28 ਜੁਲਾਈ-ਪੈਰਿਸ ਓਲੰਪਿਕ

ਭਾਰਤ ਨੂੰ ਦਿਵਾਇਆ ਇਕ ਹੋਰ ਕਾਂਸੀ ਦਾ ਤਗਮਾ

ਮਨੂ ਭਾਕਰ ਨੇ ਪੈਰਿਸ ਓਲੰਪਿਕ ‘ਚ ਇਤਿਹਾਸ ਰਚ ਦਿੱਤਾ ਹੈ। ਉਸ ਦੇ ਪਿਸਤੌਲ ਵਿੱਚੋਂ ਚੱਲੀ ਗੋਲੀ ਨੇ ਭਾਰਤ ਨੂੰ ਇੱਕ ਹੋਰ ਤਮਗਾ ਜਿੱਤਣ ਵਿੱਚ ਮਦਦ ਕੀਤੀ ਹੈ। ਇਸ ਨਾਲ ਭਾਰਤ ਦੇ ਮੈਡਲਾਂ ਦੀ ਗਿਣਤੀ 2 ਹੋ ਗਈ ਹੈ। ਮਨੂ ਭਾਕਰ ਇੱਕੋ ਓਲੰਪਿਕ ਵਿੱਚ ਦੋ ਤਗਮੇ ਜਿੱਤਣ ਵਾਲੀ ਪਹਿਲੀ ਭਾਰਤੀ ਅਥਲੀਟ ਵੀ ਬਣ ਗਈ ਹੈ। ਮਨੂ ਭਾਕਰ ਨੇ ਆਪਣੇ ਸਾਥੀ ਸਰਬਜੋਤ ਸਿੰਘ ਨਾਲ ਮਿਲ ਕੇ ਭਾਰਤ ਲਈ ਦੂਜਾ ਤਮਗਾ ਜਿੱਤਿਆ।

10 ਮੀਟਰ ਏਅਰ ਪਿਸਟਲ ਮਿਕਸਡ ਟੀਮ ਮੁਕਾਬਲੇ ਦੇ ਕਾਂਸੀ ਤਮਗਾ ਮੁਕਾਬਲੇ ਵਿੱਚ ਮਨੂ ਅਤੇ ਸਰਬਜੋਤ ਨੇ ਕੋਰੀਆਈ ਜੋੜੀ ਨੂੰ 16-10 ਨਾਲ ਹਰਾਇਆ।ਮਨੂ ਇੱਕ ਹੀ ਓਲੰਪਿਕ ਵਿੱਚ 2 ਤਗਮੇ ਜਿੱਤਣ ਵਾਲੀ ਪਹਿਲੀ ਭਾਰਤੀ ਹੈ

ਇਸ ਤੋਂ ਪਹਿਲਾਂ ਮਨੂ ਭਾਕਰ ਨੇ 28 ਜੁਲਾਈ ਨੂੰ ਪੈਰਿਸ ਓਲੰਪਿਕ ‘ਚ 10 ਮੀਟਰ ਏਅਰ ਪਿਸਟਲ ਸਿੰਗਲ ਮੁਕਾਬਲੇ ‘ਚ ਵੀ ਕਾਂਸੀ ਦੇ ਤਗਮੇ ‘ਤੇ ਨਿਸ਼ਾਨਾ ਸਾਧਿਆ ਸੀ। ਪੈਰਿਸ ਵਿੱਚ ਆਪਣਾ ਪਹਿਲਾ ਕਾਂਸੀ ਦਾ ਤਗ਼ਮਾ ਜਿੱਤ ਕੇ ਮਨੂ ਨੇ ਤਗ਼ਮੇ ਸੂਚੀ ਵਿੱਚ ਭਾਰਤ ਦਾ ਖਾਤਾ ਖੋਲ੍ਹਿਆ। ਅਤੇ ਹੁਣ, ਪੈਰਿਸ ਵਿੱਚ ਆਪਣੀ ਪਹਿਲੀ ਸਫਲਤਾ ਦੇ 48 ਘੰਟਿਆਂ ਬਾਅਦ, ਮਨੂ ਭਾਕਰ ਨੇ ਇੱਕ ਹੋਰ ਕਾਂਸੀ ਜਿੱਤ ਕੇ ਇਤਿਹਾਸ ਰਚ ਦਿੱਤਾ ਹੈ। ਪੈਰਿਸ ‘ਚ ਮਨੂੰ-ਸਰਬਜੋਤ ਦੀ ਜੋੜੀ ਨੇ ਲਹਿਰਾਇਆ ਝੰਡਾ ਮਨੂ ਭਾਕਰ ਅਤੇ ਸਰਬਜੋਤ ਸਿੰਘ ਨੇ 29 ਜੁਲਾਈ ਨੂੰ 10 ਮੀਟਰ ਏਅਰ ਪਿਸਟਲ ਮਿਕਸਡ ਟੀਮ ਮੁਕਾਬਲੇ ਵਿੱਚ ਕਾਂਸੀ ਦੇ ਤਗਮੇ ਲਈ ਕੁਆਲੀਫਾਈ ਕੀਤਾ ਸੀ। ਦੋਵਾਂ ਨੇ ਕੁਆਲੀਫਿਕੇਸ਼ਨ ਰਾਊਂਡ ‘ਚ 20 ਪਰਫੈਕਟ ਸ਼ਾਟ ਲਗਾਏ ਸਨ ਅਤੇ ਇਸ ਦੇ ਜ਼ਰੀਏ ਉਨ੍ਹਾਂ ਨੇ 580 ਅੰਕ ਹਾਸਲ ਕੀਤੇ ਸਨ।  ਮਨੂ ਭਾਕਰ ਨੇ ਪੈਰਿਸ ਵਿੱਚ ਟੋਕੀਓ ਦੀ ਅਸਫਲਤਾ ਨੂੰ ਬਹੁਤ ਪਿੱਛੇ ਛੱਡ ਦਿੱਤਾ,ਮਨੂ ਭਾਕਰ ਪੈਰਿਸ ਵਿੱਚ ਆਪਣਾ ਦੂਜਾ ਓਲੰਪਿਕ ਖੇਡ ਰਹੀ ਹੈ। ਇਸ ਤੋਂ ਪਹਿਲਾਂ ਜਦੋਂ ਉਸ ਨੇ ਟੋਕੀਓ ‘ਚ ਓਲੰਪਿਕ ਡੈਬਿਊ ਕੀਤਾ ਸੀ ਤਾਂ ਉਸ ਨੂੰ ਖਾਲੀ ਹੱਥ ਪਰਤਣਾ ਪਿਆ ਸੀ। ਟੋਕੀਓ ‘ਚ ਮਨੂ ਭਾਕਰ ਦੀ ਅਸਫਲਤਾ ਦਾ ਕਾਰਨ ਉਸ ਦੀ ਖਰਾਬ ਖੇਡ ਨਹੀਂ ਸਗੋਂ ਪਿਸਟਲ ‘ਚ ਤਕਨੀਕੀ ਖਰਾਬੀ ਸੀ। ਟੋਕੀਓ ‘ਚ ਅਸਫਲਤਾ ਤੋਂ ਬਾਅਦ ਮਨੂ ਨੂੰ ਕਾਫੀ ਆਲੋਚਨਾਵਾਂ ਦਾ ਸਾਹਮਣਾ ਕਰਨਾ ਪਿਆ ਸੀ। ਪਰ, ਚੰਗੀ ਗੱਲ ਇਹ ਹੈ ਕਿ ਮਨੂ ਭਾਕਰ ਪੈਰਿਸ ਤੋਂ ਖਾਲੀ ਹੱਥ ਨਹੀਂ ਪਰਤ ਰਹੀ ਹੈ। ਉਸ ਨੇ ਪੈਰਿਸ ਓਲੰਪਿਕ ‘ਚ ਭਾਰਤ ਦੇ ਨਾਲ-ਨਾਲ ਆਪਣੇ ਲਈ ਮੈਡਲ ਦਾ ਖਾਤਾ ਵੀ ਖੋਲ੍ਹਿਆ ਹੈ।