ਅਮਰਿੰਦਰਪਾਲ ਸਿੰਘ ਦੀ ਸੀਨੀਅਰ ਭਾਰਤੀ ਵਾਲੀਬਾਲ ਟੀਮ ਵਿੱਚ ਚੋਣ ਹੋਣ ਉਪਰੰਤ ਡੀ.ਵੇ.ਵੀ. ਸਕੂਲ ਵਿੱਚ ਖੁਸ਼ੀ ਦਾ ਮਾਹੌਲ
ਲ਼ਹਿਰਾਗਾਗਾ 23 ਜੂਨ (ਬੂਟਾ ਸਿੰਘ ਬੈਂਸ ਭੂਟਾਲ) – ਡਾ ਦੇਵ ਰਾਜ ਡੀ.ਈ.ਵੀ. ਸੀਨੀ. ਸੈਕੰ. ਪਬਲਿਕ ਸਕੂਲ ਖਾਈ/ਲਹਿਰਾਗਾਗਾ ਵਿੱਚੋਂ ਸਿੱਖਿਆ ਗ੍ਰਹਿਣ ਕਰ ਚੁੱਕੇ ਲਹਿਰਾਗਾਗਾ ਦੇ ਨਜ਼ਦੀਕੀ ਪਿੰਡ ਲਹਿਲ ਖੁਰਦ ਦੇ ਵਸਨੀਕ ਅਮਰਿੰਦਰਪਾਲ ਸਿੰਘ ਸਪੁੱਤਰ ਸ੍ਰ. ਜਗਦੇਵ ਸਿੰਘ ਦੀ ਸੀਨੀਅਰ ਭਾਰਤੀ ਵਾਲੀਬਾਲ ਦੀ ਟੀਮ ਵਿੱਚ ਚੋਣ ਹੋਣ ਤੇ ਸਕੂਲ ਵਿੱਚ ਖੁਸ਼ੀ ਦਾ ਕੋਈ ਠਿਕਾਣਾ ਨਹੀਂ ਰਿਹਾ । ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਸਕੂਲ ਦੇ ਪ੍ਰਧਾਨ ਲਕਸ਼ਮੀਕਾਂਤ ਖੋਖਰ (ਲੱਕੀ ਖੋਖਰ), ਮੈਨੇਜਿੰਗ ਡਾਇਰੈਕਟਰ ਪ੍ਰਵੀਨ ਖੋਖਰ, ਕਾਨੂੰਨੀ ਸਲਾਹਕਾਰ ਐਡਵੋਕੇਟ ਅਨਿਰੁੱਧ ਕੋਸ਼ਲ, ਪਿੰ੍ਰਸੀਪਲ ਦੇਵ ਪਰਾਸ਼ਰ ਨੇ ਦੱਸਿਆ ਕਿ ਅਮਰਿੰਦਰਪਾਲ ਸਿੰਘ, ਜਿਹੜਾ ਕਿ ਇਸ ਸਕੂਲ ਵਿੱਚੋਂ ਸਿੱਖਿਆ ਗ੍ਰਹਿਣ ਕਰਕੇ ਆਪਣੇ ਸੁਨਿਹਰੇ ਭਵਿੱਖ ਨੂੰ ਰੁਸ਼ਨਾਉਣ ਲਈ ਅਗਲੇਰੀ ਪੜ੍ਹਾਈ ਲਈ ਗਿਆ ਹੈ, ਆਪਣ ਸਕੂਲ ਸਿੱਖਿਆ ਦੌਰਾਨ ਜਿੱਥੇ ਉਹ ਹੁਸ਼ਿਆਰ, ਆਗਿਆਕਾਰ ਰਿਹਾ ਹੈ ਉੱਥੇ ਉਹ ਆਪਣੀ ਮਾਂ ਖੇਡ ਵਾਲੀਬਾਲ ਦਾ ਸਰਵੋਤਮ ਖਿਡਾਰੀ ਰਿਹਾ ਹੈ । ਆਪਣੇ ਇਸ ਕਾਰਜਕਾਰਲ ਦੌਰਾਨ ਸਕੂਲ ਦੀ ਵਾਲੀਬਾਲ ਦੀ ਟੀਮ ਨੇ ਅਹਿਮ ਪ੍ਰਾਪਤੀਆਂ ਵੀ ਕੀਤੀਆਂ । ਉਨਾਂ੍ਹ ਦੱਸਿਆ ਕਿ ਸਕੂਲ ਪਰਿਵਾਰ ਲਈ ਹੀ ਨਹੀਂ ਸਗੋਂ ਇਲਾਕੇ ਲਈ ਇਹ ਇੱਕ ਮਾਣ ਵਾਲੀ ਗੱਲ ਹੈ ।
ਡੀ.ਏ.ਵੀ. ਸਕੂਲ ਵਿੱਚੋਂ ਸਿੱਖਿਆ ਗ੍ਰਹਿਣ ਕਰਨ ਵਾਲੇ ਇਸ ਵਿਦਿਆਰਥੀ ਅਤੇ ਖਿਡਾਰੀ ਦੇ ਸੀਨੀਅਰ ਭਾਰਤੀ ਵਾਲੀਬਾਲ ਟੀਮ ਵਿੱਚ ਚੋਣ ਹੋਣ ‘ਤੇ ਪੰਜਾਬ ਦੇ ਮੁੱਖ ਮੰਤਰੀ ਸ੍ਰ. ਭਗਵੰਤ ਸਿੰਘ ਮਾਨ ਅਤੇ ਉਨਾਂ੍ਹ ਦੇ ਓ.ਐੱਸ.ਡੀ. ਸ੍ਰ. ਸੁਖਵੀਰ ਸਿੰਘ ਸੁੱਖੀ, ਪੰਜਾਬ ਦੇ ਵਿੱਤ ਮੰਤਰੀ ਸ੍ਰ. ਹਰਪਾਲ ਸਿੰਘ ਚੀਮਾਂ, ਕੈਬਨਿਟ ਮੰਤਰੀ ਐਡਵੋਕੇਟ ਬਰਿੰਦਰ ਗੋਇਲ, ਕੈਬਨਿਟ ਮੰਤਰੀ ਸ਼੍ਰੀ ਅਮਨ ਅਰੌੜ੍ਹਾ, ਪੰਜਾਬ ਦੀ ਸਾਬਕਾ ਮੁੱਖ ਮੰਤਰੀ ਬੀਬੀ ਰਾਜਿੰਦਰ ਕੌਰ ਭੱਠਲ, ਪੰਜਾਬ ਦੇ ਸਾਬਕਾ ਸਿੱਖਿਆ ਮੰਤਰੀ ਸ਼੍ਰੀ ਵਿਜੈਇੰਦਰ ਸਿੰਗਲਾ, ਪੰਜਾਬ ਦੇ ਸਾਬਕਾ ਵਿੱਤ ਮੰਤਰੀ ਸ੍ਰ. ਪਰਮਿੰਦਰ ਸਿੰਘ ਢੀਂਡਸਾ, ਸਾਬਕਾ ਮੈਂਬਰ ਪਾਰਲੀਮੈਂਟ ਸ੍ਰ. ਸਿਮਰਨਜੀਤ ਸਿੰਘ ਮਾਨ, ਭਾਰਤੀ ਜਨਤਾ ਪਾਰਟੀ ਦੇ ਸੁਬਾਈ ਪ੍ਰਧਾਨ ਕੇਵਲ ਸਿੰਘ ਢਿੱਲੋਂ, ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਦੇ ਸੀਨੀ. ਆਗੂ ਐਡਵੋਕੇਟ ਗਗਨਦੀਪ ਸਿੰਘ ਖੰਡੇਬਾਦ ਆਦਿ ਸਮੇਤ ਹੌਰਨਾਂ ਵੱਖ-ਵੱਖ ਰਾਜਨੀਤਿਕ ਪਾਰਟੀਆਂ ਦੇ ਨੇਤਾਵਾਂ, ਧਾਰਮਿਕ ਅਤੇ ਸਮਾਜਿਕ ਸਖਸ਼ੀਅਤਾਂ ਨੇ ਖੇਡਾਂ ਦੇ ਖੇਤਰ ਵਿੱਚ ਸਕੂਲ ਦੀ ਸ਼ਾਨਾਮੱਤੀ ਪ੍ਰਾਪਤੀ ‘ਤੇ ਸਕੂਲ ਪਰਿਵਾਰ ਅਤੇ ਅਮਰਿੰਦਰਪਾਲ ਸਿੰਘ ਦੇ ਪਰਿਵਾਰ ਨੂੰ ਮੁਬਾਰਕਬਾਦ ਦਿੰਦਿਆਂ ਕਿਹਾ ਕਿ ਇਹ ਸਾਡੇ ਸਭਨਾਂ ਲਈ ਮਾਣ ਵਾਲੀ ਗੱਲ ਹੈ ।
ਜ਼ਿਕਰਯੋਗ ਗੱਲ ਇਹ ਵੀ ਹੈ ਕਿ ਅਮਰਿੰਦਰਪਾਲ ਸਿੰਘ ਇਸ ਸਮੇਂ ਗੁਜ਼ਰਾਤ ਦੇ ਅਹਿਮਦਾਬਾਦ ਵਿਖੇ ਚੱਲ ਰਹੇ ਏ.ਵੀ.ਸੀ. (ਏਸ਼ੀਅਨ ਵਾਲੀਬਾਲ ਕਾਨਫੈਡਰੇਸ਼ਨ) ਵਿੱਚ ਭਾਰਤੀ ਟੀਮ ਦੇ ਨੁਮਾਇੰਦਗੀ ਕਰ ਰਹੇ ਹਨ ਜਿਹੜਾ ਕਿ ਸਕੂਲ ਪਰਿਵਾਰ ਅਤੇ ਪਿੰਡ, ਜ਼ਿਲਾ ਸੰਗਰੂਰ ਅਤੇ ਪੰਜਾਬ ਲਈ ਇੱਕ ਮਾਣ ਵਾਲੀ ਗੱਲ ਹੈ । ਇੱਥੇ ਦਿਲਚੱਸਪ ਵਾਲੀ ਗੱਲ ਇਹ ਵੀ ਹੈ ਕਿ ਉਨਾਂ੍ਹ ਨੇ ਜਨਵਰੀ 2026 ਵਿੱਚ ਸੀਨੀਅਰ ਨੈਸ਼ਨਲ ਵਾਲੀਬਾਲ ਚੈਂਪੀਅਨਸ਼ਿਪ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਬਰਾਊਨ ਮੈਡਲ ਜਿੱਤ ਕੇ ਸਭਨਾਂ ਦੇ ਨਾਮ ਨੂੰ ਚਾਰ ਚੰਨ੍ਹ ਲਾਏ ਸਨ ।
ਕੈਪਸ਼ਨ: – ਅਮਰਿੰਦਰਪਾਲ ਸਿੰਘ ।
