ਬੁਢਲਾਡਾ : 21 ਮਾਰਚ
ਭਾਈ ਜੈਤਾ ਜੀ ਫਾਊਂਡੇਸ਼ਨ ਇੰਡੀਆ ਦੇ ਜੇਐਨਵੀ ਸਿਖਿਆ ਪ੍ਰੋਜੈਕਟ ਦੇ ਸਹਿਯੋਗ ਨਾਲ ਸਰਕਾਰੀ ਪ੍ਰਾਇਮਰੀ ਸਕੂਲ ਪਿੰਡ ਬੱਛੋਆਣਾ ਦੇ ਦੋ ਵਿਦਿਆਰਥੀਆਂ ਗੁਰਵਿੰਦਰ ਦਾਸ ਅਤੇ ਹਰਜੋਤ ਕੌਰ ਨੇ ਜਵਾਹਰ ਨਵੋਦਿਆ ਵਿਦਿਆਲਿਆ ਦੀ ਪ੍ਰੀਖਿਆ ਪਾਸ ਕੀਤੀ। ਸਕੂਲ ਦੇ ਮੁੱਖ ਅਧਿਆਪਕ ਕੁਲਵਿੰਦਰ ਸਿੰਘ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਅਧਿਆਪਕ ਗੁਰਮੇਲ ਸਿੰਘ ਮੱਖਣ ਅਤੇ ਵਲੰਟੀਅਰ ਅਧਿਆਪਕ ਪਲਵਿੰਦਰ ਸਿੰਘ ਬਬਲੀ ਦੀ ਮਿਹਨਤ ਸਦਕਾ ਗੁਰਵਿੰਦਰ ਦਾਸ ਨੇ 85 ਫੀਸਦੀ ਅੰਕ ਲੈ ਕੇ 21ਵਾਂ ਰੈੰਕ ਅਤੇ ਹਰਜੋਤ ਕੌਰ ਨੇ 24ਵਾਂ ਰੈਂਕ ਹਾਸਲ ਕੀਤਾ। ਉਨਾਂ ਦੱਸਿਆ ਸਕੂਲ ਦੇ ਕੁੱਲ 15 ਬੱਚਿਆਂ ਨੇ ਇਹ ਪ੍ਰੀਖਿਆ ਦਿੱਤੀ ਸੀ ਜਿਨਾਂ ਵਿੱਚੋਂ 12 ਬੱਚਿਆਂ ਦਾ ਨਤੀਜਾ 85 ਫੀਸਦੀ ਤੋਂ ਲੈ ਕੇ 68 ਫੀਸਦੀ ਤੱਕ ਰਿਹਾ ਹੈ। 10 ਵਿਦੀਅਆਰਥੀ ਭਾਵੇਂ ਪਹਿਲੀ ਲਿਸਟ ਚ ਦਾਖਲੇ ਲਈ ਆਪਣਾ ਨਾਮ ਦਰਜ ਨਹੀਂ ਕਰਵਾ ਸਕੇ ਪਰ ਉਨਾਂ ਦਾ ਨਤੀਜਾ ਬਹੁਤ ਵਧੀਆ ਰਿਹਾ ਹੈ । ਹਰਮੀਤ ਕੌਰ ਅਤੇ ਬੱਬੂ ਸਿੰਘ ਨੇ 77.5, ਰੁਲਦੂ ਸਿੰਘ ਅਤੇ ਪ੍ਰਨੀਤ ਕੌਰ ਨੇ 76.25, ਅਰਸ਼ਦੀਪ ਸਿੰਘ ਨੇ 72.5, ਮੁਹੰਮਦ ਨੇ 71.25, ਕ੍ਰਿਸ਼ਨ ਸਿੰਘ ਨੇ 70, ਜਗਜੋਤ ਕੌਰ ਅਤੇ ਖੁਸ਼ਪ੍ਰੀਤ ਕੌਰ ਨੇ 69 ਫੀਸਦੀ ਅੰਕ ਲੈ ਕੇ ਆਪਣੀ ਪ੍ਰਤਿਭਾ ਦਾ ਪ੍ਰਗਟਾਵਾ ਕੀਤਾ। ਭਾਈ ਜੈਤਾ ਜੀ ਫਾਊਂਡੇਸ਼ਨ ਇੰਡੀਆ ਦੇ ਪ੍ਰਬੰਧਕਾਂ ਵੱਲੋਂ ਵੱਲੋਂ ਜਵਾਹਰ ਨਵੋਦਿਆ ਵਿਦਿਆਲਿਆ ਦੀ ਪ੍ਰਵੇਸ਼ ਪ੍ਰੀਖਿਆ ਦੀ ਤਿਆਰੀ ਲਈ ਸਕੂਲ ਦੇ ਵਿਦਿਆਰਥੀਆਂ ਨੂੰ ਤਿੰਨੇ ਪੇਪਰਾਂ ਹਿਸਾਬ,ਪੰਜਾਬੀ ਅਤੇ ਰੀਜਨਿੰਗ ਲਈ ਵਿਸ਼ੇਸ ਤਿਆਰ ਕੀਤੇ ਹੋਏ ਕਿਤਾਬਾਂ ਦੇ ਸੈੱਟ,ਟੈਸਟ ਸੀਰੀਜ਼ ਬੁੱਕਲੈੱਟ, ਓਐਮਆਰ ਸੀਟਾਂ ਹੋਰ ਸਿਖਿਆ ਸਮੱਗਰੀ ਤੋਂ ਇਲਾਵਾ ਵਲੰਟੀਅਰ ਅਧਿਆਪਕ ਦੀਆਂ ਸੇਵਾਵਾਂ ਮੁਹੱਈਆ ਕਰਵਾਈ ਗਈ ਸੀ ।
ਫਾਊਂਡੇਸ਼ਨ ਦੇ ਜ਼ਿਲਾ ਮਾਨਸਾ ਦੇ ਕੋਆਰਡੀਨੇਟਰ ਪ੍ਰੋਫ਼ੈਸਰ ਸਤਨਾਮ ਸਿੰਘ ਬੱਛੋਆਣਾ ਨੇ ਟੈਸਟ ਪਾਸ ਕਰਨ ਵਾਲੇ ਬੱਚਿਆਂ ਨੂੰ ਵਧਾਈ ਦਿੰਦੇ ਹੋਏ ਦੱਸਿਆ ਸੰਸਥਾ ਵੱਲੋਂ ਇਨਾਂ ਬੱਚਿਆਂ ਦਾ ਭਵਿੱਖ ‘ਚ ਹਰ ਕਦਮ ਉੱਤੇ ਮਾਰਗਦਰਸ਼ਨ ਕੀਤਾ ਜਾਵੇਗਾ। ਉਨਾ ਦੱਸਿਆ ਸੰਸਥਾ ਦੇ ਮੁੱਖ ਸੇਵਾਦਾਰ ਸਰਦਾਰ ਹਰਪਾਲ ਸਿੰਘ ਅਤੇ ਮੈਨੇਜਿੰਗ ਟਰੱਸਟੀ ਡਾਕਟਰ ਬੀ.ਐਨ ਵਾਲੀਆ ਸਾਬਕਾ ਡਾਇਰੈਕਟਰ ਪੀਜੀਆਈ ਦੀ ਅਗਵਾਈ ਹੇਠ ਹੁਣ ਤੱਕ ਪੰਜਾਬ ਦੇ 500 ਤੋਂ ਵੱਧ ਵਿਦਿਆਰਥੀ ਨੀਟ ਅਤੇ ਜੇਈਈ ਦੀ ਵਕਾਰੀ ਪ੍ਰਵੇਸ਼ ਪ੍ਰੀਖਿਆ ਪਾਸ ਕਰ ਚੁੱਕੇ ਹਨ। ਮਾਨਸਾ ਅਤੇ ਸੰਗਰੂਰ ਜ਼ਿਲੇ ਦੇ ਪਿੰਡਾਂ ਨਾਲ ਸੰਬੰਧਿਤ 125 ਤੋਂ ਵਧੇਰੇ ਵਿਦਿਆਰਥੀਆਂ ਨੇ ਵੀ ਬੀਜੇਐਫ ਦੀ ਸਟਾਰ ਸਕਾਲਰਸ਼ਿਪ ਯੋਜਨਾ ਰਾਹੀਂ ਨੀਟ ਅਤੇ ਜੇਈਈ ਦੀ ਪ੍ਰਵੇਸ਼ ਪ੍ਰੀਖਿਆ ਪਾਸ ਕਰਨ ਚ ਸਫਲ ਰਹੇ ਹਨ।ਸੰਸਥਾ ਦਾ ਮੁੱਖ ਉਦੇਸ਼ ਪੰਜਾਬ ਦੇ ਪੇੰਡੂ ਵਿਦਿਆਰਥੀਆਂ ਨੂੰ ਸਿਖਿਆ ਖੇਤਰ ਨਾਲ ਸੰਬੰਧਿਤ ਕੌਮੀ ਅਤੇ ਕੌਮਾਂਤਰੀ ਪੱਧਰ ਦੀਆਂ ਮੁਕਾਬਲੇ ਵਾਲੀਆਂ ਪ੍ਰਵੇਸ਼ ਪ੍ਰੀਖਿਆਵਾਂ ਬਾਰੇ ਜਾਗਰੂਕ ਕਰਨਾ ਅਤੇ ਤਿਆਰੀ ਕਰਾਉਣਾ ਹੈ। ਪਿੰਡਾਂ ਦੀਆਂ ਸੰਸਥਾਵਾਂ,ਸਕੂਲ ਅਧਿਆਪਕਾਂ ਅਤੇ ਸਮਾਜ ਸੇਵਾ ਦੀ ਭਾਵਨਾ ਰੱਖਣ ਵਾਲੇ ਨਾਗਰਿਕਾਂ ਨਾਲ ਮਿਲ ਕੇ ਇਹ ਸਿਖਿਆ ਪ੍ਰੋਜੈਕਟ ਪੇੰਡੂ ਖੇਤਰ ਵਿੱਚ ਚਲਾਏ ਜਾਂਦੇ ਹਨ।
