ਬਠਿੰਡਾ,  7 ਸਤੰਬਰ
ਸਮਾਜ ਨੂੰ ਸੋਹਣਾ ਬਣਾਉਣ ਦੀ ਕੋਸ਼ਿਸ਼ ਹਰ ਸੁਹਿਰਦ , ਸੁਚੇਤ , ਜਾਗਰੂਕ ਅਤੇ ਅਗਾਂਹਵਧੂ ਇਨਸਾਨ ਦੀ ਹੁੰਦੀ ਹੈ, ਪ੍ਰੰਤੂ ਇਸ ਲਈ ਵੱਡੀ ਜੱਦੋ-ਜਹਿਦ ਕਰਨੀ ਪੈਂਦੀ ਹੈ। ਅਜਿਹੀ ਜਾਗਦੀ ਚੇਤਨਾ ਦੀ ਮਿਸਾਲ ਪਿੰਡ ਮੌੜ ਚੜ੍ਹਤ ਸਿੰਘ ਵਿੱਚ ਵੇਖਣ ਨੂੰ ਮਿਲੀ ਹੈ, ਓਥੇ ਕੁੱਝ ਅਗਾਂਹਵਧੂ ਨੌਜਵਾਨਾਂ ਨੇ ਸਮੂਹ ਪਿੰਡ ਵਾਸੀਆਂ ਦੇ ਸਹਿਯੋਗ ਨਾਲ ਓਥੋਂ ਦੇ ਸਰਕਾਰੀ ਮਿਡਲ ਸਕੂਲ ਦੇ ਵਿਦਿਆਰਥੀਆਂ ਲਈ ਠੰਡਾ ਪਾਣੀ ਪੀਣ ਲਈ ਵਾਟਰ ਕੂਲਰ ਦਾਨ ਦੇ ਕੇ ਇੱਕ ਵੱਖਰੀ ਮਿਸਾਲ ਪੈਦਾ ਕੀਤੀ ਹੈ। ਭੋਲ਼ੇ- ਭਾਲ਼ੇ ਨੰਨ੍ਹੇ ਬੱਚਿਆਂ ਦੇ ਹਿਰਦੇ ਠਾਰਨੇ ਸੱਚ ਦੀ ਭਾਲ ਦਾ ਹੀ ਇੱਕ ਕਦਮ ਹੈ। ਇਨ੍ਹਾਂ ਨੌਜਵਾਨਾਂ ਦੇ ਇਸ ਸੁਹਿਰਦ ਯਤਨ ਦੀ ਪਿੰਡ ਵਿੱਚ ਕਾਫ਼ੀ ਸ਼ਲਾਘਾ ਹੋ ਰਹੀ ਹੈ