ਭੀਖੀ – 15 ਮਈ

ਮੁੱਖ ਮੰਤਰੀ , ਮਾਵਾਂ – ਧੀਆਂ ਸਤਿਕਾਰ ਯੋਜਨਾ ਤਹਿਤ ਅੱਜ ਮਾਨਸਾ ਜ਼ਿਲ੍ਹੇ ਦੇ ਪਿੰਡ ਹੋਡਲਾ ਕਲਾਂ ਵਿਖੇ ‘ ਸਖੀ ‘ ਔਰਤ ਵਰਕਰਾਂ ਵੱਲੋਂ ਸਥਾਨਕ ਆਂਗਨਵਾੜੀ ਸੈਂਟਰਾਂ ਵਿੱਚੋਂ ਆਂਗਨਵਾੜੀ ਵਰਕਰਾਂ ਦੀ ਰਹਿਨੁਮਾਈ ਹੇਠ ਔਰਤਾਂ ਨੂੰ ਮਿਲਣ ਵਾਲੇ 1000 ਰੁਪਏ ਵਾਲੀ ਸਕੀਮ ਤਹਿਤ ਰਜਿਸਟਰੇਸ਼ਨ ਕਰਨ ਦੀ ਪ੍ਰਕਿਰਿਆ ਸ਼ੁਰੂ ਕੀਤੀ ਗਈ। ਆਂਗਨਵਾੜੀ ਵਰਕਰ ਰਵਿੰਦਰ ਕੌਰ , ਕੁਲਜਿੰਦਰ ਕੌਰ ਅਤੇ ਬਲਜੀਤ ਕੌਰ ਨੇ ਦੱਸਿਆ ਕਿ ਸਰਕਾਰ ਵੱਲੋਂ ਪਿੰਡ ਵਿੱਚ ਰੱਖੀਆਂ ਗਈਆਂ ਕੁੱਲ 20 ‘ ਸਖੀ ‘ ਵਰਕਰ ਪਿੰਡ ਵਿੱਚ ਘਰ – ਘਰ ਜਾਕੇ ਇਹ ਫਾਰਮ ਭਰਨਗੇ । ਉਨਾਂ ਦੱਸਿਆ ਕਿ ਜਿਹਨਾਂ ਲੜਕੀਆਂ ਦੀ ਸ਼ਾਦੀ ਹੋ ਚੁੱਕੀ ਹੈ , ਉਹ ਪੇਕੇ ਜਾ ਸਹੁਰੇ ਜਿੱਥੇ ਉਹਨਾਂ ਦੀ ਵੋਟ ਹੈ , ਇੱਕੋ ਜਗ੍ਹਾ ਉੱਤੇ ਹੀ ਆਪਣੀ ਰਜਿਸਟਰੇਸ਼ਨ ਕਰਵਾਉਣ। ਸਿਰਫ ਸਰਕਾਰੀ ਮੁਲਾਜ਼ਮਾਂ (ਸੇਵਾਮੁਕਤ ਸਮੇਤ), ਇਨਕਮ ਟੈਕਸ ਭਰਨ ਵਾਲੀਆਂ, ਅਤੇ ਸਿਆਸੀ ਆਗੂਆਂ (ਜਿਵੇਂ ਮੰਤਰੀ, ਸਾਬਕਾ ਮੰਤਰੀ, ਵਿਧਾਇਕ ਜਾਂ ਉਨ੍ਹਾਂ ਦੇ ਪਤੀ) ਦੀਆਂ ਔਰਤਾਂ ਨੂੰ ਹੀ ਇਸ ਸਕਿਮ ਵਿੱਚੋਂ ਬਾਹਰ ਰੱਖਿਆ ਗਿਆ ਹੈ |