ਭਵਾਨੀਗੜ੍ਹ 07 ਮਈ (ਕ੍ਰਿਸ਼ਨ ਚੌਹਾਨ)-

ਆਦਰਸ਼ ਸਕੂਲਾਂ ਦੇ ਅਧਿਆਪਕਾਂ ਅਤੇ ਨਾਨ-ਟੀਚਿੰਗ ਕਰਮਚਾਰੀਆਂ ਦੀ ਇਕ ਵਿਸ਼ੇਸ਼ ਅਤੇ ਮਹੱਤਵਪੂਰਨ ਮੀਟਿੰਗ ਦੌਰਾਨ ਸਰਬਸੰਮਤੀ ਨਾਲ ਇਹ ਫੈਸਲਾ ਲਿਆ ਗਿਆ ਕਿ ਕਈ ਮੈਂਬਰਾਂ ਅਤੇ ਅਹੁਦੇਦਾਰਾਂ ਵੱਲੋਂ ਪੁਰਾਣੀ ਯੂਨੀਅਨ ਤੋਂ ਅਸਤੀਫਾ ਦੇ ਦਿੱਤਾ ਗਿਆ ਹੈ ਅਤੇ ਹੁਣ ਤੋਂ ਸਮੂਹ ਕਾਰਜ ਨਵੀਂ ਬਣਾਈ ਗਈ “ਆਦਰਸ਼ ਸਕੂਲ ਟੀਚਿੰਗ ਅਤੇ ਨਾਨ ਟੀਚਿੰਗ ਐਸੋਸੀਏਸ਼ਨ ਪੰਜਾਬ” ਦੇ ਬੈਨਰ ਹੇਠ ਚਲਾਇਆ ਜਾਵੇਗਾ।ਮੀਟਿੰਗ ਦੌਰਾਨ ਆਦਰਸ਼ ਸਕੂਲ ਬਾਲਦ ਖੁਰਦ ਦੇ ਨਵ ਨਿਯੁਕਤ ਕਨਵੀਨਰ ਸਲੀਮ ਮੁਹੰਮਦ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆ ਕਿਹਾ ਕਿ ਨਵੀਂ ਐਸੋਸੀਏਸ਼ਨ ਪੁਰਾਣੀ ਯੂਨੀਅਨ ਨਾਲੋਂ ਬਿਲਕੁਲ ਵੱਖਰੇ ਢੰਗ ਨਾਲ ਕੰਮ ਕਰੇਗੀ। ਇਸ ਐਸੋਸੀਏਸ਼ਨ ਵਿੱਚ ਕਿਸੇ ਵੀ ਤਰ੍ਹਾਂ ਦੀ ਪ੍ਰਧਾਨਗੀ ਜਾਂ ਅਹੁਦਿਆਂ ਦੀ ਰਾਜਨੀਤੀ ਨਹੀਂ ਰੱਖੀ ਗਈ। ਕਿਸੇ ਨੂੰ ਵੀ ਪ੍ਰਧਾਨ, ਸੀਨੀਅਰ ਪ੍ਰਧਾਨ ਜਾਂ ਹੋਰ ਵੱਡੇ ਅਹੁਦਿਆਂ ’ਤੇ ਨਹੀਂ ਲਗਾਇਆ ਗਿਆ, ਸਗੋਂ ਹਰ ਸਕੂਲ ਨੂੰ ਬਰਾਬਰ ਅਹਿਮੀਅਤ ਦਿੱਤੀ ਗਈ ਹੈ। ਸਾਰੇ ਸਕੂਲਾਂ ਦੇ ਨੁਮਾਇੰਦੇ ਕਨਵੀਨਰ ਅਤੇ ਕੋ-ਕਨਵੀਨਰ ਦੇ ਰੂਪ ਵਿੱਚ ਆਪਣੀ-ਆਪਣੀ ਜ਼ਿੰਮੇਵਾਰੀ ਨਿਭਾਉਣਗੇ ਅਤੇ ਸਮੂਹਕ ਤੌਰ ’ਤੇ ਫੈਸਲੇ ਲਏ ਜਾਣਗੇ।ਇਸ ਦੌਰਾਨ ਐਸੋਸੀਏਸ਼ਨ ਦੇ ਮੈਂਬਰਾਂ ਨੇ ਕਿਹਾ ਕਿ ਇਸ ਨਵੇਂ ਢਾਂਚੇ ਦਾ ਮੁੱਖ ਮਕਸਦ ਸਾਰੇ ਸਕੂਲਾਂ ਨੂੰ ਇਕਸਾਰ ਹੱਕ ਅਤੇ ਭਾਗੀਦਾਰੀ ਦੇਣਾ ਹੈ ਤਾਂ ਜੋ ਕਿਸੇ ਇਕ ਵਿਅਕਤੀ ਜਾਂ ਅਹੁਦੇ ਤੱਕ ਹੀ ਫੈਸਲੇ ਸੀਮਿਤ ਨਾ ਰਹਿਣ। ਹਰ ਸਕੂਲ ਆਪਣੇ ਮਸਲਿਆਂ ਨੂੰ ਖੁਦ ਉਠਾਏਗਾ ਅਤੇ ਸਾਰੇ ਸਕੂਲ ਇਕ-ਦੂਜੇ ਦੇ ਸੰਘਰਸ਼ ਵਿੱਚ ਪੂਰਾ ਸਾਥ ਦੇਣਗੇ। ਇਸ ਨਾਲ ਕਰਮਚਾਰੀਆਂ ਦੀ ਆਵਾਜ਼ ਹੋਰ ਮਜ਼ਬੂਤੀ ਨਾਲ ਉਭਰੇਗੀ ਅਤੇ ਏਕਤਾ ਵੀ ਹੋਰ ਮਜ਼ਬੂਤ ਹੋਵੇਗੀ। ਮੀਟਿੰਗ ਵਿੱਚ ਬੋਲਦਿਆਂ ਆਗੂਆਂ ਨੇ ਕਿਹਾ ਕਿ ਪਿਛਲੇ ਕਈ ਸਾਲਾਂ ਤੋਂ ਆਦਰਸ਼ ਸਕੂਲਾਂ ਵਿੱਚ ਸੇਵਾ ਨਿਭਾ ਰਹੇ ਅਧਿਆਪਕ ਅਤੇ ਕਰਮਚਾਰੀ ਘੱਟ ਤਨਖਾਹਾਂ, ਪੇ-ਗ੍ਰੇਡ ਦੀ ਕਮੀ, ਨੌਕਰੀ ਸੁਰੱਖਿਆ ਦੀ ਘਾਟ ਅਤੇ ਹੋਰ ਪ੍ਰਸ਼ਾਸਕੀ ਸਮੱਸਿਆਵਾਂ ਨਾਲ ਜੂਝ ਰਹੇ ਹਨ। ਪੰਜਾਬ ਸਰਕਾਰ ਦੇ ਅਧੀਨ ਪੀ.ਪੀ.ਪੀ. ਮੋਡ ਤਹਿਤ ਚੱਲ ਰਹੇ ਇਨ੍ਹਾਂ ਸਕੂਲਾਂ ਵਿੱਚ ਹਜ਼ਾਰਾਂ ਵਿਦਿਆਰਥੀਆਂ ਨੂੰ ਸਿੱਖਿਆ ਦਿੱਤੀ ਜਾ ਰਹੀ ਹੈ, ਪਰ ਇੱਥੇ ਕੰਮ ਕਰ ਰਹੇ ਕਰਮਚਾਰੀਆਂ ਦੀਆਂ ਜਾਇਜ਼ ਮੰਗਾਂ ਨੂੰ ਲੰਮੇ ਸਮੇਂ ਤੋਂ ਅਣਡਿੱਠਾ ਕੀਤਾ ਜਾ ਰਿਹਾ ਹੈ। ਇਸ ਸਬੰਧੀ ਪਹਿਲਾਂ ਵੀ ਸਰਕਾਰ ਅਤੇ ਸੰਬੰਧਿਤ ਵਿਭਾਗਾਂ ਨੂੰ ਕਈ ਵਾਰ ਮੰਗ ਪੱਤਰ ਦਿੱਤੇ ਜਾ ਚੁੱਕੇ ਹਨ।

ਇਸ ਮੌਕੇ ਵੱਖ-ਵੱਖ ਸਕੂਲਾਂ ਲਈ ਨਵੇਂ ਕਨਵੀਨਰ ਅਤੇ ਕੋ-ਕਨਵੀਨਰ ਵੀ ਨਿਯੁਕਤ ਕੀਤੇ ਗਏ, ਜਿਨ੍ਹਾਂ ਵਿੱਚ — ਆਦਰਸ਼ ਸਕੂਲ ਬਾਲਦ ਖੁਰਦ ਤੋਂ ਸਲੀਮ ਮੁਹੰਮਦ ਕਨਵੀਨਰ, ਅਮਰਜੋਤ ਜੋਸ਼ੀ ਕੋ-ਕਨਵੀਨਰ, ਆਦਰਸ਼ ਸਕੂਲ ਗੰਡੂਆਂ ਤੋਂ ਅਮਨਦੀਪ ਸ਼ਾਸਤਰੀ ਕਨਵੀਨਰ, ਗੁਰਜਿੰਦਰ ਸਿੰਘ ਕੋ-ਕਨਵੀਨਰ, ਆਦਰਸ਼ ਸਕੂਲ ਕਾਲੇਕੇ ਤੋਂ ਮਲਕੀਤ ਸਿੰਘ ਕਨਵੀਨਰ, ਸੁਰਿੰਦਰ ਪਾਲ ਕੌਰ ਕੋ-ਕਨਵੀਨਰ, ਆਦਰਸ਼ ਸਕੂਲ ਪੱਕਾ ਅਤੇ ਮਿੱਡੂਮਾਨ ਤੋਂ ਸੁਮਨ ਗਰੋਵਰ ਕਨਵੀਨਰ, ਗੁਰਪ੍ਰੀਤ ਕੌਰ ਕੋ-ਕਨਵੀਨਰ,

ਆਦਰਸ਼ ਸਕੂਲ ਚੌਕੇ ਤੋਂ ਪਵਨਦੀਪ ਕੌਰ ਕਨਵੀਨਰ, ਬਲਵਿੰਦਰ ਸਿੰਘ ਕੋ-ਕਨਵੀਨਰ, ਆਦਰਸ਼ ਸਕੂਲ ਦੌਲਤਪੁਰਾ ਨੀਵਾਂ ਤੋਂ ਗੁਰਪ੍ਰੀਤ ਸਿੰਘ ਕਨਵੀਨਰ, ਸ਼ਰਨ ਕੌਰ ਕੋ-ਕਨਵੀਨਰ,

ਆਦਰਸ਼ ਸਕੂਲ ਕਾਲੇਵਾਲ ਤੋਂ ਪ੍ਰੀਤਪਾਲ ਸਿੰਘ ਕਨਵੀਨਰ, ਅਮਨਦੀਪ ਖਾਨ ਕੋ-ਕਨਵੀਨਰ, ਆਦਰਸ਼ ਸਕੂਲ ਨਵਾਂਗ੍ਰਾਂ ਤੋਂ ਸ਼ਮਸ਼ੇਰ ਸਿੰਘ ਕਨਵੀਨਰ, ਵਿਨੀਤ ਕੁਮਾਰ ਕੋ-ਕਨਵੀਨਰ, ਆਦਰਸ਼ ਸਕੂਲ ਭੋਪਾਲ ਤੋਂ ਮੱਖਣ ਸਿੰਘ ਬੀਰ ਕਨਵੀਨਰ, ਸੁਖਵੀਰ ਸਿੰਘ ਕੋ-ਕਨਵੀਨਰ, ਆਦਰਸ਼ ਸਕੂਲ ਰਣਸੀਂਹ ਕਲਾਂ ਤੋਂ ਰਾਜਿੰਦਰ ਕੌਰ ਕਨਵੀਨਰ, ਕੁਲਦੀਪ ਕੌਰ ਕੋ-ਕਨਵੀਨਰ,

ਆਦਰਸ਼ ਸਕੂਲ ਹਰਦਾਸਾ ਤੋਂ ਮਨਪ੍ਰੀਤ ਕੌਰ ਕਨਵੀਨਰ, ਗੁਰਿੰਦਰ ਸਿੰਘ ਕੋ-ਕਨਵੀਨਰ, ਨਿਯੁਕਤ ਕੀਤਾ ਗਿਆ, ਇਸ ਦੌਰਾਨ ਐਸੋਸੀਏਸ਼ਨ ਦੇ ਆਗੂਆਂ ਨੇ ਸਮੂਹ ਆਦਰਸ਼ ਸਕੂਲਾਂ ਦੇ ਅਧਿਆਪਕਾਂ ਅਤੇ ਨਾਨ-ਟੀਚਿੰਗ ਕਰਮਚਾਰੀਆਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੇ ਹੱਕਾਂ ਦੀ ਲੜਾਈ ਨੂੰ ਮਜ਼ਬੂਤ ਕਰਨ ਲਈ ਇਕਜੁੱਟ ਹੋਣ ਅਤੇ ਨਵੀਂ ਐਸੋਸੀਏਸ਼ਨ ਦਾ ਸਾਥ ਦੇਣ। ਆਗੂਆਂ ਨੇ ਕਿਹਾ ਕਿ ਆਉਣ ਵਾਲੇ ਸਮੇਂ ਵਿੱਚ ਕਰਮਚਾਰੀਆਂ ਦੀਆਂ ਮੰਗਾਂ ਨੂੰ ਲੈ ਕੇ ਸੰਘਰਸ਼ ਨੂੰ ਹੋਰ ਤੇਜ਼ ਕੀਤਾ ਜਾਵੇਗਾ ਅਤੇ ਹਰ ਫੈਸਲਾ ਸਮੂਹਕ ਸਹਿਮਤੀ ਨਾਲ ਲਿਆ ਜਾਵੇਗਾ।