05 ਅਪ੍ਰੈਲ (ਨਾਨਕ ਸਿੰਘ ਖੁਰਮੀ) ਦੇਸ ਪੰਜਾਬ ਬਿਊਰੋ: ਅੱਜ ਆਲ ਇੰਡੀਆ ਐਂਟੀ ਟੈਰੋਰਿਸਟ ਫਰੰਟ ਦੇ ਪ੍ਰਮੁੱਖ ਅਮਨ ਗਰਗ ਸੂਲਰ ਨੇ ਆਪਣੇ ਔਹਦੇਦਾਰਾਂ ਨਾਲ ਇੱਕ ਮੀਟਿੰਗ ਕੀਤੀ ਜਿਸ ਵਿਚ ਕਿਹਾ ਕਿ ਪੰਜਾਬ ਵਿੱਚ ਗੈਰ ਸਮਾਜਿਕ ਗੁੰਡਾ ਤੱਤ ਬਿਨਾਂ ਕਿਸੇ ਡਰ ਭੈਅ ਤੋਂ ਹਰ ਰੋਜ਼ ਕਤਲ, ਫ਼ਿਰੌਤੀਆਂ, ਲੁੱਟਾ ਖੋਹਾਂ ਅਤੇ ਰੰਗਦਾਰੀਆ ਵਰਗੀਆ ਵਾਰਦਾਤਾਂ ਨੂੰ ਅੰਜਾਮ ਦੇਕੇ ਪੰਜਾਬ ਦੇ ਮਾਹੌਲ ਵਿੱਚ ਅਸ਼ਾਂਤੀ ਫੈਲਾ ਕੇ ਖ਼ਰਾਬ ਕਰਨ ਵਿੱਚ ਲਗੇ ਹੋਏ ਹਨ ਪਿੱਛਲੇ ਕੁਝ ਦਿਨਾਂ ਵਿੱਚ ਹੋਈਆਂ ਘਟਨਾਵਾਂ ਦਾ ਜ਼ਿਕਰ ਕਰਦਿਆ ਗਰਗ ਨੇ ਕਿਹਾ ਕਿ ਇੰਨ ਗੁੰਡਾ ਅਨਸਰਾਂ ਦੇ ਮਨਾਂ ਵਿੱਚ ਕਾਨੂੰਨ ਨਾਂਅ ਦਾ ਕੋਈ ਡਰ ਨਹੀ ਹੈ ਇਹ ਗੁੰਡੇ ਸ਼ਰੇਆਮ ਬਾਜ਼ਾਰਾਂ ਵਿੱਚ ਹਥਿਆਰਾਂ ਸਮੇਤ ਘੁੰਮਦੇ ਹਨ ਅਤੇ ਜਿਸ ਨੂੰ ਚਾਹੁਣ ਅਪਣਾ ਸ਼ਿਕਾਰ ਬਣਾ ਲੈਂਦੇ ਹਨ ਜੋਕਿ ਬਹੁਤ ਗੰਭੀਰ ਚਿੰਤਾ ਦਾ ਵਿਸ਼ਾ ਹੈ।
ਗਰਗ ਸੂਲਰ ਨੇ ਕਿਹਾ ਕਿ ਅਜਿਹੇ ਹਾਲਾਤਾਂ ਨਾਲ ਨਿਪਟਣ ਲਈ ਉਸੇ ਓਪਰੇਸ਼ਨ ਤੇ ਮਾਪਦੰਡਾਂ ਦੀ ਜਰੂਰਤ ਹੈ ਜਿਸ ਨਾਲ ਪੰਜਾਬ ਵਿੱਚੋਂ ਅੱਤਵਾਦ ਖ਼ਤਮ ਕੀਤਾ ਗਿਆ ਸੀ ਕਿਉੰਕਿ ਮਜੂਦਾ ਸਥਿਤੀ ਅਨੁਸਾਰ ਇਹ ਗੁੰਡਾ ਤੱਤ ਕੰਟਰੋਲ ਵਿੱਚ ਨਹੀ ਆ ਰਹੇ ਇਨ੍ਹਾਂ ਤੇ ਲਗਾਮ ਪਾਉਣ ਲਈ ਪੰਜਾਬ ਸਰਕਾਰ ਨੂੰ ਪੁਲੀਸ ਦੇ ਹੱਥ ਬਿਲਕੁਲ ਖੋਲ ਦੇਣੇ ਚਾਹੀਦੇ ਹਨ ਕਿਉੰਕਿ ਇਹ ਉਹੀ ਪੁਲੀਸ ਹੈ ਜਿਸਨੇ ਅੱਤਵਾਦ ਨੂੰ ਸੌ ਡਿਗਰੀ ਤੋਂ ਲਿਆ ਕੇ ਜ਼ੀਰੋ ਡਿਗਰੀ ਤੇ ਖਤਮ ਕਰ ਦਿੱਤਾ ਸੀ ਇਸੀ ਤਰ੍ਹਾਂ ਅੱਜ ਦੇ ਸਮੇਂ ਦੀ ਹਾਇਟੈਕ ਇੰਟੈਲੀਜੈਂਸ ਤੇ ਹਾਇਟੈਕ ਹਥਿਆਰਾਂ ਨਾਲ ਲੈਸ ਪੰਜਾਬ ਪੁਲਸ ਇੰਨ ਸਮਾਜ ਵਿਰੋਧੀ ਅਨਸਰਾਂ ਨੂੰ ਮਿੱਟੀ ਵਿੱਚ ਮਿਲਾਉਣ ਦੇ ਬਿਲਕੁਲ ਸਮਰੱਥ ਹੈ। ਜਰੂਰਤ ਸਿਰਫ਼ ਪੁਲਸ ਨੂੰ ਖੁਲ੍ਹੀ ਛੁੱਟੀ ਦੇਣ ਤੇ ਇਨ੍ਹਾਂ ਦੇ ਬਜ਼ਟ ਵਿੱਚ ਵਾਧਾ ਕਰਨ ਦੀ ਹੈ। ਗਰਗ ਸੂਲਰ ਨੇ ਮੁੱਖ ਮੰਤਰੀ ਪੰਜਾਬ ਨੂੰ ਅਪੀਲ ਕੀਤੀ ਕਿ ਲੋਕਾਂ ਦੀ ਸੁਰੱਖਿਆ ਨੂੰ ਤਰਜ਼ੀਹ ਦੇਣਾ ਸਰਕਾਰ ਦਾ ਸਭ ਤੋਂ ਪਹਿਲਾ ਫ਼ਰਜ਼ ਹੈ ਇਸ ਲਈ ਬਿਨਾਂ ਕਿਸੇ ਦੇਰੀ ਸਪੈਸ਼ਲ ਆਪ੍ਰੇਸ਼ਨ ਚਲਵਾ ਕੇ ਸੂਬੇ ਦੀ ਹੱਦ ਵਿੱਚ ਘੁੰਮ ਰਹੇ ਸਾਰੇ ਗੁੰਡਾ ਅਨਸਰਾਂ ਨੂੰ ਢੇਰ ਕੀਤਾ ਜਾਣਾ ਚਾਹੀਦਾ ਹੈ, ਤਾਂ ਜੋ ਪੰਜਾਬ ਦੇ ਲੋਕ ਜਾਨੀ ਤੇ ਮਾਲੀ ਤੌਰ ਤੇ ਹਿਫ਼ਾਜਤ ਮਹਿਸੂਸ ਕਰ ਸਕਣ।
ਇਸ ਮੌਕੇ ਪੰਜਾਬ ਪ੍ਰਧਾਨ ਰਾਜ ਕੁਮਾਰ ਜਿੰਦਲ, ਜਨਰਲ ਚੇਅਰਪਰਸਨ ਮਹਿਲਾ ਵਿੰਗ ਮਿਸ ਸੀਮਾ ਭਾਰਗਵ ਤੇ ਜਿਲ੍ਹਾ ਪ੍ਰਧਾਨ ਸੋਮ ਨਾਥ ਤੇ ਹੋਰ ਸਖਸ਼ੀਅਤਾਂ ਮੌਜੂਦ ਸਨ।