ਸਵਖਤੇ ਉੱਠਦੀ
ਗੁਰੂ ਘਰ ਜਾਂਦੀ
ਦੋ ਤਿੰਨ ਘਰਾਂ ਦਾ
ਗੋਹਾ ਕੂੜਾ ਕਰਦੀ
ਫਿਰ ਪੋਚੇ ਲਾਉਣ ਚਲੀ ਜਾਂਦੀ
ਬੰਦਾ ਵੀ ਨਹੀਂ ਰਿਹਾ ਸੀ
ਸਿਰ ਤੇ ਹੁਣ ਤਾਂ
ਫਿਰ ਵੀ ਲੜ ਰਹੀ ਸੀ ਲੜਾਈ
ਆਪਣੀ ਬੱਚੀ ਦੇ ਭਵਿੱਖ ਲਈ
ਬਿਨਾਂ ਕੋਈ ਸਵਾਲ ਕੀਤਿਆਂ
ਖੁਸ਼ਦਿਲ ਔਰਤ ।
ਪਰਮਾਤਮਾ ਤੋਂ ਸਭ ਦਾ ਭਲਾ ਲੋਚਦੀ
ਸ਼ਾਮ ਤੱਕ
ਘਰੋਂ-ਘਰੀ ਕੰਮ ਕਰਦੀ
ਥੱਕ ਹਾਰ ਟੁੱਟ ਕੇ
ਘਰ ਪਹੁੰਚਦੀ
ਦੋ ਮੰਨੀਆਂ ਖਾ ਕੇ ਸੌ ਜਾਂਦੀ
ਸੁੱਖ ਦੀ ਨੀਂਦ
ਤੇ ਸਪਨਿਆਂ ਵਿੱਚ ਵੇਖਦੀ
ਆਪਣੀ ਕੁੜੀ ਨੂੰ ਅਫਸਰ ਬਣਦਿਆਂ
ਜੋ ਚੱਕ ਦੇਵੇਗੀ
ਘਰ ਦੀ ਗਰੀਬੀ
ਜਿਸਦੇ ਕਰਜੇ ਦੀ ਪੰਡ ਨੂੰ ਉਤਾਰਦਿਆਂ
ਦੁਨੀਆਂ ਤੋਂ ਚਲ ਗਿਆ ਸੀ
ਉਸਦਾ ਬਾਪ।
ਸਵਖਤੇ ਉਠਦਿਆਂ ਹੀ
ਫਿਰ ਲੱਗ ਜਾਂਦੀ
ਆਪਣੇ ਕੰਮ ਤੇ
ਉਹ ਖੁਸ਼ਦਿਲ ਔਰਤ।
ਅਮਨਦੀਪ ਸ਼ਰਮਾ ਗੁਰਨੇ ਕਲਾਂ
ਤਹਿਸੀਲ ਬੁਢਲਾਡਾ ਜਿਲਾ ਮਾਨਸਾ।
9876074055
