ਮਾਨਸਾ, 1 ਮਈ
ਪਾਵਰਕਾਮ ਪੈਨਸ਼ਨਰਜ ਐਸੋਸੀਏਸ਼ਨ ਮੰਡਲ ਮਾਨਸਾ ਵੱਲੋਂ ਮੰਡਲ ਪ੍ਰਧਾਨ ਲਖਨ ਲਾਲ ਦੀ ਪ੍ਰਧਾਨਗੀ ਹੇਠ ਇੱਕ ਵਿਸ਼ੇਸ਼ ਸਮਾਗਮ ਦਾ ਬਿਜਲੀ ਦਫਤਰ ਮਾਨਸਾ ਵਿਖੇ ਆਯੋਜਨ ਕਰਕੇ ਇੱਕ ਮਈ 1886 ਦੇ ਮਹਾਨ ਸ਼ਹੀਦਾਂ ਨੂੰ ਸਰਧਾਂਜਲੀ ਸਮਰਪਿਤ ਕੀਤੀ ਗਈ। ਇਸ ਸਮਾਗਮ ਦੀ ਕਾਰਵਾਈ ਸੰਬੰਧੀ ਮੰਡਲ ਸਕੱਤਰ ਦਰਸ਼ਨ ਸਿੰਘ ਜੋਗਾ ਨੇ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਮਈ ਦਿਵਸ ਦੇ ਸ਼ਹੀਦਾਂ ਨੂੰ ਸਰਧਾਂਜਲੀ ਭੇਂਟ ਕਰਦੇ ਸਮੇਂ ਦੌਰਾਨ ਸਬਅਰਬਨ ਸ/ਡ ਤੇ ਮੰਡਲ ਦਫਤਰ ਦੇ ਗੇਟਾਂ ਉਪਰ ਸ਼ਹੀਦਾਂ ਨੂੰ ਯਾਦ ਕਰਦੇ ਹੋਏ ਜਥੇਬੰਦੀ ਦੇ ਝੰਡੇ ਝੁਲਾਏ ਗਏ ਅਤੇ ਸਮੂਹ ਮੁਲਾਜਮਾਂ ਨੇ ਸ਼ਹੀਦਾਂ ਦੀ ਕੁਰਬਾਨੀ ਤੋਂ ਪ੍ਰੇਰਨਾ ਦਿੰਦੇ ਹੋਏ ਅੱਜ ਵੀ ਸਮੇਂ ਦੀਆਂ ਕੇਂਦਰ ਅਤੇ ਪੰਜਾਬ ਸਰਕਾਰਾਂ ਵੱਲੋਂ ਮਜਦੂਰ ਮੁਲਾਜਮਾਂ ਕਿਸਾਨਾਂ ਉਪਰ ਜੋ ਜਬਰ ਤਸੱਦਦ ਕੀਤੇ ਜਾ ਰਹੇ ਹਨ ਦੇ ਖਿਲਾਫ ਇੱਕਜੁੱਟ ਹੋ ਕੇ ਲੜਨ ਦਾ ਪ੍ਰਣ ਦੁਹਰਾਇਆ। ਦਰਸ਼ਨ ਜੋਗਾ ਨੇ ਇੱਕ ਮਈ ਦੇ ਮਜਦੂਰ ਦਿਵਸ ਦੀ ਮਹੱਤਤਾ ਦੱਸਦੇ ਹੋਏ ਕਿਹਾ ਕਿ ਉਸ ਸਮੇਂ ਦੀਆਂ ਸਰਮਾਏਦਾਰ ਸਰਕਾਰਾਂ ਵੱਲੋਂ ਮਜਦੂਰ ਮੁਲਾਜਮਾਂ ਤੇ ਜਬਰ ਦਾ ਕਹਾੜਾ ਚਲਾਉਂਦੇ ਹੋਏ ਮਜਦੂਰਾਂ ਤੋਂ ਜਬਰੀ 8 ਘੰਟੇ ਦੀ ਬਜਾਏ ਮਨਮਰਜੀ ਮੁਤਾਬਕ 12-12 ਘੰਟੇ ਜਬਰੀ ਕੰਮ ਕਰਵਾਇਆ ਜਾ ਰਿਹਾ ਸੀ ਉਹਨਾਂ ਦੀ ਬਣਦੀ ਉਜਰਤ ਨਾ ਦੇ ਕੇ ਮਜਦੂਰਾਂ ਦਾ ਸੋਸ਼ਣ ਕੀਤਾ ਜਾਂਦਾ ਸੀ ਜਿਸਦਾ ਮਜਦੂਰ ਮੁਲਾਜਮ ਵਰਗ ਵਿਚੋਂ ਵਿਆਪਕ ਪੱਧਰ ਤੇ ਰੋਸ ਪੈਦਾ ਹੋ ਗਿਆ ਅਤੇ ਕੰਮ ਕਰਨ ਦੇ ਸਮੇਂ ਨੂੰ 8 ਘੰਟੇ ਕਰਨ ਲਈ ਜਾਲਮ ਸਰਕਾਰ ਖਿਲਾਫ ਇਕਜੁੱਟ ਹੋ ਕੇ ਘੋਲ ਵਿੱਢਿਆ। ਜਾਲਮ ਹਕੂਮਤ ਵੱਲੋਂ ਮਜਦੂਰ ਵਰਗ ਦੇ ਇਸ ਸੰਘਰਸ਼ ਨੂੰ ਕੁਚਲਾਉਣ ਲਈ ਅੰਨਾ ਜਬਰ ਢਾਹਿਆ ਗਿਆ ਅਤੇ ਹੱਕ ਮੰਗਦੇ ਮਜਦੂਰ ਸੰਗਠਨਾਂ ਉਪਰ ਲਾਠੀ ਚਾਰਜ, ਗੋਲੀ ਦਾ ਇਸਤੇਮਾਲ ਕੀਤਾ ਗਿਆ ਜਿਸਦੇ ਨਤੀਜੇ ਵਜੋਂ ਗੋਲੀਆ ਲੱਗਣ ਕਾਰਨ ਹੱਕੀ ਮੰਗਾਂ ਲਈ ਲੜਾਈ ਲੜਦੇ ਕਾਫੀ ਮਜਦੂਰਾਂ ਯੋਧੇ ਸ਼ਹੀਦੀ ਜਾਮ ਪੀ ਗਏ। ਪ੍ਰੰਤੂ ਜਾਲਮ ਸਰਕਾਰ ਨੂੰ ਮਜਦੂਰਾਂ ਲਈ ਕੰਮ ਕਰਨ ਦੇ ਸਮੇਂ ਨੂੰ 12 ਘੰਟੇ ਦੀ ਬਜਾਏ 8 ਘੰਟੇ ਵਿੱਚ ਤਬਦੀਲ ਕਰਨ ਲਈ ਮਜਦੂਰਾਂ ਦੇ ਇਸ ਹੱਕੀ ਘੋਲ ਅੱਗੇ ਗੋਡੇ ਟੇਕਣੇ ਪਏ ਅਤੇ 8 ਘੰਟੇ ਦਾ ਉਹ ਸਮਾਂ ਜਾਰੀ ਕਰਨਾ ਪਿਆ।
ਪ੍ਰੰਤੂ ਅੱਜ ਭਾਰਤ ਅੰਦਰ ਕੇਂਦਰ ਅਤੇ ਸੂਬਾ ਸਰਕਾਰਾਂ ਅੱਜ ਫਿਰ ਮਜਦੂਰ ਮੁਲਾਜਮ ਵਰਗ ਨੂੰ ਫਿਰ ਉਸੀ ਤਰ੍ਹਾਂ ਦੇ ਘੋਲ ਲੜਨ ਲਈ ਮਜਬੂਰ ਕੀਤਾ ਜਾ ਰਿਹਾ ਹੈ ਕਿਉਂਕਿ ਕੇਂਦਰ ਸਰਕਾਰ ਜਿਵੇਂ ਹੀ ਮਗਨਰੇਗਾ ਬਿੱਲ 4 ਬਿਜਲੀ ਐਕਟ 2025 ਬੀਜ ਐਕਟ ਨੂੰ ਪਾਸ ਕਰਕੇ ਸਾਰਾ ਸਿਸਟਮ ਕਾਰਪੋਰੇਟਾਂ ਦੇ ਹੱਥਾਂ ਵਿੱਚ ਦੇਣ ਲਈ ਪੂਰੇ ਭਾਰਤ ਵਿੱਚ ਲਾਗੂ ਕਰਨਾ ਚਾਹੁੰਦੀ ਹੈ। ਕੇਂਦਰ ਸਰਕਾਰ ਵੱਲੋਂ ਪੁਰਾਤਨ ਇਤਿਹਾਸ ਦੁਹਰਾਇਆ ਜਾ ਰਿਹਾ ਹੈ। ਸਿਕਾਗੋ ਦੀਆਂ ਸਰਕਾਰਾਂ ਵਾਂਗ 8 ਘੰਟੇ ਬਦਲ ਕੇ ਮਜਦੂਰ ਵਰਗ ਨੂੰ 12-12 ਘੰਟੇ ਨਿਗੂਣੀਆਂ ਉਜਰਤਾਂ ਉੱਤੇ ਕੰਮ ਕਰਵਾਉਣ ਲਈ ਇਹ ਬਿਲਾਂ ਨੂੰ ਅੰਜਾਮ ਦਿੱਤਾ ਜਾ ਰਿਹਾ ਹੈ ਜਿਸਦਾ ਮਜਦੂਰ ਮੁਲਾਜਮ ਖੇਮੇ ਅੰਦਰ ਤਿਖਾ ਵਿਰੋਧ ਹੋ ਰਿਹਾ ਹੈ ਜਿਸ ਕਰਕੇ ਅੱਜ ਪੂਰੇ ਭਾਰਤ ਵਿੱਚ ਮਈ ਦਿਵਸ ਤੇ ਭਾਰਤ ਵਰਸ਼ ਦਾ ਕਾਮਾ ਪੂਰੀ ਤਰ੍ਹਾਂ ਇੱਕ ਜੁੱਟ ਹੋ ਕੇ ਇਹਨਾਂ ਮਜਦੂਰ ਮੁਲਾਜਮ ਵਿਰੋਧੀ ਕਾਲੇ ਕਾਨੂੰਨਾਂ ਦੇ ਖਿਲਾਫ ਆਪਣੀ ਅਵਾਜ ਬੁਲੰਦ ਕਰਕੇ ਕੇਂਦਰ ਅਤੇ ਸੂਬਾ ਸਰਕਾਰਾਂ ਨੂੰ ਚਿਤਾਵਨੀ ਦੇ ਰਿਹਾ ਹੈ ਕਿ ਜਬਰੀ ਥੋਪੇ ਜਾ ਰਹੇ ਕਾਲੇ ਕਾਨੂੰਨ ਲਾਗੂ ਨਹੀਂ ਹੋਣ ਦਿੱਤੇ ਜਾਣਗੇ। ਇਹਨਾਂ ਕਾਲੇ ਕਾਨੂੰਨਾਂ ਦੇ ਖਿਲਾਫ ਮਜਦੂਰ ਮੁਲਾਜਮ ਵਰਗ ਸੰਘਰਸ਼ ਦੇ ਰਾਹ ਤੇ ਹੈ, ਉੱਥੇ ਸੰਯੁਕਤ ਕਿਸਾਨ ਮੋਰਚੇ ਦੀ ਅਗਵਾਈ ਵਿੱਚ ਇਹਨਾਂ ਬਿਲਾਂ ਖਿਲਾਫ ਸੰਘਰਸ਼ ਲੜਿਆ ਜਾ ਰਿਹਾ ਹੈ। ਅੱਜ ਦੇ ਦਿਨ ਇਸ ਸਮਾਗਮ ਵਿੱਚ ਸਾਰੇ ਹੀ ਮੁਲਾਜਮ ਆਗੂਆਂ ਵੱਲੋਂ ਲੋੜਦੇ ਅਮਰੀਕਾ ਇਜਰਾਇਲ ਵੱਲੋਂ ਇਰਾਨ ਦੇ ਖਿਲਾਫ ਲੜੀ ਜਾ ਰਹੀ ਜੰਗ ਦੀ ਪੁਰਜੋਰ ਨਿਖੇਧੀ ਕੀਤੀ ਅਤੇ ਮੰਗ ਕੀਤੀ ਗਈ ਕਿ ਇਸ ਜੰਗ ਨੂੰ ਤੁਰੰਤ ਰੋਕਿਆ ਜਾਵੇ।
ਪੈਨਸ਼ਨਰ ਐਸੋਸੀਏਸ਼ਨ ਪੰਜਾਬ ਦੇ ਸੂਬਾ ਮੀਤ ਪ੍ਰਧਾਨ ਅਮਰਜੀਤ ਸਿੱਧੂ ਨੇ ਆਪਣੇ ਵਿਚਾਰਾਂ ਵਿੱਚ ਕਿਹਾ ਕਿ ਮੋਦੀ ਸਰਕਾਰ ਵੱਲੋਂ ਅਮਰੀਕਾ ਅੱਗੇ ਪੂਰੀ ਤਰ੍ਹਾਂ ਗੋਡੇ ਟੇਕ ਦਿੱਤੇ ਹਨ ਉਹਨਾਂ ਕਿਹਾ ਕਿ ਮੋਦੀ ਸਰਕਾਰ ਅਮਰੀਕਾ ਦੀ ਪੂਰੀ ਤਰ੍ਹਾਂ ਈਨ ਮੰਨ ਚੁੱਕੀ ਹੈ ਜਿਸ ਤਰ੍ਹਾ ਅਮਰੀਕੀ ਰਾਸ਼ਟਰਪਤੀ ਹੁਕਮ ਚਾੜ ਰਿਹੈ। ਮੋਦੀ ਸਰਕਾਰ ਉਸੇ ਤਰ੍ਹਾਂ ਕਰ ਰਹੀ ਹੈ ਜਿਸਦੀ ਸਾਫ ਝਲਕ ਉਦੋਂ ਪੈਂਦੀ ਹੈ ਜਦੋਂ ਟਰੰਪ ਵੱਲੋਂ ਭਾਰਤ ਸਰਕਾਰ ਨੂੰ ਰੂਸ ਤੋਂ ਤੇਲ ਖਰੀਦਣ ਦੀ ਇੱਕ ਮਹੀਨੇ ਦੀ ਹੋਰ ਮੌਹਲਤ ਦਿੱਤੀ ਗਈ ਹੈ। ਇਸ ਤੋਂ ਸਾਫ ਲੱਗ ਰਿਹਾ ਹੈ ਕਿ ਭਾਰਤ ਦਾ ਪ੍ਰਧਾਨ ਮੰਤਰੀ ਮੋਦੀ ਨਹੀਂ ਟਰੰਪ ਹੈ। ਉਹਨਾਂ ਕਿਹਾ ਕਿ ਇਰਾਨ ਦੇ ਖਿਲਾਫ ਬਿਨਾਂ ਕਿਸੇ ਤਰਕ ਦੇ ਲੜੀ ਜਾ ਰਹੀ ਜੰਗ ਨੂੰ ਤੁਰੰਤ ਬੰਦ ਕੀਤਾ ਜਾਵੇ। ਨਿਰਦੋਸ਼ ਲੋਕਾਂ ਦਾ ਸ਼ਰੇਆਮ ਕੀਤਾ ਜਾ ਰਿਹਾ ਕਤਲੇਆਮ ਬੰਦ ਕੀਤਾ ਜਾਵੇ। ਉਹਨਾਂ ਖਦਸ਼ਾ ਜਾਹਰ ਕੀਤਾ ਕਿ ਜੇਕਰ ਜੰਗ ਲੰਬਾ ਸਮਾਂ ਚਲਦੀ ਹੈ ਤਾਂ ਕੋਈ ਦਿਨ ਦੂਰ ਨਹੀਂ ਇਸਦਾ ਸੇਕ ਭਾਰਤ ਨੂੰ ਵੀ ਲੱਗੇਗਾ। ਜੰਗ ਦੇ ਕਾਰਨ ਮਹਿੰਗਾਈ ਬਹੁਤ ਜਿਆਦਾ ਵੱਧ ਚੁੱਕੀ ਹੈ ਜਿਸ ਨਾਲ ਭਾਰਤ ਦੇ ਲੋਕਾਂ ਨੂੰ ਜਿੰਦਗੀ ਵਿੱਚ ਲੋੜੀਂਦੀਆਂ ਵਸਤਾਂ ਦੀ ਮਹਿਗਾਈ ਹੋ ਚੁੱਕੀ ਹੈ। ਲੋਕਾਂ ਦਾ ਬੇਲੋੜਾ ਆਰਥਿਕ ਨੁਕਸਾਨ ਹੋ ਰਿਹਾ ਹੈ। ਇਸ ਲਈ ਜੰਗ ਤੁਰੰਤ ਰੋਕਣਾ ਜਰੂਰੀ ਹੈ।
ਅਖੀਰ ਵਿੱਚ ਮੰਡਲ ਪ੍ਰਧਾਨ ਲਖਨ ਲਾਲ ਨੇ ਮਈ ਦਿਵਸ ਦੀ ਸ਼ਹੀਦਾਂ ਨੂੰ ਸਰਧਾਂਜਲੀ ਭੇਂਟ ਕੀਤੀ ਅਤੇ ਸਮਾਗਮ ਵਿੱਚ ਪਹੁੰਚੇ ਸਾਰੇ ਪੈਨਸ਼ਨਰਾਂ ਦਾ ਧੰਨਵਾਦ ਕਰਦੇ ਹੋਏ ਅਵਾਜ ਦਿੱਤੀ ਕਿ ਸਾਰੀਆਂ ਹੱਕੀ ਮੰਗਾਂ ਮੰਨਵਾਉਣ ਲਈ ਸੰਘਰਸ਼ ਕਰਨ ਲਈ ਤਿਆਰ ਰਹਿਣ। ਇਸ ਸਮੇਂ ਹੋਰਨਾਂ ਤੋਂ ਇਲਾਵਾਂ ਲਖਨ ਲਾਲ, ਦਰਸ਼ਨ ਮੋਫਰ, ਬਿੱਕਰ ਮੰਘਾਣੀਆ, ਜਗਰਾਜ ਬਿੱਰਲਾ, ਅਮਰਜੀਤ ਸਿੰਘ ਸਿੱਧੂ, ਚਤਿੰਨ ਸਿੰਘ ਸਮਾਓ, ਬਲਦੇਵ ਬਰਨਾਲਾ, ਮਨਿੰਦਰ ਸਿੰਘ, ਰਾਵਲ ਸਿੰਘ, ਜੋਗਿੰਦਰ ਮਾਨਸ਼ਾਹੀਆ, ਚਾਨਣ ਰਾਮ ਸ਼ਰਮਾ ਆਦਿ ਹਾਜਰ ਸਨ।
