ਪਾਵਰ ਪਲਾਂਟ ਬਣਾਂਵਾਲੀ ਪ੍ਰਦੂਸ਼ਣ ਰਾਖ ਅਤੇ ਟਰੱਕਾਂ ਦੀ ਧੂੜ ਨਾਲ ਲੋਕਾਂ ਉਪਰ ਪ੍ਰਦੂਸ਼ਣ ਦਾ ਇੱਕ ਹੋਰ ਹਮਲਾ ਕਰ ਰਹੀ।
ਸੀਮੇਂਟ ਫੈਕਟਰੀ ਰੋਕਣ ਲਈ ਲੋਕ ਆਉਣ ਅੱਗੇ,14 ਨੂੰ ਕਰਾਂਗੇ ਧਰਨਾ ਮੁਜਾਹਿਰਾ
ਮਾਨਸਾ 08 ਜੁਲਾਈ(ਨਾਨਕ ਸਿੰਘ ਖੁਰਮੀ)-ਲੰਘੇ ਐਤਵਾਰ ੲਛਰੁ ਸੀਮੇਂਟ ਫੈਕਟਰੀ ਲੱਗਣ ਤੋਂ ਰੋਕਣ ਬਾਬਤ ਸੰਘਰਸ਼ ਕਮੇਟੀ ਤਲਵੰਡੀ ਅਕਲੀਆ ( ਤਲਵੰਡੀ ਸਾਬੋ ਮੋਰਚੇ) ਨੇ ਸੰਯੁਕਤ ਕਿਸਾਨ ਮੋਰਚੇ ਦੇ ਆਗੂਆਂ ਨੂੰ ਕਿਸਾਨ ਭਵਨ ਚੰਡੀਗੜ੍ਹ ਵਿਖੇ ਮਿਲਕੇ ਧਿਆਨ ਵਿੱਚ ਲਿਆਂਦਾ ਪਾਵਰ ਪਲਾਂਟ ਬਣਾਂਵਾਲੀ ਪ੍ਰਦੂਸ਼ਣ ਰਾਖ ਅਤੇ ਟਰੱਕਾਂ ਦੀ ਧੂੜ ਨਾਲ ਲੋਕਾਂ ਉਪਰ ਪ੍ਰਦੂਸ਼ਣ ਦਾ ਇੱਕ ਹੋਰ ਹਮਲਾ ਕੀਤਾ ਜਾ ਰਿਹਾ ਹੈ, ਜਿਸ ਨਾਲ 20^25 ਪਿੰਡ ਪ੍ਰਭਾਵਿਤ ਹੋਣਗੇ। ਨੇੜਲੇ ਪਿੰਡ ਤਲਵੰਡੀ ਅਕਲੀਆ ਜੋ 500 ਮੀਟਰ ਦੀ ਮਹਿਜ ਦੂਰੀ ਤੇ ਇਸ ਫੈਕਟਰੀ ਤੋਂ ਲੋਕਾਂ ਵਿੱਚ ਭਾਰੀ ਰੋਹ ਹੈ। ਇਸ ਤੋਂ ਇਲਾਵਾ ਪਿੰਡ ਕਰਮਗੜ੍ਹ ਔਤਾਂਵਾਲੀ, ਦਲੀਏਵਾਲੀ, ਮਾਖਾ ਆਦਿ ਪਿੰਡਾਂ ਦੀ ਹਵਾ ਪਾਣੀ ਮਿੱਟੀ ਅਤੇ ਸੱਭਿਆਚਾਰ ਗੰਦਲੇ ਹੋਣਗੇ। ਇਸ ਤਹਿਤ ਸੰਯੁਕਤ ਕਿਸਾਨ ਮੋਰਚੇ ਨੇ ਵਿਚਾਰ ਕਰਕੇ ਜਲਦੀ ਫੈਸਲਾ ਦੇਣ ਦਾ ਭਰੋਸਾ ਦਿੱਤਾ ਹੈ ਜੋ ਵੀ ਜਥੇਬੰਦੀਆ 14 ਜੁਲਾਈ 2025 ਮੋਰਚੇ ਦੇ ਸਮਰਥਨ ਕਰਨ ਲਈ ਪਹੁੰਚ ਰਹੀਆਂ ਹਨ ਉਹਨਾਂ ਦਾ ਸੰਘਰਸ਼ ਕਮੇਟੀ ਵੱਲੋਂ ਧੰਨਵਾਦ ਕੀਤਾ ਜਾਵੇਗਾ। ਇਸ ਮੌਕੇ ਪ੍ਰਧਾਨ ਸੁਖਦੀਪ ਸਿੰਘ, ਕਾਕਾ ਸਿੰਘ ਤਲਵੰਡੀ ਅਕਲੀਆ, ਮਨਪ੍ਰੀਤ ਸਿੰਘ, ਖੁਸ਼ਵੀਰ ਸਿੰਘ, ਮੀਡੀਆ ਇੰਚਾਰਜ ਲੋਕਾਂ ਨੂੰ ਪੁਰਜੋਰ ਅਪੀਲ ਕੀਤੀ। 14 ਜੁਲਾਈ 25 ਨੂੰ ਸੀਮੇਂਟ ਫੈਕਟਰੀ ਖਿਲਾਫ ਲੋਕ ਸੁਣਵਾਈ ਵਿੱਚ ਸਮੂਹ ਵਾਤਾਵਰਣ ਪ੍ਰੇਮੀ ਤਲਵੰਡੀ ਅਕਲੀਆ (ਤਲਵੰਡੀ ਸਾਬੋ ਮੋਰਚਾ) ਦੇ ਲੋਕਾਂ ਦਾ ਸਾਥ ਦੇਣ ਲਈ ਪਹੁੰਚਣ।
