ਮਾਨਸਾ, 17 ਫਰਵਰੀ
ਦਿ ਰੌਇਲ ਗਲੋਬਲ ਸਕੂਲ ਖਿਆਲਾ ਕਲਾਂ ਜੋ ਕਿ ਭੀਖੀ ਮਾਨਸਾ ਮੁੱਖ ਮਾਰਗ ‘ਤੇ ਸਥਿਤ ਹੈ
ਵਿਖੇ ਬਹੁਤ ਹੀ ਧੂਮਧਾਮ ਅਤੇ ਉਤਸ਼ਾਹ ਨਾਲ ਰੰਗਾਰੰਗ ਕਾਰਨੀਵਲ ਦਾ ਆਯੋਜਨ ਕੀਤਾ ਗਿਆ।
ਇਸ ਸਮਾਗਮ ਦੇ ਮੁੱਖ ਮਹਿਮਾਨ ਮਾਨਸਾ ਦੇ ਵਿਧਾਇਕ ਡਾ. ਵਿਜੈ ਸਿੰਗਲਾ ਜੀ ਸਨ।
ਸ਼੍ਰੋਮਣੀ ਅਕਾਲੀ ਦਲ ਮਾਨਸਾ ਦੇ ਕੌਮੀ ਮੀਤ ਪ੍ਰਧਾਨ ਸ਼੍ਰੀ ਪ੍ਰੇਮ ਕੁਮਾਰ ਜੀ,
ਇਸਤਰੀ ਵਿੰਗ ਸ਼੍ਰੋਮਣੀ ਅਕਾਲੀ ਦਲ ਦੇ ਜ਼ਿਲ੍ਹਾ ਪ੍ਰਧਾਨ ਸ੍ਰੀਮਤੀ ਕਰਮਜੀਤ ਕੌਰ
ਸਮਾਓ, ਜ਼ਿਲ੍ਹਾ ਜੇਲ੍ਹ ਸੁਪਰਡੈਂਟ ਸ੍ਰੀਮਾਨ ਰਾਹੁਲ ਰਾਜਾ ਜੀ ਅਤੇ ਸ੍ਰੀਮਾਨ ਗਾਡਰ
ਸਿੰਘ ਜੀ ਹੀਰੋਂ ਕਲਾਂ ਮਾਣਯੋਗ ਮਹਿਮਾਨ ਵਜੋਂ ਪਹੁੰਚੇ।
ਕਾਰਨੀਵਲ ਦੀ ਸ਼ੁਰੂਆਤ ਦੀਪ ਜਯੋਤੀ ਦੇ ਨਾਲ ਕੀਤੀ ਗਈ, ਜੋ ਗਿਆਨ ਅਤੇ ਚਾਨਣ ਦਾ
ਪ੍ਰਤੀਕ ਹੈ। ਸਾਰੇ ਸਕੂਲ ਨੂੰ ਖੂਬਸੂਰਤੀ ਨਾਲ ਸਜਾਇਆ ਗਿਆ ਸੀ, ਜਿਸ ਨਾਲ ਪੂਰਾ ਮਾਹੌਲ
ਤਿਉਹਾਰੀ ਬਣ ਗਿਆ।
ਵਿਦਿਆਰਥੀਆਂ ਵੱਲੋਂ ਰੰਗ-ਬਿਰੰਗੇ ਪਹਿਰਾਵਿਆਂ ਵਿੱਚ ਡਾਂਸ, ਸਾਲਸਾ, ਭੰਗੜਾ ਅਤੇ
ਮਨੋਰੰਜਕ ਸਕਿੱਟ ਦੀਆਂ ਸ਼ਾਨਦਾਰ ਪੇਸ਼ਕਾਰੀਆਂ ਕੀਤੀਆਂ ਗਈਆਂ। ਦਰਸ਼ਕਾਂ ਨੇ ਹਰ
ਪੇਸ਼ਕਾਰੀ ਦਾ ਖੂਬ ਆਨੰਦ ਲਿਆ ਅਤੇ ਤਾਲੀਆਂ ਨਾਲ ਹੌਸਲਾ ਅਫਜ਼ਾਈ ਕੀਤੀ ਗਈ। ਫ਼ਤਿਹ
ਗੱਤਕਾ ਐਕਡਮੀ ਦੀ ਗੱਤਕਾ ਟੀਮ ਨੇ ਵੀ ਆਪਣੇ ਜੌਹਰ ਦਿਖਾਏ।
ਇਸ ਤੋਂ ਇਲਾਵਾ ਸੁਆਦੀ ਪਕਵਾਨਾਂ ਅਤੇ ਵੱਖ-ਵੱਖ ਮਨੋਰੰਜਕ ਗੇਮਾਂ ਦੀਆਂ ਸਟਾਲਾਂ
ਲਗਾਈਆਂ ਗਈਆਂ ਸਨ ਹਰ ਇੱਕ ਸਟਾਲ ਦਾ ਸੰਚਾਲਨ ਵਿਦਿਆਰਥੀਆਂ ਵੱਲੋਂ ਆਪਣੇ ਅਧਿਆਪਕਾਂ ਦੀ
ਅਗਵਾਈ ਵਿੱਚ ਕੀਤਾ ਜਾ ਰਿਹਾ ਸੀ।
ਸਕੂਲ ਦੇ ਪ੍ਰਿੰਸੀਪਲ ਡਾ. ਆਸ਼ੀਸ਼ ਕੁਮਾਰ ਸ਼ਰਮਾਂ ਜੀ ਨੇ ਮੁੱਖ ਮਹਿਮਾਨ ਅਤੇ ਹੋਰ
ਪਹੁੰਚੇ ਹੋਏ ਮਹਿਮਾਨਾਂ ਦਾ ਸਵਾਗਤ ਕੀਤਾ। ਇਸ ਮੌਕੇ ਡਾ. ਰਾਜਿੰਦਰ ਸਿੰਘ ਸੋਹਲ ਜੀ ਵੀ
ਵਿਸ਼ੇਸ਼ ਤੌਰ ‘ਤੇ ਪਹੁੰਚੇ ਅਤੇ ਉਨ੍ਹਾਂ ਨੇ ਸਕੂਲ ਸਟਾਫ਼ ਅਤੇ ਵਿਦਿਆਰਥੀਆਂ ਦੀ ਇੰਨੀ
ਸੁਚਾਰੂ ਵਿਵਸਥਾ ਅਤੇ ਮਿਹਨਤ ਦੀ ਭਰਪੂਰ ਸਰਾਹਨਾ ਕੀਤੀ।
ਸਟੇਜ ਦਾ ਸੰਚਾਲਨ ਮੈਡਮ ਅਨੂ ਸ਼ਰਮਾ ਅਤੇ ਮੈਡਮ ਅੰਨੂ ਵਾਲੀਆ ਵੱਲੋਂ ਬਹੁਤ ਸੁਚੱਜੇ
ਢੰਗ ਨਾਲ ਕੀਤਾ ਗਿਆ।
ਇਸ ਮੌਕੇ ਡਾ. ਕੁਲਦੀਪ ਸਿੰਘ ਬੱਲ, ਡਾਇਰੈਕਟਰ ਦਿ ਰੌਇਲ ਗਰੁੱਪ ਆਫ਼ ਕਾਲਜ਼ਿਜ, ਡਾ.
ਸੰਜੇ ਕੁਲਚਾਨਿਆ ਪ੍ਰਿੰਸੀਪਲ ਦਿ ਰੌਇਲ ਕਾਲਜ ਆਫ਼ ਨਰਸਿੰਗ, ਇਸ਼ਵਰੀਆ ਬ੍ਰਹਮਕੁਮਾਰੀਆ
ਵਿਦਿਆਲਾ ਤੋਂ ਰੁਪਿੰਦਰ ਦੀਦੀ ਅਤੇ ਉਨ੍ਹਾਂ ਦੀ ਟੀਮ ਆਦਿ ਵੀ ਮੌਜੂਦ ਸਨ।
ਇਹ ਕਾਰਨੀਵਲ ਖੁਸ਼ੀ ਅਤੇ ਉਤਸ਼ਾਹ ਦੇ ਮਾਹੌਲ ਵਿੱਚ ਸਮਾਪਤ ਹੋਇਆ ਅਤੇ ਸਭ ਲਈ ਯਾਦਗਾਰ ਬਣ ਗਿਆ।
