ਮੈਡੀਕਲ ਪ੍ਰੈਕਟੀਸ਼ਨਰਾਂ ਨੇ ਪੰਜਾਬ ਦੇ ਸਮੂਹ ਡੀਸੀ ਸਾਹਿਬਾਨਾਂ ਰਾਹੀਂ ਭੇਜੇ ਸਰਕਾਰ ਨੂੰ ਚੇਤਾਵਨੀ ਪੱਤਰ।
25 ਤੱਕ ਟ੍ਰੇਨਿੰਗ ਸ਼ੁਰੂ ਨਾ ਕੀਤੀ,ਤਾਂ ਵਿੱਢਿਆ ਜਾਏਗਾ ਵੱਡਾ ਸੰਘਰਸ਼।
ਨਾਨਕ ਸਿੰਘ ਖੁਰਮੀ,ਮਾਨਸਾ, 19 ਨਵੰਬਰ: ਮੈਡੀਕਲ ਪ੍ਰੈਕਟੀਸ਼ਨਰਜ਼ ਐਸੋਸੀਏਸ਼ਨ ਪੰਜਾਬ ਰਜਿ: ਨੰਬਰ 295 ਮੁੱਖ ਦਫ਼ਤਰ ਨੇੜੇ ਟੀਵੀ ਟਾਵਰ ਬਠਿੰਡਾ ਦੀ ਸੂਬਾ ਕਮੇਟੀ ਦੇ ਸੱਦੇ ‘ਤੇ ਅੱਜ ਪੰਜਾਬ ਭਰ ਦੇ ਡੀਸੀ ਸਾਹਿਬਾਨਾਂ ਨੂੰ ਜ਼ਿਲਾ ਪੱਧਰੀ ਜਨਤਕ ਡੈਪੂਟੇਸ਼ਨ ਮਿਲਕੇ ਪੰਜਾਬ ਸਰਕਾਰ ਦੇ ਨਾਂ ਚੇਤਾਵਨੀ ਪੱਤਰ ਭੇਜੇ ਗਏ।
ਸੂਬਾ ਕਮੇਟੀ ਵੱਲੋਂ ਉਲੀਕੇ ਕਾਰਜ਼ ਤਹਿਤ ਅਤੇ ਸੂਬਾ ਪ੍ਰਧਾਨ ਧੰਨਾ ਮੱਲ ਗੋਇਲ, ਜਨਰਲ ਸਕੱਤਰ ਗੁਰਮੇਲ ਸਿੰਘ ਮਾਛੀਕੇ ਦੇ ਦਿਸ਼ਾ ਨਿਰਦੇਸ਼ਾਂ ਤਹਿਤ ਜ਼ਿਲ੍ਹਾ ਪ੍ਰਧਾਨ ਸੱਤ ਪਾਲ ਰਿਸ਼ੀ, ਚੇਅਰਮੈਨ ਰਘਵੀਰ ਚੰਦ ਅਕਲੀਆ, ਕੈਸ਼ੀਅਰ ਅਮਰੀਕ ਸਿੰਘ ਮਾਖਾ ਦੀ ਅਗਵਾਈ ਵਿੱਚ ਜ਼ਿਲ੍ਹਾ ਅਡੀਸ਼ਨਲ ਡਿਪਟੀ ਕਮਿਸ਼ਨਰ ਆਯੂਸ਼ ਗੋਇਲ ਰਾਹੀਂ ਮੁੱਖ ਮੰਤਰੀ ਦੇ ਨਾਂ ਚੇਤਾਵਨੀ ਪੱਤਰ ਭੇਜਿਆ ਗਿਆ। ਇਸ ਸਮੇਂ ਰਾਜਵਿੰਦਰ ਰਾਣਾ, ਨਗਰ ਕੌਂਸਲਰ ਅਰਪਿਤ ਚੌਧਰੀ, ਕ੍ਰਿਸ਼ਨ ਚੌਹਾਨ, ਪ੍ਰੇਮ ਸਾਗਰ ਭੋਲਾ, ਸੁਖਜੀਤ ਕੌਰ, ਮੋਨਾ ਰਾਣੀ, ਆਤਮਾ ਸਿੰਘ, ਭਗਵੰਤ ਸਮਾਉਂ ਅਤੇ ਵੱਖ ਵੱਖ ਕਿਸਾਨਾਂ,ਮਜ਼ਦੂਰਾਂ ਅਤੇ ਭਰਾਤਰੀ ਜਥੇਬੰਦੀਆਂ ਦੇ ਆਗੂਆਂ ਨੇ ਮੰਗਾਂ ਨਾਲ ਸਹਿਮਤੀ ਜਤਾਈ।
ਬਾਕਸ— ਕੀ ਹਨ ਮੰਗਾਂ—
ਸੂਬਾ ਪ੍ਰਧਾਨ ਧੰਨਾ ਮੱਲ ਗੋਇਲ ਨੇ ਦੱਸਿਆ ਕਿ ਪੰਜਾਬ ਦੇ ਡੇਢ ਲੱਖ ਅਨਰਜਿਸਟਰਡ ਮੈਡੀਕਲ ਪ੍ਰੈਕਟੀਸ਼ਨਰਾਂ ਨੂੰ ਕੰਮ ਕਰਨ ਦੇ ਕਾਨੂੰਨੀ ਅਧਿਕਾਰ ਦੀ ਮੰਗ ਨੂੰ ਲੈਕੇ ਪਿਛਲੇ ਲੰਮੇ ਸਮੇਂ ਤੋਂ ਸੰਘਰਸ਼ ਕੀਤਾ ਜਾ ਰਿਹਾ ਹੈ। ਸਰਕਾਰ ਨੇ ਉਹਨਾਂ ਦੀ ਮੰਗ ਨੂੰ ਜਾਇਜ਼ ਦੱਸਦੇ ਹੋਏ ਹੱਲ ਕਰਨ ਦੇ ਵਾਰ ਵਾਰ ਵਾਅਦੇ ਕੀਤੇ। ਪਰ ਕਿਸੇ ਨੇ ਵਾਦਾ ਪੂਰਾ ਨੀ ਕੀਤਾ। ਆਮ ਆਦਮੀ ਪਾਰਟੀ ਦੀ ਸਰਕਾਰ ਵੱਲੋਂ ਵੀ ਇਹ ਮਸਲਾ ਪਹਿਲ ਦੇ ਅਧਾਰ ‘ਤੇ ਹੱਲ ਕਰਨ ਦਾ ਵਾਦਾ ਕੀਤਾ ਗਿਆ ਸੀ।
ਇਸ ਸਮੇਂ ਮੌਜੂਦ ਗੁਰਨਾਮ ਸਿੰਘ ਕੋਟੜਾ, ਰਨਵੀਰ ਸਿੰਘ ਭੋਗਲ,ਜਸਵੰਤ ਸਿੰਘ ਦਲੇਲ ਸਿੰਘ ਵਾਲਾ, ਨਿਰਮਲ ਸਿੰਘ ਕਿਸ਼ਨਗੜ੍ਹ, ਅਵਤਾਰ ਸਿੰਘ ਖੱਤਰੀਵਾਲਾ, ਲਵਪ੍ਰੀਤ ਸਕਸੈਨਾ,ਹਰਬੰਸ ਸਿੰਘ ਬਰੇਟਾ,ਅਕਬਰ ਖਾਨ,ਅਮ੍ਰਿਤ ਪਾਲ ਅੰਬੀ,ਗੁਰਲਾਲ ਸਿੰਘ ਬੁਢਲਾਡਾ,ਲੱਖਾ ਸਿੰਘ, ਰਜਿੰਦਰ ਸਿੰਘ,ਗਗਨਦੀਪ ਸਿੰਘ,ਸੰਦੀਪ ਸਿੰਘ ਸ਼ਾਮਿਲ ਸਨ।
ਫੋਟੋ 4: ਮਾਨਸਾ ਚ ਅਡੀਸ਼ਨਲ ਡਿਪਟੀ ਕਮਿਸ਼ਨਰ ਨੂੰ ਚੇਤਾਵਨੀ ਪੱਤਰ ਦਿੰਦੇ ਸਮੇਂ ਆਗੂ।
