3 ਸਤੰਬਰ ਦੇ ਮਾਨਸਾ ਪ੍ਰਦਰਸਨ ਦੀ ਤਿਆਰੀ ਹਿੱਤ ਪਿੰਡ ਜੌੜਕੀਆ ਵਿੱਖੇ ਕੀਤੀ ਜਨਤਕ ਮੀਟਿੰਗ
ਮਾਨਸਾ, 28 ਅਗਸਤ (ਨਾਨਕ ਸਿੰਘ ਖੁਰਮੀ)
ਸਰਦੂਲਗੜ੍ਹ / ਝੁਨੀਰ ਲਾਲ ਝੰਡੇ ਦੀ ਤਾਕਤ ਸਦਕਾ ਬਣੀ ਮਜਦੂਰਾ ਲਈ ਬਹੁਤ ਮਹੱਤਵਪੂਰਨ ਮਨਰੇਗਾ ਸਕੀਮ ਨੂੰ ਜੱਥੇਬੰਦਕ ਸੰਘਰਸ ਦੇ ਬਲਬੂਤੇ ਹੀ ਬਚਾਇਆ ਜਾ ਸਕਦਾ, ਕਿਉਕਿ ਸਮੇ ਦੇ ਹਾਕਮ ਮਨਰੇਗਾ ਸਕੀਮ ਨੂੰ ਖਤਮ ਕਰਨ ਦਾ ਮਨ ਬਣਾਈ ਬੈਠੇ ਹਨ , ਇਨ੍ਹਾ ਵਿਚਾਰਾ ਦਾ ਪ੍ਰਗਟਾਵਾ ਇੱਥੋ ਥੋੜੀ ਦੂਰ ਸਥਿਤ ਪਿੰਡ ਜੌੜਕੀਆ ਵਿੱਖੇ 3 ਸਤੰਬਰ ਦੇ ਡੀ ਸੀ ਮਾਨਸਾ ਦੇ ਘਿਰਾਓ ਦੀ ਤਿਆਰੀ ਹਿੱਤ ਕੀਤੀ ਜਨਤਕ ਮੀਟਿੰਗ ਨੂੰ ਸੰਬੋਧਨ ਕਰਦਿਆ ਸੀਪੀਆਈ ਤੇ ਏਟਕ ਦੇ ਸੂਬਾਈ ਆਗੂ ਐਡਵੋਕੇਟ ਕੁਲਵਿੰਦਰ ਸਿੰਘ ਉੱਡਤ ਨੇ ਕੀਤਾ ।
ਐਡਵੋਕੇਟ ਉੱਡਤ ਨੇ ਕਿਹਾ ਕਿ ਬਦਲਾਅ ਵਾਲੀ ਮਾਨ ਸਰਕਾਰ ਨੇ ਮੋਦੀ ਸਰਕਾਰ ਨਾਲ ਮਿਲੀਭੁਗਤ ਕਰਕੇ ਅਸਿੱਧੇ ਰੂਪ ਵਿੱਚ ਮਨਰੇਗਾ ਸਕੀਮ ਨੂੰ ਬੰਦ ਕਰ ਦਿੱਤਾ ਹੈ ਤੇ ਤਰਕ ਵੀ ਮਜ਼ਦੂਰ ਵਿਰੋਧੀ ਨਾ ਬਰਦਾਸ਼ਤ ਕਰਨ ਯੋਗ ਦਿੱਤੇ ਜਾ ਰਹੇ ।
ਉਨ੍ਹਾਂ ਕਿਹਾ ਕਿ ਮਨਰੇਗਾ ਨੂੰ ਜੱਥੇਬੰਦਕ ਸੰਘਰਸ ਜਰੀਏ ਬਚਾਇਆ ਜਾ ਸਕਦਾ, ਜਿਵੇ ਪੰਜਾਬ ਦੇ ਕਿਸਾਨਾ ਨੇ ਸੰਘਰਸ ਦੇ ਜ਼ਰੀਏ ਮਾਨ ਸਰਕਾਰ ਦੀ ਧੋਣ ਤੇ ਗੋਡਾ ਰੱਖ ਕੇ ਲੈਡ ਪੁਲਿੰਗ ਨੀਤੀ ਰੱਦ ਕਰਵਾਈ ਤੇ ਜਮੀਨਾ ਨੂੰ ਕਾਰਪੋਰੇਟ ਘਰਾਣਿਆਂ ਦੇ ਹੱਥਾ ਜਾਣ ਨਹੀ ਦਿੱਤਾ।
ਉਨ੍ਹਾਂ ਨੇ ਮਜ਼ਦੂਰਾ ਨੂੰ ਕਾਫਲੇ ਬਣਾ ਕੇ 3 ਸਤੰਬਰ ਦੇ ਡਿਪਟੀ ਕਮਿਸ਼ਨਰ ਮਾਨਸਾ ਦੇ ਘਿਰਾਓ ਵਿੱਚ ਸ਼ਮੂਲੀਅਤ ਕਰਨ ਦੀ ਅਪੀਲ ਕੀਤੀ।
ਇਸ ਮੌਕੇ ਤੇ ਹੋਰਨਾ ਤੋ ਇਲਾਵਾ ਨਾਜਰ ਸਿੰਘ ਜੌੜਕੀਆ, ਕਰਨੈਲ ਸਿੰਘ ਜੌੜਕੀਆ, ਲੀਲਾ ਸਿੰਘ ਜੌੜਕੀਆ, ਕਾਲਾ ਸਿੰਘ ਜੌੜਕੀਆ, ਜਰਨੈਲ ਸਿੰਘ, ਗੋਰਾ ਸਿੰਘ, ਸੁਰਜੀਤ ਕੌਰ , ਕਮਲ ਕੌਰ ਆਦਿ ਵੀ ਹਾਜਰ ਸਨ।
