਹੈ। ਇਹ ਸਫਲਤਾ ਉਨ੍ਹਾਂ ਦੀ ਲਗਾਤਾਰ ਮਿਹਨਤ, ਅਨੁਸ਼ਾਸਨ ਅਤੇ ਮਜ਼ਬੂਤ ਤਿਆਰੀ ਦਾ ਨਤੀਜਾ ਹੈ। ਪੂਰੇ ਦੇਸ਼ ਵਿੱਚ 100 ਫ਼ੀਸਦੀ ਸਕੋਰ ਪ੍ਰਾਪਤ ਕਰਨ ਵਾਲੇ 12 ਵਿਦਿਆਰਥੀਆਂ ਵਿਚੋਂ 7 ਵਿਦਿਆਰਥੀ ਐਲਨ ਇੰਸਟੀਚਿਊਟ ਤੋਂ ਹਨ।
ਚੰਡੀਗੜ੍ਹ ਸਥਿਤ ਐਲਨ ਕਰੀਅਰ ਇੰਸਟੀਚਿਊਟ ਪ੍ਰਾਇਵੇਟ ਲਿਮਟਿਡ ਇੰਸਟੀਚਿਊਟ ਉੱਤਰੀ ਖੇਤਰ ਵਿੱਚ ਹਰ ਸਾਲ ਉੱਤਮ ਨਤੀਜੇ ਦੇਣ ਲਈ ਜਾਣਿਆ ਜਾਂਦਾ ਹੈ। ਸੰਸਥਾ ਵੱਲੋਂ ਵਿਦਿਆਰਥੀਆਂ ਨੂੰ ਮਜ਼ਬੂਤ ਧਾਰਨਾ ਅਧਾਰਿਤ ਪੜ੍ਹਾਈ, ਨਿਯਮਿਤ ਜਾਂਚ ਪ੍ਰੀਖਿਆਵਾਂ, ਸੰਦੇਹ ਦੂਰ ਕਰਨ ਲਈ ਖਾਸ ਬੈਠਕਾਂ ਅਤੇ ਵਿਅਕਤੀਗਤ ਮਾਰਗਦਰਸ਼ਨ ਦਿੱਤਾ ਜਾਂਦਾ ਹੈ। ਇੰਸਟੀਚਿਊਟ ਦਾ ਮੁੱਖ ਮਕਸਦ ਸਿਰਫ ਪ੍ਰੀਖਿਆ ਵਿੱਚ ਸਫਲ ਕਰਨਾ ਨਹੀਂ, ਸਗੋਂ ਵਿਦਿਆਰਥੀਆਂ ਦਾ ਪੂਰਨ ਬੌਧਿਕ ਅਤੇ ਮਾਨਸਿਕ ਵਿਕਾਸ ਕਰਨਾ ਹੈ। ਇੰਸਟੀਚਿਊਟ ਉੱਤਰੀ ਭਾਰਤ ਵਿੱਚ ਲਗਾਤਾਰ ਭਰੋਸੇਯੋਗ ਨਤੀਜੇ ਦੇ ਰਹੀ ਹੈ।
ਇਸ ਮੌਕੇ ਸੰਸਥਾ ਦੇ ਉਪ ਪ੍ਰਧਾਨ ਅਤੇ ਉੱਤਰੀ ਖੇਤਰ ਮੁਖੀ ਸਦਾਨੰਦ ਵਾਣੀ ਨੇ ਕਿਹਾ ਕਿ ਇੰਸਟੀਚਿਊਟ ਦੇ ਵਿਦਿਆਰਥੀ ਬਹੁਤ ਮਿਹਨਤੀ, ਅਨੁਸ਼ਾਸਿਤ ਅਤੇ ਆਪਣੇ ਟੀਚੇ ਪ੍ਰਤੀ ਸਮਰਪਿਤ ਹਨ, ਜਿਸ ਕਾਰਨ ਉਹ ਰਾਸ਼ਟਰੀ ਪੱਧਰ ਦੀਆਂ ਪ੍ਰਤੀਯੋਗੀ ਪ੍ਰੀਖਿਆਵਾਂ ਵਿੱਚ ਉੱਚ ਦਰਜੇ ਦੇ ਨਤੀਜੇ ਹਾਸਲ ਕਰਦੇ ਹਨ। ਉਨ੍ਹਾਂ ਕਿਹਾ ਕਿ ਇੰਸਟੀਚਿਊਟ ਦੀ ਪੜ੍ਹਾਈ ਪ੍ਰਣਾਲੀ ਅਧਿਆਪਕਾਂ, ਸਿੱਖਿਆ ਵਿਦਵਾਨਾਂ ਅਤੇ ਮਾਤਾ-ਪਿਤਾ ਦੇ ਸਾਂਝੇ ਯਤਨਾਂ ਨਾਲ ਵਿਦਿਆਰਥੀਆਂ ਨੂੰ ਉੱਚ ਗੁਣਵੱਤਾ ਵਾਲੀ ਸਿੱਖਿਆ ਦੇਣ ਲਈ ਸਮਰਪਿਤ ਹੈ। ਉਨ੍ਹਾਂ ਨੇ ਵਿਦਿਆਰਥੀਆਂ ਦੇ ਮਾਤਾ-ਪਿਤਾ ਦੇ ਭਰੋਸੇ ਅਤੇ ਸਹਿਯੋਗ ਦੀ ਵੀ ਖਾਸ ਤੌਰ ‘ਤੇ ਪ੍ਰਸ਼ੰਸਾ ਕੀਤੀ।
ਭਰਤ ਬੰਸਲ ਨੇ ਦਸਵੀਂ ਜਮਾਤ ਵਿੱਚ ਵੀ 98 ਫੀਸਦੀ ਅੰਕ ਹਾਸਲ ਕਰਕੇ ਟੌਪ ਸਥਾਨ ਪ੍ਰਾਪਤ ਕੀਤਾ ਸੀ। ਉਨ੍ਹਾਂ ਨੇ 2025 ਵਿੱਚ ਭਾਰਤੀ ਭੌਤਿਕ ਵਿਗਿਆਨ ਓਲੰਪਿਆਡ ਵਿੱਚ ਹਿੱਸਾ ਲਿਆ ਸੀ ਅਤੇ ਹੁਣ 2026 ਵਿੱਚ ਭਾਰਤੀ ਰਸਾਇਣ ਵਿਗਿਆਨ ਓਲੰਪਿਆਡ ਵਿੱਚ ਵੀ ਭਾਗ ਲਿਆ ਹੈ। ਉਨ੍ਹਾਂ ਦੇ ਪਿਤਾ ਸਰਕਾਰੀ ਸਕੂਲ ਵਿੱਚ ਅਧਿਆਪਕ ਹਨ ਅਤੇ ਮਾਤਾ ਨਿੱਜੀ ਸਕੂਲ ਵਿੱਚ ਅਧਿਆਪਕਾ ਹਨ।
ਇਹ ਉਪਲੱਬਧੀ ਪੰਜਾਬ ਅਤੇ ਦੇਸ਼ ਦੇ ਹੋਰ ਵਿਦਿਆਰਥੀਆਂ ਲਈ ਪ੍ਰੇਰਣਾ ਬਣੇਗੀ ਅਤੇ ਦਰਸਾਉਂਦੀ ਹੈ, ਕਿ ਸਹੀ ਮਾਰਗਦਰਸ਼ਨ ਅਤੇ ਲਗਾਤਾਰ ਮਿਹਨਤ ਨਾਲ ਵੱਡੀਆਂ ਸਫਲਤਾਵਾਂ ਹਾਸਲ ਕੀਤੀਆਂ ਜਾ ਸਕਦੀਆਂ ਹਨ।
