ਭੰਮੇ ਕਲਾਂ ਦੇ ਦਲਜੀਤ ਸਿੰਘ ਦੀ ਆਈ ਪੋਸਟਮਾਰਟਮ ਰਿਪੋਰਟ
ਕੀਤੇ ਕਈ ਗੰਭੀਰ ਸਵਾਲ ਖੜ੍ਹੇ- : ਮਾਨਿਕ ਗੋਇਲ
ਹੁਣ“ਯੁੱਧ ਨਸ਼ੇ ਵਿਰੁੱਧ” ਦੇ ਵੱਡੇ-ਵੱਡੇ ਦਾਅਵਿਆਂ ਦੇ ਬਾਵਜੂਦ ਸਾਡੇ ਪਿੰਡਾਂ ਦੀ ਇਹ ਹਕੀਕਤ ਕਿਉਂ ?
ਨਾਨਕ ਸਿੰਘ ਖੁਰਮੀ, ਮਾਨਸਾ 17 ਨਵੰਬਰ 26
ਭੰਮੇ ਕਲਾਂ ਦੇ ਦਲਜੀਤ ਸਿੰਘ ਦੀ ਪੋਸਟਮਾਰਟਮ ਰਿਪੋਰਟ ਨੇ ਕਈ ਗੰਭੀਰ ਕਈ ਸਵਾਲ ਖੜ੍ਹੇ ਕੀਤੇ ਹਨ, ਜਿਸ ਬਾਰੇ ਸਮਾਜ ਸੇਵੀ ਤੇ ਆਰਟੀਆਈ ਐਕਟੀਵਿਕਟਸ ਮਾਨਿਕ ਗੋਇਲ ਨੇ ਪੋਸਟ ਮਾਰਟਮ ਦੀ ਰਿਪੋਰਟ ਚ ਖੁਲਾਸੇ ਸਾਹਮਣੇ ਆਏ ਹਨ। ਜਿਸ ਤਹਿਤ
ਰਿਪੋਰਟ ਦੇ ਕੁਝ ਤੱਥ ਬੇਹੱਦ ਚਿੰਤਾਜਨਕ ਹਨ।
ਬਾਕਸ—ਜਿਵੇਂ ਕਿ ਪਿਸ਼ਾਬ ਦੀ ਜਾਂਚ ਵਿੱਚ ਦੋ ਤਰ੍ਹਾਂ ਦੇ ਨਸ਼ੀਲੇ ਪਦਾਰਥ ਪਾਜ਼ਿਟਿਵ..
ਰਿਪੋਰਟ ਮੁਤਾਬਕ ਮ੍ਰਿਤਕ ਦੇ ਪਿਸ਼ਾਬ ਦੀ ਮੁੱਢਲੀ ਡਰੱਗ ਸਕ੍ਰੀਨਿੰਗ ਵਿੱਚ ਮਾਰਫਿਨ ਅਤੇ ਬੈਜੋਂਡੀਆਜਪਿੰਜ ਦੋਵੇਂ ਪਾਜ਼ਿਟਿਵ ਪਾਏ ਗਏ ਹਨ। ਮਾਰਫਿਨ ਕਿਸ ਨਸ਼ੇ ਵਿੱਚੋਂ ਮਿਲਿਆ ਇਹ ਵਿਸਰਾ ਰਿਪੋਰਟ ਵਿੱਚੋ ਪਤਾ ਲੱਗਣਾ ਹੈ। ਚਿੱਟਾ, ਅਫੀਮ ਅਤੇ ਹੋਰ ਕੋਈ ਵੀ ਹੋ ਸਕਦਾ। ਬੈਜੋਂਡੀਆਜਪਿੰਜ ਦਵਾਈਆਂ ਦੀ ਉਹ ਸ਼੍ਰੇਣੀ ਹੈ ਜੋ ਨੀਂਦ ਅਤੇ ਬੇਹੋਸ਼ੀ ਪੈਦਾ ਕਰ ਸਕਦੀ ਹੈ ਐਲਪਰਕਸ ਵਗੈਰਾ।
ਇਨ੍ਹਾਂ ਦੋਵਾਂ ਦਾ ਇਕੱਠਾ ਪ੍ਰਭਾਵ ਸਾਹ ਲੈਣ ਦੀ ਪ੍ਰਕਿਰਿਆ ਨੂੰ ਖ਼ਤਰਨਾਕ ਹੱਦ ਤੱਕ ਪ੍ਰਭਾਵਿਤ ਕਰ ਸਕਦਾ ਹੈ।
ਬਾਕਸ-ਦੋਵਾਂ ਬਾਹਾਂ ’ਤੇ ਚਾਰ ਤਾਜ਼ੇ ਪੰਕਚਰ ਨਿਸ਼ਾਨ।
ਪੋਸਟਮਾਰਟਮ ਰਿਪੋਰਟ ਦਾ ਸਭ ਤੋਂ ਅਹਿਮ ਨੁਕਤਾ ਇਹ ਹੈ ਕਿ ਡਾਕਟਰਾਂ ਨੇ ਸੱਜੀ ਬਾਂਹ ਦੀ ਕੂਹਣੀ ਦੇ ਅੰਦਰਲੇ ਹਿੱਸੇ ਵਿੱਚ ਇੱਕ ਅਤੇ ਖੱਬੀ ਬਾਂਹ ਦੇ ਉਸੇ ਹਿੱਸੇ ਵਿੱਚ ਤਿੰਨ ਤਾਜ਼ੇ ਪੰਕਚਰ ਨਿਸ਼ਾਨ ਦਰਜ ਕੀਤੇ ਹਨ। ਇਹ ਉਹ ਥਾਵਾਂ ਹਨ ਜਿੱਥੇ ਆਮ ਤੌਰ ’ਤੇ ਨਾੜੀ ਰਾਹੀਂ ਟੀਕਾ ਲਗਾਇਆ ਜਾਂਦਾ ਹੈ। ਸੋ ਟੀਕੇ ਰਾਹੀ ਨਸ਼ਾ ਲਏ ਹੋਣ ਦੀ ਸੰਭਾਵਨਾ ਵਧ ਗਈ ਹੈ। ਇਸ ਤੋਂ ਵੀ ਅਹਿਮ ਗੱਲ ਇਹ ਹੈ ਕਿ ਡਾਕਟਰਾਂ ਨੇ ਇਨ੍ਹਾਂ ਪੰਕਚਰ ਨਿਸ਼ਾਨਾਂ ਦੇ ਹੇਠਾਂ ਮੌਜੂਦ ਨਾੜੀਆਂ ਨੂੰ ਛੂਹਣ ’ਤੇ ਸਖ਼ਤ ਪਾਇਆ ਹੈ। ਨਾੜੀਆਂ ਦਾ ਸਖ਼ਤ ਹੋਣਾ ਵਾਰ-ਵਾਰ ਸੂਈ ਲੱਗਣ, ਸੋਜ ਜਾਂ ਖੂਨ ਦੇ ਥੱਬੇ ਬਣਨ ਵਰਗੀਆਂ ਸਥਿਤੀਆਂ ਵਿੱਚ ਹੋ ਸਕਦਾ ਹੈ। ਇਹ ਤੱਥ ਸੰਭਾਵਿਤ ਇੰਜੈਕਸ਼ਨ ਰਾਹੀਂ ਨਸ਼ਾ ਲੈਣ ਦੀ ਸੰਭਾਵਨਾ ਦੀ ਜਾਂਚ ਨੂੰ ਹੋਰ ਮਹੱਤਵਪੂਰਨ ਬਣਾਉਂਦੇ ਹਨ। ਮ੍ਰਿਤਕ ਦੇ ਮਾਪਿਆਂ ਨੇ ਵੀ ਦੋਸ਼ ਲਗਾਇਆ ਹੈ ਕਿ ਉਨ੍ਹਾਂ ਦੇ ਪੁੱਤਰ ਦੀ ਮੌਤ ਚਿੱਟੇ ਦਾ ਟੀਕਾ ਲਗਾਉਣ ਕਾਰਨ ਹੋਏ ਓਵਰਡੋਜ਼ ਨਾਲ ਹੋਈ ਹੈ।
ਬਾਕਸ – ਫੇਫੜਿਆਂ ਵਿੱਚ ਗੰਭੀਰ ਦਿੱਕਤਾਂ…
ਫੇਫੜਿਆਂ ਵਿੱਚ ਕਈ ਛੋਟੇ ਅੰਦਰੂਨੀ ਖੂਨ ਦੇ ਰਿਸਾਅ ਵੀ ਮਿਲੇ ਹਨ। ਮ੍ਰਿਤਕ ਦੇ ਬੁੱਲ੍ਹ ਅਤੇ ਨਹੁੰ ਨੀਲੇ ਪਾਏ ਗਏ, ਜਿਸ ਨੂੰ ਮੈਡੀਕਲ ਭਾਸ਼ਾ ਵਿੱਚ ਇੱਕ ਅਜਿਹੀ ਡਾਕਟਰੀ ਸਥਿਤੀ ਹੈ ਜਿਸ ਵਿੱਚ ਸਰੀਰ ਦੇ ਖੂਨ ਵਿੱਚ ਆਕਸੀਜਨ ਦੀ ਮਾਤਰਾ ਘੱਟ ਹੋਣ ਕਾਰਨ ਚਮੜੀ, ਬੁੱਲ੍ਹਾਂ ਜਾਂ ਨਹੁੰਆਂ ਦਾ ਰੰਗ ਨੀਲਾ ਜਾਂ ਜਾਮਨੀ ਪੈ ਜਾਂਦਾ ਹੈ। ਇਹ ਆਪਣੇ ਆਪ ਵਿੱਚ ਕੋਈ ਬਿਮਾਰੀ ਨਹੀਂ ਹੈ, ਸਗੋਂ ਸਰੀਰ ਵਿੱਚ ਕਿਸੇ ਅੰਦਰੂਨੀ ਸਮੱਸਿਆ (ਜਿਵੇਂ ਫੇਫੜਿਆਂ ਜਾਂ ਦਿਲ ਦੀ ਬਿਮਾਰੀ) ਦਾ ਇੱਕ ਸੰਕੇਤ ਹੈ। ਕਿਹਾ ਜਾਂਦਾ ਹੈ। ਨੱਕ ਉੱਪਰ ਸੁੱਕੀ ਝੱਗ ਵੀ ਦਰਜ ਕੀਤੀ ਗਈ ਹੈ।
ਇਹ ਨਿਸ਼ਾਨੀਆਂ ਸਾਹ ਲੈਣ ਦੀ ਗੰਭੀਰ ਸਮੱਸਿਆ ਅਤੇ ਸਰੀਰ ਵਿੱਚ ਆਕਸੀਜਨ ਦੀ ਘਾਟ ਨਾਲ ਸੰਬੰਧਿਤ ਹੋ ਸਕਦੀਆਂ ਹਨ। ਓਪੀਔਇਡ ਓਵਰਡੋਜ਼ ਵਿੱਚ ਸਾਹ ਦੀ ਪ੍ਰਕਿਰਿਆ ਪ੍ਰਭਾਵਿਤ ਹੋ ਸਕਦੀ ਹੈ। ਪਰ ਅਸਲ ਕਾਰਨ ਵਿਸਰਾ ਕੈਮੀਕਲ ਰਿਪੋਰਟ ਵਿੱਚ ਹੀ ਪਤਾ ਲੱਗਣਾ
ਬਾਕਸ–ਸਰੀਰ ਦੇ ਹੋਰ ਅੰਗਾਂ ਵਿੱਚ ਵੀ ਖੂਨ ਦੀ ਜਮਾਵਟ।
ਰਿਪੋਰਟ ਵਿੱਚ ਦਿਮਾਗ, ਜਿਗਰ, ਤਿੱਲੀ, ਪੈਨਕ੍ਰੀਅਸ ਅਤੇ ਦੋਵਾਂ ਗੁਰਦਿਆਂ ਵਿੱਚ ਵੀ ਕੌਂਜੀਸਟਨ ਦਰਜ ਕੀਤਾ ਗਿਆ ਹੈ।
ਪੇਟ ਵਿੱਚ ਲਗਭਗ 30 ਮਿਲੀਲੀਟਰ ਭੂਰੇ ਰੰਗ ਦਾ ਤਰਲ ਪਦਾਰਥ ਮਿਲਿਆ ਅਤੇ ਪੇਟ ਦੀ ਅੰਦਰੂਨੀ ਪਰਤ ਵਿੱਚ ਖੂਨ ਦੀ ਜਮਾਵਟ ਅਤੇ ਕੁਝ ਥਾਵਾਂ ’ਤੇ ਖੂਨ ਦੇ ਰਿਸਾਅ ਦਰਜ ਕੀਤੇ ਗਏ ਹਨ।ਇਹ ਸਾਰੇ ਤੱਥ ਮੈਡੀਕਲ ਜਾਂਚ ਵਿੱਚ ਮਹੱਤਵ ਰੱਖਦੇ ਹਨ।
ਬਾਕਸ–ਸਰੀਰ ’ਤੇ ਅੱਠ ਹੋਰ ਬਾਹਰੀ ਸੱਟਾਂ ਵੀ ਦਰਜ
ਪੋਸਟਮਾਰਟਮ ਵਿੱਚ ਨੱਕ, ਦੋਵਾਂ ਬਾਹਾਂ, ਪਿੱਠ ਅਤੇ ਖੱਬੇ ਪੈਰ ’ਤੇ ਕੁੱਲ ਅੱਠ ਬਾਹਰੀ ਸੱਟਾਂ ਦਰਜ ਕੀਤੀਆਂ ਗਈਆਂ ਹਨ, ਜਿਨ੍ਹਾਂ ਵਿੱਚ ਨੀਲ ਅਤੇ ਚਮੜੀ ਦੇ ਛਿੱਲਣ ਵਾਲੇ ਨਿਸ਼ਾਨ ਸ਼ਾਮਲ ਹਨ।ਇਨ੍ਹਾਂ ਸੱਟਾਂ ਦੇ ਕਾਰਨਾਂ ਅਤੇ ਹਾਲਾਤਾਂ ਦੀ ਵੀ ਜਾਂਚ ਹੋਣੀ ਚਾਹੀਦੀ ਹੈ।
ਬਾਕਸ- ਸਭ ਤੋਂ ਵੱਡਾ ਸਵਾਲ ਸਰਕਾਰ ਅਤੇ ਜਾਂਚ ਏਜੰਸੀਆਂ ਨੂੰ।
ਜਦੋਂ ਇੱਕ ਨੌਜਵਾਨ ਦੀ ਮੌਤ ਦੇ ਮਾਮਲੇ ਵਿੱਚ ਨਸ਼ੀਲੇ ਪਦਾਰਥਾਂ ਦੀ ਮੁੱਢਲੀ ਸਕ੍ਰੀਨਿੰਗ ਪਾਜ਼ਿਟਿਵ ਆਉਂਦੀ ਹੈ, ਦੋਵਾਂ ਬਾਹਾਂ ’ਤੇ ਚਾਰ ਤਾਜ਼ੇ ਟੀਕਾ ਲਾਉਣ ਵਰਗੇ ਨਿਸ਼ਾਨ ਮਿਲਦੇ ਹਨ, ਟੀਕੇ ਦੇ ਨਿਸ਼ਾਨਾਂ ਹੇਠ ਨਾੜੀਆਂ ਸਖ਼ਤ ਪਾਈਆਂ ਜਾਂਦੀਆਂ ਹਨ ਅਤੇ ਫੇਫੜਿਆਂ ਵਿੱਚ ਗੰਭੀਰ ਅਸਾਧਾਰਨਤਾ ਹੈ, ਤਾਂ ਇਸ ਮਾਮਲੇ ਦੀ ਜਾਂਚ ਸਿਰਫ਼ ਇੱਕ ਆਮ ਮੌਤ ਦੀ ਜਾਂਚ ਬਣ ਕੇ ਨਹੀਂ ਰਹਿ ਸਕਦੀ… ਜਾਂ ਇਹ ਨਹੀਂ ਕਿਹਾ ਜਾ ਸਕਦਾ ਕਿ ਇਹ ਇੱਕ ਕਤਲ ਹੈ।
ਭਗਵੰਤ ਮਾਨ ਸਰਕਾਰ ਨੂੰ ਵੱਡਾ ਸਵਾਲ-
Box =ਹੁਣ “ਯੁੱਧ ਨਸ਼ੇ ਵਿਰੁੱਧ” ਦੇ ਵੱਡੇ-ਵੱਡੇ ਦਾਅਵਿਆਂ ਦੇ ਬਾਵਜੂਦ ਸਾਡੇ ਪਿੰਡਾਂ ਦੀ ਇਹ ਹਕੀਕਤ ਕਿਉਂ ?
ਨਸ਼ਾ ਵਿਰੋਧੀ ਮੁਹਿੰਮ ਸਿਰਫ਼ ਮੀਟਿੰਗਾਂ, ਇਸ਼ਤਿਹਾਰਾਂ, ਰੈਲੀਆਂ ਅਤੇ ਅੰਕੜਿਆਂ ਤੱਕ ਸੀਮਤ ਨਹੀਂ ਹੋ ਸਕਦੀ। ਇਸ ਦੀ ਸਫ਼ਲਤਾ ਦਾ ਪੈਮਾਨਾ ਇਹ ਹੋਣਾ ਚਾਹੀਦਾ ਹੈ ਕਿ ਨਸ਼ਾ ਪਿੰਡਾਂ ਤੱਕ ਪਹੁੰਚਣਾ ਬੰਦ ਹੋਵੇ, ਸਪਲਾਈ ਨੈੱਟਵਰਕ ਟੁੱਟਣ ਅਤੇ ਨੌਜਵਾਨਾਂ ਦੀਆਂ ਜਾਨਾਂ ਬਚਣ.. ਇਸ ਰਿਪੋਰਟ ਤੋਂ ਤੇ ਸਾਫ ਲੱਗ ਰਿਹਾ ਕਿ ਮਾਨਸਾ ਵਿੱਚ ਝੋਟੇ ਦੇ ਕਤਲ ਕਾਰਨ ਸਖਤੀ ਹੋਣ ਦੇ ਬਾਵਜੂਦ ਨਸ਼ਾ ਆਮ ਮਿਲ ਰਿਹਾ ਸੀ। ਉਮੀਦ ਹੈ FSL ਦੀ ਪੂਰੀ ਕੈਮੀਕਲ ਐਨਾਲਿਸਿਸ ਰਿਪੋਰਟ ਜਲਦ ਪ੍ਰਾਪਤ ਕੀਤੀ ਜਾਵੇਗੀ ਅਤੇ ਉਸ ਦੇ ਨਤੀਜੇ ਜਨਤਕ ਕੀਤੇ ਜਾਣਗੇ । ਨਾਲ ਹੀ ਏਮਸ ਦੇ ਮੈਡੀਕਲ ਬੋਰਡ ਤੋਂ ਮੌਤ ਦੇ ਅਸਲ ਕਾਰਨ ਬਾਰੇ ਵਿਸਥਾਰਪੂਰਵਕ ਸਪਲੀਮੈਂਟਰੀ ਰਾਏ ਲਈ ਜਾਵੇਗੀ। ਨਸ਼ਾ ਤਾਂ ਸ਼ਰੀਰ ਵਿੱਚ ਮਿਲ ਗਿਆ ਹੈ। ਅੱਗੇ ਵੀ ਪਤਾ ਲੱਗੇ ਪੂਰੀ ਤਰ੍ਹਾਂ… ਬਾਕੀ ਪੀਜੀਆਈ ਦੀ ਪੋਸਟ ਮਾਰਟਮ ਰਿਪੋਰਟ ਵੀ ਆ ਜਾਣੀ ਹੈ ਜਲਦੀ।
