ਮਾਨਸਾ 26 ਮਈ

– ਅੱਜ ਪੈਨਸ਼ਨਰ ਐਸੋਸ਼ੀਏਸ਼ਨ ਪਾਵਰਕਾਮ ਮਾਨਸਾ ਵੱਲੋਂ ਇੱਕ ਹੰਗਾਮੀ ਮੀਟਿੰਗ ਪੈਨਸ਼ਨਰ ਦਫਤਰ ਨੇੜੇ ਬੱਸ ਸਟੈਂਡ ਮਾਨਸਾ ਵਿਖੇ ਮੰਡਲ ਪ੍ਰਧਾਨ ਲਖਨ ਲਾਲ ਦੀ ਪ੍ਰਧਾਨਗੀ ਹੇਠ ਹੋਈ। ਜਿਸ ਵਿੱਚ ਸਰਕਲ ਸੀਨੀਅਰ ਮੀਤ ਪ੍ਰਧਾਨ ਜਗਰਾਜ ਸਿੰਘ ਰੱਲਾ, ਸੂਬਾ ਮੀਤ ਪ੍ਰਧਾਨ ਅਮਰਜੀਤ ਸਿੱਧੂ ਵਿਸ਼ੇਸ਼ ਤੌਰ ਤੇ ਸ਼ਾਮਲ ਹੋਏ। ਅੱਜ ਦੀ ਇਸ ਮੀਟਿੰਗ ਸਬੰਧੀ ਮੰਡਲ ਸਕੱਤਰ ਦਰਸ਼ਨ ਸਿੰਘ ਜੋਗਾ ਨੇ ਪ੍ਰੈੱਸ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਸ ਮੀਟਿੰਗ ਵਿੱਚ ਪੈਨਸ਼ਨਰ ਐਸੋਸ਼ੀਏਸ਼ਨ ਅਜ਼ਾਦ ਗਰੁੱਪ ਦੇ ਵਰਕਰ ਵੱਡੀ ਗਿਣਤੀ ਵਿੱਚ ਜਥੇਬੰਦੀ ਨੂੰ ਅਲਵਿਦਾ ਆਖ ਕੇ ਪੈਨਸ਼ਨਰ ਐਸੋਸ਼ੀਏਸ਼ਨ ਪਾਵਰਕਾਮ ਵਿੱਚ ਸ਼ਾਮਲ ਹੋ ਗਏ ਹਨ। ਜਿੰਨ੍ਹਾਂ ਨੂੰ ਮੰਡਲ ਕਮੇਟੀ, ਸਰਕਲ ਅਤੇ ਸੂਬਾ ਆਗੂਆਂ ਨੇ ਸ਼ਾਮਲ ਹੋਏ ਸਾਥੀਆਂ ਦੇ ਗਲਾਂ ਵਿੱਚ ਹਾਰ ਪਹਿਨਾ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਸਮੇਂ ਵਿਸ਼ੇਸ਼ ਤੌਰ ਤੇ ਸ਼ਾਮਲ ਹੋਣ ਵਾਲੇ ਵਰਕਰਾਂ ਦੀ ਖੁਸ਼ੀ ਵਿੱਚ ਲੱਡੂ ਵੰਡੇ ਗਏ। ਅਜ਼ਾਦ ਗਰੁੱਪ ਦੇ ਸਾਬਕਾ ਆਗੂਆਂ ਬਿੱਕਰ ਸਿੰਘ ਰੱਲਾ ਅਤੇ ਸੁਖਦੇਵ ਸਿੰਘ ਰੱਲਾ ਨੇ ਮੀਟਿੰਗ ਨੂੰ ਸੰਬੋਧਨ ਕਰਦੇ ਹੋਏ ਆਪਣੀ ਵਿਥਿਆ ਸੁਣਾਈ ਕਿ ਅਸੀਂ ਇਸ ਜਥੇਬੰਦੀ ਨੂੰ ਇਸ ਕਰਕੇ ਛੱਡ ਰਹੇ ਹਾਂ ਕਿ ਇਸ ਜਥੇਬੰਦੀ ਦੇ ਜੋ ਮੌਜੂਦਾ ਆਗੂ ਹਨ। ਉਹ ਵਰਕਰਾਂ ਦੇ ਕੋਈ ਵੀ ਕੰਮ ਨਹੀਂ ਕਰਵਾ ਰਹੇ। ਇਸ ਸਮੇਂ ਸਾਰੀਆਂ ਜਥੇਬੰਦੀਆਂ ਪੈਨਸ਼ਨਰਾਂ ਦੀਆਂ ਮੰਗਾਂ ਨੂੰ ਲੈ ਕੇ ਜਿਵੇਂ ਪੈਡਿੰਗ ਡੀ.ਏ. ਦੀ ਮੰਗ, 2.59 ਦੇ ਫਾਰਮੂਲੇ ਨੂੰ ਲਾਗੂ ਕਰਵਾਉਣ, 200 ਰੁਪਏ ਜੰਜੀਆਂ ਟੈਕਸ, ਕੱਚੇ ਮੁਲਾਜ਼ਮਾਂ ਨੂੰ ਪੱਕੇ ਕਰਨ ਆਦਿ ਮੰਗਾਂ ਨੂੰ ਲੈ ਕੇ ਪੰਜਾਬ ਸਰਕਾਰ ਦੇ ਖਿਲਾਫ ਲੜ ਰਹੀਆਂ ਹਨ, ਪ੍ਰੰਤੂ ਅਜ਼ਾਦ ਗਰੁੱਪ ਵਾਲੀ ਜਥੇਬੰਦੀ ਦੇ ਆਗੂ ਨਾ ਕੋਈ ਸੰਘਰਸ਼ ਕਰਦੇ ਹਨ, ਸਗੋਂ ਪੈਨਸ਼ਨਰਾਂ ਤੋਂ ਮਹੀਨਾਵਾਰੀ ਫੰਡ ਇੱਕਠਾ ਕਰਕੇ ਆਪਣੇ ਨਿੱਜੀ ਮੁਫਾਦਾ ਲਈ ਵਰਤ ਰਹੇ ਹਨ। ਜਦੋਂ ਪੈਨਸ਼ਨਰ ਇਸ ਫੰਡ ਦਾ ਹਿਸਾਬ ਦੀ ਮੰਗ ਕਰਦੇ ਹਨ ਤਾਂ ਆਗੂਆਂ ਵੱਲੋਂ ਵਰਕਰਾਂ ਨੂੰ ਬੇਇੱਜ਼ਤ ਕੀਤਾ ਜਾਂਦਾ ਹੈ। ਇਸ ਸਬੰਧੀ ਜਦੋਂ ਅਸੀਂ ਸਰਕਲ ਕਮੇਟੀ ਦੇ ਅਹੁੱਦੇਦਾਰਾਂ ਨੂੰ ਇਸ ਸਬੰਧੀ ਜਾਣਕਾਰੀ ਦਿੱਤੀ ਅਤੇ ਫੰਡ ਦੇ ਹਿਸਾਬ ਦੀ ਮੰਗ ਕੀਤੀ ਤਾਂ ਉਹਨਾਂ ਨੇ ਵੀ ਇਸ ਦਾ ਕੋਈ ਸਾਰਥਕ ਹੱਲ ਨਹੀਂ ਕੀਤਾ। ਜਿਸ ਤੋਂ ਸਾਫ ਹੈ ਕਿ ਸਭ ਰਲੇ ਹੋਏ ਹਨ। ਇਸ ਲਈ ਅਸੀਂ ਸਾਰੇ ਇਸ ਜਥੇਬੰਦੀ ਤੋਂ ਕਿਨਾਰਾ ਕਰਦੇ ਹੋਏ ਅੱਜ ਬਿਕਰ ਸਿੰਘ ਰੱਲਾ ਦੀ ਅਗਵਾਈ ਵਿੱਚ ਸਰਬ ਸ਼੍ਰੀ ਸੁਖਦੇਵ ਸਿੰਘ ਰੱਲਾ, ਗੁਰਦੇਵ ਸਿੰਘ ਜੋਗਾ, ਕੁਲਵੰਤ ਸਿੰਘ, ਜੀਤੋ ਕੌਰ, ਭੂਰਾ ਸਿੰਘ ਜੇ.ਈ., ਜਗਰੂਪ ਸਿੰਘ ਜੇ.ਈ., ਅਜਮੇਰ ਸਿੰਘ ਐਲ.ਡੀ.ਸੀ., ਦਰਸ਼ਨ ਖੋਖਰ, ਮਿੱਠੂ ਸਹਾਰਨਾ, ਹਾਕਮ ਸਿੰਘ ਝੁਨੀਰ, ਜੱਸਾ ਸਿੰਘ ਪਿੱਲਛੀਆਂ, ਗੁਲਾਬ ਕੌਰ ਝੁਨੀਰ, ਬਲਵਿੰਦਰ ਕੌਰ ਅਨੂਪਗੜ੍ਹ, ਗੁਲਾਬ ਸਿੰਘ ਕੋਟ ਧਰਮੂ, ਜੰਗੀਰ ਸਿੰਘ ਖਿਆਲਾ, ਜਸਵੰਤ ਕੌਰ ਮਾਨਸਾ, ਸੁਖਵੰਤ ਸਿੰਘ ਮੱਤੀ ਆਦਿ ਪੈਨਸ਼ਨਰ ਐਸੋਸ਼ੀਏਸ਼ਨ ਪਾਵਰਕਾਮ ਵਿੱਚ ਸ਼ਾਮਲ ਹੋ ਰਹੇ ਹਾਂ ਜੋ ਕਿ ਪੰਜਾਬ ਦੀ ਸਭ ਤੋਂ ਵੱਡੀ ਜਥੇਬੰਦੀ ਹੈ। ਦਰਸ਼ਨ ਜੋਗਾ ਨੇ ਦੱਸਿਆ ਕਿ ਪੈਨਸ਼ਨਰ ਐਸੋਸ਼ੀਏਸ਼ਨ ਪਾਵਰਕਾਮ ਦੀ ਸਮੁੱਚੀ ਮੰਡਲ ਕਮੇਟੀ ਵੱਲੋਂ ਸ਼ਾਮਲ ਹੋਣ ਵਾਲੇ ਪੈਨਸ਼ਨਰ ਸਾਥੀਆਂ ਨੂੰ ਪੂਰਨ ਵਿਸ਼ਵਾਸ਼ ਦਿਵਾਇਆ ਗਿਆ ਕਿ ਆਉਣ ਵਾਲੇ ਸਮੇਂ ਵਿੱਚ ਸਾਰੇ ਸਾਥੀ ਜਥੇਬੰਦੀ ਦੇ ਹਰ ਇੱਕ ਪ੍ਰੋਗਰਾਮ ਨੂੰ ਲਾਗੂ ਕਰਨਗੇ ਅਤੇ ਜਥੇਬੰਦੀ ਹਰ ਸਮੇਂ ਕਿਸੇ ਵੀ ਮੁਸ਼ਕਲ ਨੂੰ ਹੱਲ ਕਰਨ ਲਈ ਇਹਨਾਂ ਸਾਥੀਆਂ ਦੇ ਨਾਲ ਖੜੀ ਹੈ। ਉਹਨਾਂ ਨੇ ਕਿਹਾ ਕਿ ਸਾਥੀਆਂ ਨੇ ਸ਼ਾਮਲ ਹੋਣ ਤੇ ਜਥੇਬੰਦ ਪੈਨਸ਼ਨਰ ਐਸੋਸ਼ੀਏਸ਼ਨ ਹੋਰ ਮਜ਼ਬੂਤ ਹੋਈ ਹੈ ਅਤੇ ਪੰਜਾਬ ਸਰਕਾਰ ਦੇ ਖਿਲਾਫ ਚੱਲ ਰਹੇ ਘੋਲ ਨੂੰ ਹੋਰ ਮਜ਼ਬੂਤੀ ਨਾਲ ਲੜਿਆ ਜਾਵੇਗਾ। ਇਸ ਸਮੇਂ ਇੰਜ. ਗੁਰਸੇਵਕ ਸਿੰਘ ਏ.ਏ.ਈ., ਰਾਵਲ ਸਿੰਘ ਗੁਰੂ, ਬਿਕਰ ਸਿੰਘ ਮਘਾਣੀਆਂ, ਦਰਸ਼ਨ ਸਿੰਘ ਜੋਗਾ, ਅਮਰਜੀਤ ਸਿੰਘ ਸਿੱਧੂ, ਜਗਰਾਜ ਸਿੰਘ ਰੱਲਾ, ਲਖਨ ਲਾਲ, ਜੋਗਿੰਦਰ ਸਿੰਘ ਮਾਨਸ਼ਾਹੀਆਂ, ਪਵਨ ਕੁਮਾਰ ਜੇ.ਈ., ਕੌਰ ਸਿੰਘ ਅਕਲੀਆਂ, ਬਲਦੇਵ ਸਿੰਘ ਬਰਨਾਲਾ ਅਤੇ ਮਨਿੰਦਰ ਸਿੰਘ, ਕਰਮ ਸਿੰਘ ਜੋਗਾ, ਜਗਜੀਤ ਸਿੰਘ ਜੋਗਾ, ਚਾਨਣ ਰਾਮ ਸ਼ਰਮਾ ਆਦਿ ਹਾਜ਼ਰ ਸਨ।